Zekâya 5:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa wa misumba udi wamba ne, Nengutume, neubuele mu nsubu wa muibi, ne mu nsubu wa muntu udi uditshiha ne mashimi mu dina dianyi; neushale munda mua nsubu wandi, neumuoshe diatshimue ne mabaya andi ne mabue andi kabidi.

MUKANDA WA MYIDI MUKULU

⁴ Maweja-Nangila wa bukole buonsu udi wamba ne: Yeye nkayende neele mulawu ewu; neufike mu nzubu mua muivi yonsu, ne mua muntu yonsu udi uditshipa mitshipu ya dishima mu dina dianyi. Mulawu neushale mu nzubu ewu. Neubutule bionsu bidimu, nansha mikamba ne mabue mene.

Zekâya 5:4 교차 참조

Yobe 18:15

Mu ntenta wandi nemuikale bintu bidi kabiyi biandi, nebamuangalashe soufre mu muaba wakadiye ushikama.

Yobe 20:26

Mîdima mikole neyikale mu tshibutshilu tshiandi, kahia kadi muntu kayi mutemeshe nekamushidishe; nekabutule bintu bionso bidi bishala mu ntenta wandi.

Yobe 8:15

Yeye udi weyemena nsubu wandi, kadi nsubu kena ushindama; neamuobokele ne bianza biandi, kadi kena ukandamana.

Yobe 8:22

Bena lukuna bebe nebafuishibue bundu, ne ntenta wa bantu babi kena wikalaku kabidi.

Nsumuinu 3:33

Mulau wa Yehowa udi mu nsubu wa bantu babi, kadi udi uvudishila nsubu wa bantu bakane disanka.

Yeshaya 24:6

Bua bualu ebu mulau wakunyanga buloba, ne badi bashikamehu bakuhishibua, nunku ba ha buloba bakuoshibua ne kahia, anu bantu banya-banya badi bashala.

Yirmeya 2:26

Bu mudi muibi Ukuatshika bundu hamukuatabo, ba mu Bena Isalele nebakuatshike bundu nunku; bobo bine, bakelenge babo, baminyampala babo, bakuidi babo ne baprofete babo;

Osheya 4:2

Anu kuditshiha ne mitshihu ya mashimi, kudinga, kushihangana, kuiba ne kuenda kua masandi kudiku. Badi bashimbula bimanu bia nsubu, ne kumatshisha kua mashi kudi kulonda kumatshisha kua mashi.

Osheya 4:3

Bua mianda yaya buloba budi buasa muadi, ne bantu bonso badi bashikamemu badi batekete, ne nyama ya mu mpata ne nyunyu ya mu diulu bidi bitekete muomumue; minyinyi ya mu mai kabidi idi ifua.

Amosa 3:10

Yehowa udi wamba ne, Bantu aba badi babutshile bintu biakanyengabo ku tshimbambila mu nsubu ya banfumu babo, kabena bamanye mua kuenza malu makane.

Zekâya 5:3

Ahu yeye wakangambila ne, Eu udi mulau udi utangalaka ha buloba buonso. Bualu bua muntu yonso udi wiba neumushibue ku luseke elu bu mudiu wamba; ne muntu yonso udi uditshiha ne mashimi neumushibue ku luseke alu bu mudiu wamba.

Zekâya 8:17

Yehowa udi wamba ne, Nansha umue wa munkatshi muenu kahangidishi bualu mu mutshima wandi bua kuenzeleye muena mutumba nʼandi bibi; kanunangi mutshihu wa mashimi, bualu bua ndi nkina malu â onso.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.

Dielulula 28:16

Nenuikale ne milau mu misoko, nenuikale ne milau mu madimi.

Dielulula 7:26

Kanulu ne tshintu tshidi tshitonda Yehowa mu nsubu muenu bua kufuanangana nʼatshi: nuhidie tshintu atshi, nuikale nʼatshi lukuna; atshi ntshintu tshibihe tshia tshijila.

Yoshua 9:20

Ebu mbualu butudi mua kubenzela bua bobo bashale ne muoyo: tshiji katshitukuatshi bualu bua mutshihu utuakuditshiha nʼau.