1 Bakalenga 1:8 - MUKANDA WA MYIDI MUKULU

⁸ Kadi mutuangaji Sadoke, ne Benaya, muana wa Yoyada, nansha muambi Natane, ne Shimeyi, Reyi, kabidi ne bena mvita bavua balame mukalenga Davide, kabavua baditua ku tshia Adoniya to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi Sadoka, muakuidi mukuabo, ne Benaya, muana wa Yehoyada, ne Natana muprofete, ne Shimei ne Lei, ne bena bukitu ba Davidi kabakalamata Adoniya.

1 Bakalenga 1:8 교차 참조

2 Samuele 12:25

Maweja-Nangila kuambila muambi Natane bua amanyishe Davide bualu ebu. Bu muvua Maweja-Nangila munange muana ewu, muambi Natane kumuinyika dina dikuabu ne: Yedidiya, mmumue ne: “Muana udi Maweja-Nangila munange.”

2 Samuele 20:23

Yowabe uvua mfumu wa bena mvita bonsu ba bena Izrayele. Benaya, muana wa Yoyada, uvua ulombola bena Kreti ne bena Peleti, bavua balame mukalenga Davide.

2 Samuele 20:25

Sheva uvua mufundi, Sadoke ne Abiyatare bavua batuangaji.

1 Bakalenga 1:26

Kadi kena mubikile mutuangaji Sadoke, nansha Benaya, muana wa Yoyada, nansha muanebe Shelomu, nansha meme mene Natane.

1 Bakalenga 1:32

Ke Davide kubikidisha mutuangaji Sadoke, muambi Natane, ne Benaya, muana wa Yoyada. Bobu bamane kufika kumpala kua mukalenga Davide,

1 Bakalenga 1:38

Mutuangaji Sadoke, muambi Natane, Benaya, muana wa Yoyada, bena Kreti ne bena Peleti bavua balame mukalenga Davide, kuya kudi Shelomu. Kumubandishabu pa nyama wa mpunde wa mukalenga Davide wa bukalenga, kuya nende ku mpokolu wa ku Ngikone.

1 Bakalenga 2:35

Mukalenga Shelomu kupingaja Benaya muaba wa Yowabe, bua ikale mfumu mulombodi wa bena mvita. Kupingajaye kabidi Sadoke, muaba wa Abiyatare bua ikale mutuangaji muaba wa tshijila.

1 Bakalenga 4:18

Shimeyi, muana wa Ela, uvua ulombola buloba bua bena Binyamine.

1 Kulondolola 16:39

Davide kupesha mutuangaji Sadoke, ne batuangaji ba mu diku diende, mudimu wa nzubu wa Maweja-Nangila, uvua pa muaba wa tshijila wa mu Ngibone.

Yezekiyele 44:15

“Batuangaji ba bena Levi ba ku ndelanganyi ya Sadoke, batua balame bimpe mikenji ya muaba wanyi wa tshijila, diba mene ditua bena Izrayele bakuabu bambenge meme Maweja-Nangila. Nanku amu bobu badi mua kungenzela mudimu, kundambula mafuta ne mashi a nyama ya milambu. Meme Maweja-Nangila Mvidi Mukulu ndi ngamba nanku.

Zekâya 12:13

tshiota tshia Levi, balume pa nkayabu, bakaji pa nkayabu; tshiota tshia Shimeyi, balume pa nkayabu, bakaji pa nkayabu.