Zekâya 7:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kanukengeshi bakashi ba mu lufuila, anyi bana ba nshiya, anyi muenyi, anyi bahele; muntu kahangidishi bualu mu mutshima wandi bua kuenzela muanʼabo bibi.

MUKANDA WA MYIDI MUKULU

¹⁰ Kanukengeshi bakaji bakamba, bana ba nshiye, benyi nansha bapele. Kanuedi meji nansha makese, a kuenzelangana bibi.”

Zekâya 7:10 교차 참조

Misambu 140:2

Badi bahangidisha malu mabi mu mitshima yabo, badi basonsola bantu bua kuluanganabo nvita matuku onso.

Misambu 21:11

Bualu bua bakuhunga di bua kukuenzela bibi; bakakuhangidishila bualu munda muabo, kadi kabena bamanye mua kubushikisha.

Misambu 36:4

Udi uhangidisha bua kuenza malu a dihambuka halaleye mu bulalu buandi; udi udijadika mu nshila udi kayi muakane; kena ulengulula malu mabi.

Misambu 72:4

Yeye nealumbuluile bahele bilumbu biabo, neasungile bana ba badi bakengela bintu, neatshibule mukengeshi wabo bituha bituha.

Ekesode 23:9

Kanukengeshi muenyi wa munkatshi muenu, bualu bua nuenu nudi bamanye mutshima wa muenyi, nuenu nuakadi benyi mu buloba bua Ejipitu.

Nsumuinu 3:29

Kuhangidisha bualu bubi bua kuenzela muena mutumba nʼebe, hadiye ushikama hehi nʼebe mukueyemene.

Nsumuinu 6:18

mutshima udi uhangidisha mianda ya meji mabi, makasa adi aya lubilu kudibo benza malu mabi,

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Yirmeya 18:18

Mu diba adi bakamba ne, Luai, tuelele Yelemiya tshifufu; bualu bua mikenji kayena yumuka kudi muakuidi, meji kaena umuka kudi bena meji, ne dî kadiena diumuka kudi muprofete. Luai, tumutahe ne ludimi, katuteleji matshu etu ku mei andi kabidi.

Yirmeya 21:12

nuenu ba mu nsubu wa Davidi! Yehowa udi wamba ne, Nulumbulule bilumbu ne kulumbulula kuakane ne lunkelu, nuhandishe muntu udi ne bintu biandi binyengibue mu bianza bia mumukengeshi, bua tshiji tshianyi katshihatuki bu kahia, kadi kosha kakuyi udi mua kutshijima, bualu bua bubi bua bienzedi bienu.

Yirmeya 49:11

Shiya bana bebe ba nshiya, nembalame bua bikale ne muoyo, bakashi bebe ba mu lufuila bangeyemene meme.

Yirmeya 5:28

Badi ne mafuta a bungi hamʼbidi habo, dikoba diabo didi dinuna; badi batamba kuenza malu mabi; kabena bakuila bana ba nshiya bilumbu biabo bua bana bikale ne diakalengele, kabena bakuatshisha bakengi bua kuhetabo bintu bidibo nʼabi bualu.

Yirmeya 7:6

binuikala kanuyi nukengesha benyi ne bana ba nshiya ne bakashi ba mu lufuila, binuikala kanuyi numatshisha mashi a badi kabayi ne bualu hanshi mu muaba eu, binuikala kanuyi nulonda nzambi ya hatuhu bua kudikengesha nʼai,

Yezekiyele 18:12

wakuenzela bahele ne bakengi bibi, wakunyenga bintu ku bukole, kakuhingasha tshieva kudi muenʼatshi, wakutangisha mesu andi ku mpingu, wakuenza malu a bundu,

Yezekiyele 22:12

Mukelenge Yehowa udi wamba ne, Bakuabo ba munkatshi muenu bakuitabusha mbueshilu bua kumatshisha mashi a bakuabo hanshi; wewe wakulomba bia kasombela ne bia makasa, wakunyenga bintu kudi bena mutumba nʼebe ku bukole; wakumpua muoyo.

Yezekiyele 22:29

Bena buloba bakukengeshangana hatuhu, bakunyenga bintu bia bakuabo; bakutatshisha bahele ne bakengi, bakukengesha muntu wa bende wakadi kayi ne bualu.

Yezekiyele 22:7

Ba munkatshi muenu bakuhetula batatu ne bamamu; ba munkatshi muenu bakukengesha muntu wa bende; ba munkatshi muenu bakuenzela bana ba nshiya ne bakashi ba na lufuila bibi.

Amosa 4:1

Unvuai dî edi, nuenu bakashi ba ngombe ba ku Bashana, nuenu badi bashikame ha mukuna wa Samalea, badi bakengesha bantu bahele, badi badiata bakengi, badi bambila babayabo ne, Luai ne nvinyo, tunue bietu.

Zekâya 8:17

Yehowa udi wamba ne, Nansha umue wa munkatshi muenu kahangidishi bualu mu mutshima wandi bua kuenzeleye muena mutumba nʼandi bibi; kanunangi mutshihu wa mashimi, bualu bua ndi nkina malu â onso.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.

Matayi 23:13

Nuenu bafundi ne Bafalese, nudi bena lubombo, mulau ulualua kunudi, bualu bua nuenu nudi nuinshidila bantu tshibi tshia bukelenge bua mu diulu; nuenu kanuena nubuelamu, kanuena nuitabusha bua bakuabo badi basue kubuela babuele!

1 Korente 6:10

anyi bibi, anyi bena lukuka lua bintu, anyi bakuatshiki ba maluvu, anyi bahendanganyi, anyi banyengi ba bintu, kabena bahiana bukelenge bua Nzambi.

Dielulula 27:19

Muntu yonso udi ulumbuluisha benyi anyi bana ba nshiya anyi bakashi ba mu lufuila dilumbulula didi kadiyi diakane udi ne mulau. Bantu bonso nebakudimune dî ne, Amen.

Yakobe 5:4

Monai, difutu dia bena mudimu bakanunowela madimi enu, dinutshidi nushala nʼadi ku buibi, didi diela dî dikole; ne muadi wa bahuodi wakubuela mu matshu a Mukelenge wa Misumba Yonso.

1 Yone 3:15

Muntu yonso udi ne muanʼabo lukuna udi mushihianganyi; ne nudi bamanye ne, Kakuena mushihianganyi udi ne muoyo wa tshiendelele muikale munda muandi.