1 Bakalenga 1:35 - MUKANDA WA MYIDI MUKULU

³⁵ Pashishe nubande, nupingane ku tshimenga, nulonde Shelomu. Shelomu alue kusomba mu nkuasa wanyi wa bukalenga bua kumpinganamu. Bualu Shelomu ke undi musungule bua kuikala mukalenga wa bena Izrayele ne bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Hashishe, nulonde ku nyima kuandi, ne yeye nealue, neashikame mu nkuasa wanyi wa bukelenge, bualu bua yeye neikale mukelenge mu muaba wanyi: nakamusungula mukelenge ku mutu kua Bena Isalele ne kua Bena Yuda.

1 Bakalenga 1:35 교차 참조

1 Bakalenga 1:13

Uye kudi mukalenga Davide, umuambile ne: “Mukalenga, uvua mumane kundaya ne: muananyi Shelomu neakupingane mu bukalenga. Neasombe mu nkuasa webe wa bumfumu. Kadi, Adoniya ukadi mukalenga bua tshinyi?”

1 Bakalenga 1:17

Batsheba kuandamuna ne: — Mukalenga wanyi, uvua mundaya kumpala kua Maweja-Nangila Mvidi Mukulu webe ne: muananyi Shelomu neakupingane mu bukalenga. Neasombe mu nkuasa webe wa bumfumu.

1 Bakalenga 1:34

Muaba awu, mutuangaji Sadoke, ne muambi Natane, nebamuele mafuta pa mutu bua kumujidila, bua ashale mukalenga wa bena Izrayele. Pashishe, nuele mpungi, nuele mbila, nuamba ne: “Mukalenga Shelomu akuate ku mundundu.”

1 Bakalenga 1:36

Benaya kuandamuna ne: — Eyowa, mbimpe mukalenga wanyi! Maweja-Nangila Mvidi Mukulu webe udi muakuile mukana muebe.

1 Bakalenga 2:12

Muanende Shelomu kumupingana mu bukalenga biangatshile tshikondu atshi, bumfumu bua Shelomu kushindama.

1 Bakalenga 2:15

Adoniya kumuambila ne: — Udi mumanye ne: meme mvua ne bua kuangata bukalenga ebu. Kabidi bena Izrayele bonsu bavua batekemena bua meme kuikala mukalenga. Kadi bualu kuenzeka mushindu mukuabu. Muanetu Shelomu kushala mu bukalenga pa muaba wanyi. Bualu Maweja-Nangila uvua musue bua bienzeke nanku.

1 Kulondolola 23:1

Mukalenga Davide mumane kukulakaja, kusungulaye muanende wa balume Shelomu bua ikale mukalenga wa bena Izrayele.

1 Kulondolola 29:23

Shelomu kusomba mu nkuasa wa bukalenga wa Maweja-Nangila, kupingana tatuende Davide mu bukalenga. Bena Izrayele bamone ngikadilu yende milenga, bonsu kumuitaba.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”