1 Bakalenga 10:25 - MUKANDA WA MYIDI MUKULU

²⁵ Ku tshidimu tshionsu, bantu bonsu aba bavua bakadila Shelomu bintu bia kumusankisha nabi: bintu bienza ne tshiamu tshitoke tshia mushinga mukole, ne tshiamu tshia mpawungi, bilamba, bintu bia kuluangana nabi mvita, manananshi, nyama ya tubalu nansha ya mpunde.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Muntu yonso wakalua ne mulambu wandi, bintu bia or ne bia argent ne bilulu ne bintu bia nvita ne bintu bia muhuya muimpe ne tubalu ne nyama ya mpunda, ku tshidimu ku tshidimu.

1 Bakalenga 10:25 교차 참조

Genese 36:24

Bana ba Sibeyone: ke Aya ne Ana. Ana ewu ke uvua musangane mpokolu wa mayi mu tshipela, pawaye udisha mpunde ya tatuende Sibeyone.

2 Samuele 8:10

Kutumaye muanende Yorame kudi mukalenga Davide bua kumuela muoyi ne tuasakidila, bualu uvua mutshimune Adadezere. Bualu Adadezere uvua muluishi wa Towu. Yorame kutuadila Davide bintu bienza ne tshiamu tshia mpawungi, ne tshiamu tshitoke tshia mushinga mukole, kabidi ne tshiamu tshikunze.

2 Samuele 8:2

Davide kutshimuna kabidi bena Mowabe. Kubaladikaye panshi. Ku bantu basatu, uvua ushipa babidi ba kudibu, ushiya amu muntu umue ne muoyi. Biangatshile musangu awu, bena Mowabe, kushala ku bumfumu bua Davide. Kubalambuishaye bitadi.

1 Bakalenga 1:33

kubatuminaye diyi ne: — Nubikile bena mvita bonsu batshidi bangitaba. Nubandishe muananyi Shelomu pa nyama wa mpunde wa bukalenga. Nuye nende ku mpokolu wa ku Ngikone.

1 Bakalenga 10:10

Pashishe mukalenga mukaji wa Saba, kupesha mukalenga Shelomu tshiamu tshia mpawungi kilo binunu bisatu ne nkama itanu. Kumupeshaye kabidi manananshi a bungi, ne mabue a mushinga mukole. Biangatshile ku dituku adi, kabena banji kufika ne manananshi bungi ebu mu ditunga dia bena Izrayele to.

1 Bakalenga 18:5

Mukalenga Akabe kuambila Obadya ne: — Ufike, tuye mu ditunga dijima, bendakane ku mpokolu ya mayi yonsu ne ku misulu yonsu, ne tudi mua kupeta bisosa bia kudisha nyama ya tubalu ne mpunde. Nanku, katuakuikala ne tshilumbu tshia kushipa nyama yetu to.

1 Bakalenga 5:1

Bualu mukalenga Shelomu uvua ukokesha makalenga makese onsu, biangatshile ku musulu munene wa Perate ne ku ditunga dia bena Peleshete, too ne ku mukalu wa ditunga dia bena Ejipitu mene. Bakalenga bonsu bavua mu matunga aa bavua amu ku bumfumu bua mukalenga Shelomu. Bavua bamulambula milambu, bamuenzela mudimu matuku onsu avuaye ne muoyi.

2 Bakalenga 17:4

Pashishe, Osheya kumuelela tshifufu tshibi. Kutumaye bantu kudi mukalenga wa bena Ejipitu ku tshimenga tshia Sayize. Kavua mulambule kabidi mukalenga wa bena Ashure milambu ya ku tshidimu. Mukalenga Shalmanazere umanya bualu abu, kukuatshishaye Osheya, kumuela mu nzubu wa lukanu.

2 Kulondolola 26:8

Bavua balambula Uziya milambu too ne kudi bena Amone. Bumfumu bua Uziya kukolabu, lumu luende kuya miaba yonsu too ne ku mikalu ya ku Ejipitu.

2 Kulondolola 9:24

Ku tshidimu tshionsu, bantu bonsu aba, bavua bakadila Shelomu bintu bia kumusankisha nabi: bintu bia tshiamu tshitoke tshia mushinga mukole, bia tshiamu tshia mpawungi, bilamba bia kuluangana nabi mvita, manananshi, nyama ya tubalu, nansha ya mpunde.

Ezela 2:66

Bavua kabidi ne nyama ya tubalu 736, nyama ya mpunde milume ivua 245.

Estere 8:10

Mu mikanda ayi bavua bafunda dina dia mukalenga Ahashaveroshe, bayitue ne tshitampi ne kakanu kende ka ku munu. Kuyitumabu kudi babandi ba pa nyama ya tubalu tuvua mu bikumbi bia mu lubanza lua mukalenga.

Estere 8:14

Nanku, mukalenga mumane kutuma diyi adi, bantu bavua ne mikanda kubanda pa nyama ya tubalu tuvua mu bikumbi bia mu lubanza lua mukalenga, kuyabu ne lukasa luonsu. Pashishe bavua babadila bantu ba mu tshimenga tshia Shushane mukanda awu.

Yobe 42:11

Nanku, Yobe kuakidila bana babu bonsu ba balume ne ba bakaji, ne bonsu bavua bamumanye kale, kufikabu bua kumusamba. Bavua badila ne Yobe kaba kamue, bamukolesha ku muoyi bua makenga onsu avua Maweja-Nangila mumutumine. Pashishe muntu yonsu uvua umushila lukanu lutoke lua mushinga mukole, ne kakanu ka tshiamu tshia mpawungi.

Misambu 68:29

Mvidi Mukulu wanyi, leja bukole buebe. buuvua mutuenzele nabu malu a dikema!

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Misambu 72:15

Mukalenga akole bobobu! Bantu bamulambule mpawungi wa mu Saba, batendelela, bamulombele diba dionsu, basengelela Mvidi Mukulu buatshia buila bua amuele lupemba.

Yeshaya 36:16

Kanuena mua kuteleja tshidi Izkiya unuambila to. Nuteleje amu tshindi meme ngamba, meme mukalenga wa bena Ashure. Lekelayi kukandamana. Anyishayi, nudifile kundi. Diba adi, muntu yonsu wa kunudi neanue maluvu ende a mvinyo, neadie tumuma tuende tua mutshi wa mfiku, neanue mayi a mu tshiina tshiende.

Yeshaya 66:20

Nenku bisamba ebi nebipingaje kuabu bana benu bonsu bavua muabu. Nebabande pa tubalu, mu matempu a mvita, ne pa bipoyi. Nebende panyima pa mpunde ne pa tumelu. Nebafike ku mukuna wanyi wa tshijila mu Yerushalayime. Maweja-Nangila udi wamba ne: ke mulambu udibu bandambula. Nenguanyishe amu mundi nganyishe mulambu udi bena Izrayele bantuadila mu nzubu wanyi, mu ngesu milengeja.

Yezekiyele 27:14

Mu Bete-Togarma batua bakupesha nyama ya tubalu idi ikoka matempu, nyama mikuabu ya mvita, ne ya mpunde.

Matayi 2:11

Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.

Balombodi 3:15

Ke bena Izrayele kudila, kubikila Maweja-Nangila bua abambuluishe. Maweja-Nangila kubatumina musungidi. Ke Ekude, muana wa Ngera, wa mu tshisamba tshia Binyamine, uvua ne luboku. Bena Izrayele kutuma Ekude kudi Eglone, mukalenga wa bena Mowabe, bua afile milambu yabu kudiye.

1 Samuele 10:27

Kadi kuvua kabidi bantu bena buenzayi, bavua bamba ne: “Muntu ewu udi mua kutusungidila mushindu kaayi?” Nanku bantu abu bavua bapepeja Shawule. Kabawa balambula milambu. Kadi Shawule kulengulula bionsu abi.