Zekâya 7:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Eyo, bakavuisha mitshima yabo bu dibue dia diamant, bua kabunvu diyisha dia mikenji ne mei akadi Yehowa wa misumba mubatumine ku bukole bua Nyuma wandi mukana mua baprofete ba diambedi. Nunku tshiji tshikole tshia Yehowa wa misumba tshiakaha kudibo.

MUKANDA WA MYIDI MUKULU

¹² Kupapishabu muoyi wabu bu dibue dia mbonge. Kabavua basue kumvua malongesha a Maweja-Nangila wa bukole buonsu, avua Mueyelu wende muakuile kale mukana mua bambi. Nanku Maweja-Nangila kufika munda bikole,

Zekâya 7:12 교차 참조

2 Kulondolola 36:13

Yeye kabidi wakatombokela mukelenge Nebukadenesâ, nguakamutshihisha kudi Nzambi; kadi yeye wakadi ne mampaka, wakakolesha mutshima wandi kudi Yehowa, Nzambi wa Isalele.

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

Yobe 9:4

Yeye udi ne meji mu mutshima, ne udi ne bukole buhite, muntu kai wakukolesha mutshima wandi ku mpala kuandi ne wakutula dikasa dimpe?

Misambu 50:17

Bualu bua wewe udi ukina diyisha, udi wimasha mei anyi ku nyima kuebe.

Ekesode 7:13

Mutshima wa Palo wakakoleshibua, yeye kakabunvuila, bu muakamba Yehowa.

Yeshaya 46:12

Nuenu, badi ne mitshima idi ne tshitshu, badi bashilangana ne buakane kule, telejai matshu enu kundi.

Yeshaya 48:4

Bualu bua nakamanya ne, Wewe udi muena tshitshu, nshingu webe udi bu mulungu mukole bu tshiamu, ne mpala webe udi bu tshiamu tshia mitaku;

Yeshaya 6:10

Vuisha mitshima ya bantu aba mitshima idi ne manyi, vuisha matshu abo mpudimatshu, ne buikila mesu abo; bua kabamonyi ne mesu abo, kabunvu ne matshu abo, kabajinguludi malu ne mitshima yabo, kabakudimunyi mitshima yabo bua kusangashibua.

Yeshaya 65:12

nennusunguile lufu lua ku muele wa nvita, ne buonso buenu nenuinyike mitu ku kubutuka; bualu bua, hanakanubikila, kanuakitaba; hanakamba dî, kanuakateleja matshu; kadi nuakenza malu akadi mabi ku mesu kuanyi, nuakasungula malu akadi kâyi ansankisha.

Yirmeya 17:1

Bubi bua ba mu Yuda budi bifundibue ne tshiamu tshia kutaha nʼatshi maleta ne ku lusongo lua dibue dia diamant; budi butahibue ha dibue dia mu mitshimai yabo ne ha nsengu ya bioshelu biabo.

Yirmeya 17:23

Kadi bobo kabakunvuila, kabakateleja matshu abo, kadi bakakolesha mitshimi yabo, bua kabunvu biabo, kabitabushi diyisha dianyi.

Yirmeya 26:19

Hezikiya, mukelenge wa Yuda, ne ba mu Yuda bonso bakamushiha, anyi? Hezikiya kakatshina Yehowa, kakasengelela Yehowa bua kumuha diakalengele, anyi? Ne Yehowa kakakudimuna mutshima wandi bua makenga akadiye musue kubatumina, anyi? Nunku tuetu tudi tuamba kudivuishila dikenga dinene.

Yirmeya 42:21

Lelu eu nakunuambila dî edi, kadi kanuakutumikila dî dia Yehowa Nzambi wenu mu bualu bumue buakuntumeye bua kunuambila.

Yirmeya 5:3

Wewe Yehowa, mesu ebe kaena amona bualu bulelela, anyi? Wewe wakubakengesha, kadi kabakunyingalala; wewe wakubabutula, kadi bakubenga kuitabusha diyisha; bakukolesha mpala yabo mihite mabue bukole, bakuhidia kualukila kûdi.

Yirmeya 7:20

Nunku Mukelenge Yehowa udi wamba ne, Monai, nempongolole tshiji tshianyi ne njiya yanyi ha muaba eu, ha bantu, ha nyama, ha mitshi ya mu madimi ne ha bia kudia bidi buloba bumenesha; biobi nebibioshe bu kahia kadi kakayi kajima.

Yezekiyele 11:19

Nembahe mutshima muhia-muhia, nenteke nyuma muhia-muhia munda muabo, nengumushe mutshima wa dibue munda muabo, nembahe mutshima wa muntu;

Yezekiyele 14:5

bua meme mmanye mua kukuata ba mu tshisamba tshia Bena Isalele mu nkuka ya mu mitshima yabo, bualu bua buonso buabo bakalua kundi bu bantu ba bende bualu bua mpingu yabo.

Yezekiyele 2:4

Bana babo kabidi badi ne dikamakama ne tshitshu. Ndi nkutuma kudibo, ne wewe ubambile ne, Mukelenge Yehowa udi wamba nunku.

Yezekiyele 36:26

Nennuhe mutshima muhia-muhia kabidi, nenteke nyuma muhia-muhia munda muenu; nengumushe mutshima udi bu dibue munda muenu, nennuhe mutshima wa buntu.

Zekâya 1:2

Yehowa wakadi ne batatu benu tshiji tshikole.

Zekâya 7:7

Kanuakunvua mei akamba Yehowa mukana mua baprofete ba diambedi, hakadi Yelushalema ne bantu ne diakalengele, ne hakadi misoko numunyunguluke, ne hakadi bantu bashikame mu buloba ku Sude ne mu tshibanda, anyi?

Matayi 13:15

Mitshima ya bantu aba yakulua manyi a bungi, Badi mpudi matshu, Bakubikila mesu abo; Nunku kabamonyi ne mesu abo, Kabunvu ne matshu abo, Kabamanyi mu mitshima yabo. Kabakudimunyi mitshima yabo Bua meme mbondahe.

Marke 4:12

kumona nebamone, kadi kabena bamanye; kunvua nebunvue, kadi kabena bajingulula; nunku kabakudimunyi mitshima yabo bua mibi yabo ijimishibue.

Luke 8:12

Ba kukala kua nshila badi bantu bakunvua dî; hashishe, diabolo ulualua, udi unyenga dî mu mitshima yabo ne, Kabitabushi, kabasungidibu.

Bienzedi 28:27

Bua mitshima ya bantu aba yakulua manyi a bungi. Badi mpudi matshu, Bakubuikila mesu abo; Nunku kabamonyi ne mesu abo, Kabunvu ne matshu abo, Kabamanyi ne mitshima yabo, Kabakudimunyi mitshima yabo Bua meme neondahe.

2 Petro 1:21

Bualu bua kakuena diyisha dia baprofete diakanza kulua ku disua dia muntu; badi bantu bakamba dî dia kudi Nzambi benzesha kudi Nyuma Muimpe.