Zekâya 9:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Nenyunguluke nsubu wanyi bu mudi bansentedi bamulama, bua muntu kahitshi eku ne eku; bua mubakengeshi kafila ku luseke luabo kabidi; bualu bua mpindiu udi mulami wabo mutabale.

MUKANDA WA MYIDI MUKULU

⁸ Nendame ditunga dianyi, bua baluishi kabafikimu, muntu nansha umue kakengeshi bantu banyi, bualu mpindiewu ndi mubatabalele.”

Zekâya 9:8 교차 참조

2 Samuele 16:12

Biasua Yehowa, yeye udi mumanye mua kutangila bubi buakungenzeleye; Yehowa udi mumanye mua kungenzela bimpe bua bihendu biandi biakumpendeye nʼabi lelu.

2 Bakalenga 19:34

Meme nensungile musoko eu bualu buanyi, ne bualu bua muntu wanyi Davidi.

2 Bakalenga 23:29

Mu matuku andi Palô-neko, mukelenge wa Ejipitu, wakaya ku musulu wa Pelata bua kuluanganeye ne mukelenge wa Ashû; mukelenge Yoshiya wakaluhuka bua kuluanganeye nʼandi, Palô-neko wakamushiha ku Megido hakamutangileye.

2 Bakalenga 24:1

Mu matuku andi Nebukadenesâ, mukelenge wa Babulona, wakalua, ne Yehoyakima wakalua muntu wandi bidimu bisatu, hashishe wakamutombokela.

Misambu 34:7

Muanjelo wa Yehowa udi wasa tshitudilu tshiandi tshinyunguluke badi bamutshina, udi ubasungila.

Misambu 72:4

Yeye nealumbuluile bahele bilumbu biabo, neasungile bana ba badi bakengela bintu, neatshibule mukengeshi wabo bituha bituha.

Ekesode 3:7

Yehowa wakamba ne, Nakutangila dikenga dia bantu banyi badi mu Ejipitu bulelela, nakunvua muadi wabo bualu bua tuhita tuabo, bualu bua ndi mumanye kanyinganyinga kabo.

Ekesode 3:9

Katataka, tangila, muadi wa Bena Isalele Wakafika kundi, Hakatangila kabidi dikenga diabo didi Bena Ejipitu babakengesha nʼadi.

Nsumuinu 3:25

Kutshinyi buowa budi bulua kûdi lukasa, anyi kubutuka kua bantu babi hafikaku kudibo.

Yeshaya 26:1

Mu dituku adi nebimbe musambu eu mu buloba bua Yuda, bimba ne, Tudi ne musoko mukole; yeye neajadike luhandu bua kuikalalu ngumbu yau ne bibumba biau bikole.

Yeshaya 31:5

Bu mudi nyunyu ilembelela ha buihi ne masua ai, Yehowa wa misumba nealame Yelushalema; neamulame, neamuhandishe, neamushiye ne neanusungile.

Yeshaya 4:5

Mu diba adi Yehowa neafuke ditutu didi ne muishi wa kahia mu munya, ne dinkenke dia kahia kadi katema butuku, bua kubiteka ha mutu ha muaba wonso wa mu Mukuna wa Siona udi bantu bashikamemu, ne ha mutu ha bitendelelu bidibo badisangishilamu. Bualu bua nebâdishe tshibuikidi ha mutu ha butumbi buonso.

Yeshaya 52:1

Tabala, tabala, wewe Siona, udiluatshishe bukole buebe; udiluatshishe bivualu biebe bilengele, wewe Yelushalema, musoko wa tshijila! Bualu bua ku dituku edi tô ne ku mpala udi kayi mutengula ne udi mubiha kabena babuela munda muebe kabidi.

Yeshaya 52:12

Bualu bua kanulubukimu lukasa, kanunyemi lubilu; bualu bua Yehowa neaye ku mpala kuenu, ne Nzambi wa Isalele neanulame ku nyima kuenu.

Yeshaya 54:14

Nebakushimike mu buakane; wewe newikale mu muaba ûdi ushiya makenga kule, bualu bua kuena wikala ne bualu bua kutshina; ne buowa nebushale kule nʼebe, bualu bua kabuena bulua ha buihi nʼebe.

Yeshaya 60:18

Kabena bunvua diyoyo kabidi mu buloba buebe, kabena bunvua kubutuka anyi kuoneka ku matshika a buloba buebe; kadi neubikile ngumbu yebe ne, Luhandu, newidike bibi biebe ne, Butumbi.

Yirmeya 31:12

Nebalue ku mutu kua Siona, nebimbeku misambu, nebatambe kusanka bua buimpe bua Yehowa kudibo, bua manvua ne nvinyo mihia-mihia, bua manyi, ne bua bana ba munkatshi mua mikoko ne bimuna bikuabo. Mitshima yabo neyikale bu tshibundu tshidibo bamiamina mai; kabena banyingalala kabidi tô ne kashidi.

Yirmeya 46:13

Edi ndî diakambila Yehowa Yelemiya muprofete bualu bua Nebukadenesâ, mukelenge wa Babulona, ne, Nealue kubutula buloba bua Ejipitu.

Yirmeya 46:2

Bualu bua Ejipitu bualu bua masalayi a Palô-Neko, mukelenge wa Ejipitu, akadi ne tshitudilu tshiau ku muelelu wa musulu wa Pelata mu Kâkemisha, akadi Nebukadenesâ, mukelenge wa Babulona, mutambe bukole mu tshidimu tshinai tshia Yehoyakima, muana wa Yoshiya, mukelenge wa Yuda:

Yezekiyele 39:29

Tshiena mbasokoka mpala wanyi kabidi; bualu bua nakuhumuina Bena Isalele Nyuma wanyi. Mukelenge Yehowa udi wamba dî edi.

Amosa 9:15

Meme nembajadike mu buloba buabo mene; kabena bumushibue kabidi mu buloba bunakubaha. Yehowa Nzambi webe udi wamba mei â.

Zekâya 12:4

Yehowa udi wamba ne, Mu dituku adi nenkuatshishe kabalu konso ne buowa, nempadishe mubandi wa ha nyima haku. Nembulule mesu anyi kudi Bena Yuda, nenfofomeshe mesu a tubalu tuonso tua ba ha buloba!

Zekâya 12:8

Mu dituku adi Yehowa nealame bantu badi bashikame mu Yelushalema; ne muntu wa munkatshi muabo udi mutambe kuteketa neikale bu Davidi mu dituku adi, tshiota tshia Davidi netshikale bu Nzambi, bu muanjelo wa Nzambi ku mpala kuabo.

Zekâya 14:11

Bantu nebashikamemu, kabena bikala ne mulau kabidi; ba mu Yelushalema nebashikame talalâ.

Zekâya 9:7

Nengumushe mashi mukana muabo, ne bintu bia tshinyangu ku menu abo; bobo nebikale kudi Nzambi wetu bu difuka dia bantu bandi, nebikale bu tshiota tshia mu Yuda mene, ne Ekelona newikale bu Muena Yebuse.

Bienzedi 7:34

Bulelela, nakatangila dikenga dia bantu banyi badi mu Ejipitu, nakunvua mikemu yabo, nakuhueka bua kubasungila; luaku katataka, nenkutume mu Ejipitu.

Didimanyisha 20:9

Bakabanda ha buloba buonso, bakanyunguluka tshitudilu tshia basanto ne musoko munangibue; ne kahia kakahueka, kafuma mu diulu, ne kakabashidisha.