Zekâya 8:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Yehowa wa misumba udi wamba dî edi ne, Mu matuku au bantu dikumi ba mu muaku ne mu muaku nebakuate ku luzemba lua tshivuali tshia Muena Yuda, bamuambila ne, Tudi basue kuya nʼebe, bualu bua tuakunvua ne Nzambi udi nʼebe.

MUKANDA WA MYIDI MUKULU

²³ Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Zekâya 8:23 교차 참조

Genese 31:41

Nakadi mu nsubu webe nunku to bidimu makumi abidi, nakakukuatshila mudimu bidimu dikumi ne binai bua bana bebe ba bakashi babidi, ne bidimu bisambombo bua bimuna biebe, ne wewe wakakudimuna difutu dianyi misangu dikumi.

Genese 31:7

Tatu wenu wakundinga, wakakudimuna difutu dianyi misangu dikumi, kadi Nzambi kakitabusha bua yeye kunkengesha.

2 Bakalenga 2:6

Eliya wakamuambila ne, Ndi nkusengelela ne, Ushikame kunoko, bualu bua Yehowa wakuntuma ku Yadene. Yeye wakamuambila ne, Bu mudi Yehowa ne muoyo ne bu mudi mutshima webe ne muoyo, tshiena nkulekela. Bubidi buabo bakatshidi baya.

1 Kulondolola 12:18

Hashishe Nyuma wakatulukila Amasai, wakadi ku mutu kua bantu makumi asatu, yeye wakamba ne, Tudi bantu bebe, Davidi; tudi ku luseke luebe, wewe muana wa Yishai! Ditalala, ditalala dikale kûdi, ditalala dikale kudi bakuatshishi bebe! Bualu bua Nzambi webe udi ukukuatshisha. Hashishe Davidi wakabitabusha, wakabavuisha tupitene tua masalayi andi makuabo.

2 Kulondolola 15:9

Yeye wakasangisha Bena Yuda ne Bena Benyamina ne bonso bakadi bashikama mu Efelayima ne Manashe ne Shimeona; bualu bua ba bungi ba mu Bena Isalele bakalamata kudiye hakamonabo ne Yehowa Nzambi wandi wakadi nʼandi.

Estere 8:17

Mu nseke yonso ne mu misoko yonso yakafika mikanda ya mukenji, Bena Yuda bakadi ne musangelu ne disanka, bakalongolola bia kudia bia disanka, bakadi ne dituku dimpe. Bantu bakuabo ba bungi ba mu buloba bakandamuka bu Bena Yuda; bualu bua ditshina dia Bena Yuda diakabakuata.

Yobe 19:3

Misangu ei dikumi nuakumana kumbela; kanuena ne bundu bualu bua nudi nungenzela bibi.

Muambi 11:2

Uhe bantu muanda mutekete nansha muanda mukulu tshituha tshia bintu biebe, bualu bua wewe kuena mumanye bubi buamueneka ha buloha.

Yeshaya 3:6

Halua muntu kukuata muanʼabo mu nsubu wa tatu wandi, wamba ne, Wewe udi ne tshivualu, newikale mukokeshi wetu, ne buloba ebu bubutuke nebuikale muinshi mua tshianza tshiebe;

Yeshaya 4:1

Mu dituku adi bakashi muanda mutekete nebakuate mulume umue ku tshianza, bamba ne, Netudie bidia bietu tuetu, netuluate bilulu bietu tuetu; kadi anji kuitabusha bua batubikile ku dina diebe; utûmushile bundu buetu.

Yeshaya 45:14

Yehowa udi wamba ne, Luhetu lua ku Ejipitu ne biuma bia buendaluki bua mushinga mu Atiopa, ne Bena Seba bine, bantu bale, nebibuele ku luseke luebe, nebikale bintu biebe. Nebakulonde, nebalue ku luseke luebe ne nkanu mibasuike. Nebahone hanshi ku mpala kuebe bua kukukuila; nebakutendekene ne, Munkatshi muenu mudi Nzambi bulelela; kakuena mukuabo, kakuena Nzambi mukuabo muomumue nʼandi.

Yeshaya 45:24

bamba ne, Anu mu Yehowa mmudi buakane ne bukole. Bantu nebalue kudiye, bonso bakadi bakuata tshiji bualu buandi nebafuishibue bundu.

Yeshaya 55:5

Monai, wewe neubikile tshisamba tshiudi kuyi muanze kumanya, ne bisamba bidi kabiyi bianze kukumanya nebinyemene kûdi, bualu bua Yehowa Nzambi webe, ne bua Wa Tshijila wa Isalele; bua yeye wakukutumbisha.

Yeshaya 60:14

Bana ba balume ba bantu aba bakakukengesha nebalue badinamina hanshi kûdi; bantu aba bonso bakakuhetula nebatue mpala yabo hanshi tô ne ku makasa ebe mene; nebakubikile ne, Musoko wa Yehowa, Siona wa Wa Tshijila wa Isalele.

Yeshaya 60:3

Bisamba bia bantu nebilue ku munya webe, bakelenge nebalue ku dinkenke dia kubanda kua munya webe.

Yeshaya 66:18

Bualu bua ndi mumanye midimu yabo ne meji abo, ndualua bua kusangisha bisamba bionso bia bantu ne nuaku yonso; nebalue, nebamone butumbi buanyi,

Mika 5:5

Yeye eu neikale ditalala dietu. Halua Muena Ashû mu buloba buetu, hadiateye mu nsubu ya bakelenge betu, hashishe, nembishe balami ba mikoko muanda mutekete ne bakokeshi muanda mukulu munkatshi mua bantu bua kumuihata.

Sefanya 3:19

Mona, mu tshikondo atshi nenshikishe tshilumbu tshia bonso bakadi bakukengesha; nempandishe udi mulema, nempingashe wakuihatabo; nembavuishe bantu badi ne butumbi ne badi ne dina dinene, bakadi bakuatshike bundu mu buloba buonso diambedi.

Dibadika 14:22

bualu bua bantu aba bakamona butumbi buanyi ne malu anyi a kukema anakenza munkatshi muabo mu Ejipitu ne mu tshihela, kadi bakunteta munda misangu ei dikumi, kabakunvua dî dianyi,

Luke 8:44

yeye wakalua ku nyima kua Yesu, wakalenga ku mubangu wa kazaku kandi; ha diba adi mene dihatuka dia mashi diakushika.

Bienzedi 19:12

nunku bakatuadila basame matuaya ne bitambala biakadiye nʼabi hamʼbidi, mabedi akumuka kudibo, ne nyuma mibi yakumuka munda muabo.

1 Korente 14:25

ne malu adi masokoka mu mutshima wandi neikale masokolola; ne yeye neatue mpala hanshi, neakukuile Nzambi, neambe ne, Nzambi udi munkatshi muabo bulelela.

Yoshua 8:35

Yoshua kakashiya dî dimue dia mei onso akamba Mose; yeye wakâbadila tshisumbu tshijima tshia Bena Isalele ne bakashi ne bana bakese ne benyi bakadi munkatshi muabo.