1 Bakalenga 11:21 - MUKANDA WA MYIDI MUKULU

²¹ Patshivua Adade mu Ejipitu, kumvuaye lumu ne: Davide ne Yowabe, mfumu wa bena mvita bende, mbamane kufua. Adade kuambila mukalenga wa bena Ejipitu ne: — Witabe, mpingane mu ditunga dianyi!

Mukanda wa Nzambi Dihungila Dikulukulu ne Dihungila Dihia-dihia 2003

²¹ Hakunvua Hadada lumu mu Ejipitu ne, Davidi wakalala tulu ne bankambua bandi, ne Yoaba, kapitene ka masalayi andi, wakafua, Hadada wakambila Palô ne, Witabushe bua meme kumuka bua kuhingana ku buloba buanyi.

1 Bakalenga 11:21 교차 참조

Genese 45:24

Yozefe kubela bana babu ne: “Kanutandianga-nyi mu njila to.” Kulayanganabu nende, kuya.

2 Samuele 3:21

Abnere kuambila Davide ne: — Mukalenga, ndi musue kupingana bua kuyukila ne bena Izrayele bonsu bua bashale ku luseke luebe. Nebatue nebe ndondu. Nanku neushale mukalenga wa ditunga dijima bu muudi ujinga. Davide kulayangana bimpe ne Abnere. Awu kumuka, kabayi bamutatshishe kudi muntu.

1 Bakalenga 11:20

Nsongakaji awu, muanabu ne Tapenese, kulela muana wa balume ne bayende Adade. Dina dia muana awu Ngenubate. Tapenese kukoleshila muana awu anu mu nzubu mua mukalenga wa bena Ejipitu, munkatshi mua bana ba mukalenga.

1 Bakalenga 11:22

Mukalenga wa bena Ejipitu kumukonka ne: — Tshiudi ujinga tshindi tshiyi mua kukupa ntshinyi? Udi musue kupingana mu ditunga diebe bua tshinyi? Awu kuandamuna ne: — Tshiena nkengela tshintu to. Kadi, anji kuitaba bua meme kuya!

1 Bakalenga 2:10

Mukalenga Davide kufua. Kumujiikabu mu tshimenga tshiende, mu Yerushalayime.

1 Bakalenga 2:34

Nanku Benaya kupingana kudi Yowabe, kumushipa. Kumujiikabu mu budimi buende munkatshi mua mpata.

Ekesode 4:19

Anu mu Madiyane amu, Maweja-Nangila kuambila Moshe ne: — Eyowa, pingana mu Ejipitu, bualu bantu bonsu bavua bakuelela meji mabi mbamane kufua.

Matayi 2:20

umuambila ne: — Juka, angata muana ne mamuende, upingane nabu mu ditunga dia bena Izrayele. Bualu bantu bavua bakeba kushipa muana mbamane kufua.

Yoshua 2:21

Rakabe kuandamuna ne: — Ndi muanyishe munudi nuamba amu. Pashishe kulayanganabu. Bantu babidi abu bamane kuya, Rakabe kusuika muonji mukunze ku dididishi dia ku nzubu kuende.

1 Samuele 9:26

Butshia dinda dionsu, Shawule ne muena mudimu wende kubika. Panshi patoke, Samuwele kubikila Shawule uvua ku musaka wa nzubu, umuambila ne: — Tuyayi, meme ndi musue kukushindikija mu njila. Nanku Samuwele kuya kushindikija Shawule.