Zekâya 7:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Akula ne bantu bonso ba mu buloba ebu, ne bakuidi kabidi, ubambile ne, Hanuakajila bia kudia ne hanuakasa muadi mu ngondo muitanu ne mu ngondo wa muanda mutekete mu bidimu ebi makumi muanda mutekete, nuakajila bia kudia bua bualu buanyi mene, anyi?

MUKANDA WA MYIDI MUKULU

⁵ Andamuna batuangaji ne bena ditunga bonsu ne: “Kukadi bidimu makumi muanda mutekete, binudi nujila biakudia, nuasa miadi mu ngondu muitanu ne wa muanda mutekete, Panudi nulama bijila ebi, nudi nuela meji ne: nudi nunsankisha anyi?

Zekâya 7:5 교차 참조

2 Bakalenga 25:23

Hakunvua tupitene tuonso ne masalayi atu onso lumu ne, Mukelenge wa Babulona wakasungula Gedaliya mukelenge wa buloba, tuakalua ne bantu batu kudi Gedaliya ku Misepa, mena atu ne, Yishemaele, muana wa Netanya, ne Yohanana, muana wa Kalea, ne Selaya, muana wa Tanehumeta, Muena Netofa, ne Yâzanya, muana wa Muena Mâka.

2 Bakalenga 25:25

Kadi mu ngondo wa muanda mutekete Yishemaele, muana wa Netanya, muana wa Elishama wa mu tshiota tshia mukelenge, wakalua ne bantu dikumi bakadi nʼandi, bakakuma Gedaliya, bakamushiha ne Bena Yuda ne Bena Kasada bakadi nʼandi ku Misepa.

Yeshaya 43:23

Kuakufila mikoko yebe kundi bu milambu ya kuosha, kuakuntumbisha ne milambu yebe mikuabo. Tshiakukunemeshila bujitu bua kufila milambu ya bia kudia, tshiakukutondesha ne difila dia bintu bia muhuya muimpe.

Yeshaya 58:3

Badi bakonka ne, Tuakajila bia kudia, kuakututangila munyi? Tuakunyingalasha mitshima yetu, wewe wakulengulula muanda eu munyi? Tangilai, mu dituku dinudi nujila bia kudia nudi milonda anu malu adi mitshima yenu misue kuenza, nudi nukengesha bena mudimu benu bonso.

Yirmeya 25:11

Buloba ebu bujima nebushale bu tshikulu, ne bu tshintu tshidi tshikemesha bantu; ba mu bisamba ebi nebakuatshile mukelenge wa Babulona mudimu bidimu makumi muanda mutekete.

Yirmeya 29:10

Bualu bua Yehowa udi wamba ne, Hakumbanyina Babulona bidimu makumi muanda mutekete, nendue kunudi, nenshikishe dî dianyi dimpe dinakunuambila, nennuhingashe mu muabu eu.

Yirmeya 52:12

Mu ngondo muitanu, mu dituku dia dikumi dia ngondo—tshidimu tshiakadi tshidimu tshia dikumi ne tshitema tshia bukokeshi bua mukelenge Nebukadenesâ, mukelenge wa Babulona—Nebuzaladana, kapitene ka bansentedi ba masalayi, mukuatshishi wa mukelenge wa Babulona, wakalua ku Yelushalema.

Danyele 9:2

mu tshidimu tshia kumudilu tshia bukokeshi buandi, meme Danyele, nakatangila mu Mifundu ya Nzambi ne bidimu makumi muanda mutekete nebihite diambedi dibutuka dia Yelushalema kadiyi dianze kushika bu bungi bua bidimu biakambila Yehowa Yelemiya muprofete.

Osheya 7:14

Kabakudia kundi ne mitshima yabo, kadi badi basa muadi ha malalu abo; badi badisangisha hohamue bua kuangata manvua ne nvinyo muhia-muhia, badi bantombokela.

Zekâya 1:12

Ha diba adi muanjelo wa Yehowa wakamba ne, Yehowa wa misumba, musangu neulehe bule munyi bua wewe kufuila ha mu Yelushalema ne ba misoko ya mu Yuda luse, hawakakuatshila tshiji bidimu ebi bionso makumi muanda mutekete?

Zekâya 7:3

bua kukonka bakuidi ba mu nsubu wa Yehowa wa misumba ne baprofete bandi ne, Ndi mua kuasa madilu ne kujila bia kudia mu ngondo muitanu bu munakumana kuenza bidimu ebi bia bungi, anyi?

Zekâya 7:4

Dî dia Yehowa wa misumba diakalua kundi ne,

Zekâya 7:6

Hanuadia ne hanuanua, kanuena nudia, kanuena nunua anu bua kudisankisha, anyi?

Zekâya 8:19

Edi ndî didi Yehowa wa misumba wamba ne, Kujila kua bia kudia kua mu ngondo muinai, kua mu ngondo muitanu, kua mu ngondo wa muanda mutekete ne kua mu ngondo wa dikumi, nekuikale bu masanka ne musangelu, ne bu bikondo bia bia kudia bia disanka kudi Bena Yuda. Nunku suai bushuwa ne ditalala.

Matayi 23:5

Badi benza malu abo onso anu bualu bua bantu babamone; badi badiundisha nfulakatelio yabo badi badiundisha mibanga ya bikowelu biabo,

Matayi 6:16

Bualu bukuabo kabidi, hanuajila bia kudia, kanuikadi babungame bu mudi bena lubombo benza, bobo badi balaba mishila ku mesu bua bantu babamone ne, Badi bajile bia kudia. Bulelela, ndi nuambila ne, Bakumana kuangata difutu diabo.

Matayi 6:2

Hawaha bantu bintu bia luse, kuedi mpungi ku mpala kuebe bu mutu bena lubombo benza mu nsunagoga ne mu misesu, bua bantu babatumbishe. Bulelela, ndi nuambila ne, Bobo bakumana kuangata difutu diabo.

Matayi 6:5

Hanuatendelela Nzambi, kanuikadi bu bena lubombo; bobo badi basue kutendelela Nzambi bimana mu nsunagoga ne mu masanga a nshila bua bantu babamone. Bulelela, ndi nuambila ne, Bobo bakumana kuangata difutu diabo.

1 Korente 10:31

Nunku binuadia anyi binuanua, anyi malu onso anudi nuenza, nuenze malu onso bua kutumbisha Nzambi.

2 Korente 5:15

ne yeye wakafuila bonso bua badi ne muoyo kabikadi nʼau bua bualu buabo nkayabo, kadi bikale nʼau kudi yeye wakafua ne wakabika ku lufu kabidi bua bualu buabo.

Kolose 3:23

Malu onso anudi nuenza, nuenze ne mitshima yenu bu munudi nuenzela Mukelenge; kembu munudi nuenzela bantu;