1 Bakalenga 10:21 - MUKANDA WA MYIDI MUKULU

²¹ Makopu a mukalenga Shelomu awu, avua anu a tshiamu tshia mpawungi. Kabidi bintu bionsu bia kudila bivua mu nzubu uvuabu babikila ne: “Ditu dia Lebanone,” bivua anu bia tshiamu tshia mpawungi menemene. Kabavua benza bintu bia tshiamu tshitoke tshia mushinga mukole to. Bualu mu tshikondu tshia Shelomu, tshiamu tshitoke tshia mushinga mukole katshivua ne lumu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Makoho onso a kunua nʼau mukelenge Solomo akadi a or, ne malonga onso a mu nsubu wandi wa ditu dia Lebanona akadi a or mene mene; nansha dimue diakadi dia argent: tshiamu atshi katshiakadi tshia mushinga mukole mu matuku a Solomo.

1 Bakalenga 10:21 교차 참조

1 Bakalenga 10:17

Uvua muenzeje kabidi ngabu mikese nkama isatu, milamakaje ne tshiamu tshia mpawungi. — Ngabu yonsu uvua ukengela tshiamu tshia mpawungi kilo umue ne tshitupa. — Shelomu kuteka ngabu yonsu ayi mu nzubu uvuabu babikila ne: “Ditu dia Lebanone.”

1 Bakalenga 10:20

Mpingu mikuabu ya nyama ya ntambue dikumi ne ibidi ivua ku bidiatshilu bia tshibandilu atshi: nyama isambombu ku dia balume, mikuabu isambombu ku dia bakaji. Kabavua banji kuenza nkuasa wa bukalenga wa mushindu ewu mu ditunga dikuabu to.

1 Bakalenga 10:22

Mukalenga Shelomu uvua ne matu avuaye utuma mitantshi mile, musangu umue ne matu a mukalenga Irame. Pavua bidimu bisatu bipite, matu awu avua apingana mambule tshiamu tshia mpawungi, tshiamu tshitoke tshia mushinga mukole, mibanga, nyama ya nkima, ne nyunyi ya mu matunga makuabu.

1 Bakalenga 7:2

Kuibakabu nzubu uvuabu babikila ne: “Ditu dia Lebanone.” Nzubu awu, uvua ne metre makumi atanu mu bule, metre makumi abidi ne atanu mu butshiama, ne metre dikumi ne atanu mu butumbuke. Dina dia nzubu ewu ndifumina ku milongu inayi ya makunji menza ne mitshi ya sedre. Pa makunji apu, ke pavuabu bateke mabaya manene a tshisasa, a mitshi ya sedre kabidi.

Estere 1:7

Bavua banuina mu makopu a mpawungi, mikale dikopu dionsu dishilangane ne dikuabu. Mukalenga uvua mufile maluvu a mvinyo mapite bungi, uvua wabanyina bantu ne muoyi wa kalolu muakanyine mukalenga.

Yobe 28:1

Bantu mbamanye muaba udibu bumbula tshiamu tshitoke tshia mushinga mukole, miaba idibu basukula tshiamu tshia mpawungi.

Zekâya 9:3

Bena Tire mbakoleshe tshimenga tshiabu ne bimana; mbakunguje tshiamu tshitoke tshia mushinga mukole, bungi bu buloba bua mu njila; mbakunguje tshiamu tshia mpawungi, bungi bu lusenga lua mu misesu.

Dielulula 17:17

Mukalenga awu kena mua kusela bakaji ba bungi. Bualu bakaji abu, badi mua kumufikisha ku ditombokela Maweja-Nangila. Kabidi kikadi ne biuma bia bungi to.