Zekâya 2:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa neangate Yuda bu buhianyi buandi mu buloba bua tshijila, neasungule Yelushalema kabidi.

MUKANDA WA MYIDI MUKULU

¹² Maweja-Nangila wa bukole buonsu, udi muntume bua kunuambila malu, udi wamba bua bisamba bivua binupawule ne: “Muntu udi unuluisha, udi untua munu mu disu.

Zekâya 2:12 교차 참조

2 Kulondolola 6:6

kadi katataka nakusungula Yelushalema bua dina dianyi dikalemu; nakusungula Davidi bua kuikaleye ku mutu kua bantu banyi, Bena Isalele.

Estere 6:13

Hamana wakambila mukashi wandi Zeleshe ne balunda bandi bualu buonso buakamukuata. Hashishe bena meji bandi ne mukashi wandi Zeleshe bakamuambila ne, Bikala Môdekai, uwakabanga kulekela ku mesu kuandi, wa bana ba Bena Yuda, wewe kuena mumanye mua kumuhita bukole; kadi wewe neuhone ku mpala kuandi bulelela.

Misambu 105:15

Wakamba ne, Kanulengi bantu banyi bedibue manyi ha mutu tshianza, kanuenzedi baprofete banyi bibi.

Misambu 132:13

Bualu bua Yehowa wakusungula Siona; wakamunanga bu muaba wandi wa kuikaleye, wamba ne,

Misambu 132:14

Etshi ntshikishilu tshianyi tô ne kashidi. Nengikaleku, bualu bua ndi mutshinange.

Misambu 135:4

Bua Yehowa wakudisunguila Yakoba bua kuikaleye nʼandi, wakadisunguila Isalele bu buhianyi buandi.

Misambu 33:12

Disanka didi kudi tshisamba tshidi ne Yehowa bu Nzambi watshi, mbantu bakusunguleye bua kuikalabo buhianyi buandi mene!

Misambu 82:8

Nzambi, bika biebe, ulumbuluishe ba ha buloba; bualu bua wewe neuhiane bisamba bionso bia bantu.

Yeshaya 14:1

Bualu bua Yehowa neafuile Yakoba luse, neasungule ba mu Bena Isalele bu bantu bandi kabidi, ne neabashikike mu buloba buabo bua diambedi. Bantu ba bende nebadisangishe nʼabo, nebadilamike kudi ba mu bana ba Yakoba.

Yeshaya 17:14

Habuela diba, monai, buowa bukole budiku! Dinda kadiyi dianji kulua, kabenaku! Edi ndikenga didi bantu badi batuhaula bahiana, ne bualu bubi buakusunguilabo badi banyenga bintu bietu.

Yeshaya 41:9

Wewe unakukuata bua kulua nʼebe kunfudilu kua buloba, unakubikila ku matengu abu, unakuambila ne, Wewe udi mukuatshishi wanyi wa mudimu, nakukusungula ne tshiena mukuhidie.

Yirmeya 10:16

Yehowa, luseke lua buhianyi bua Yakoba kena nunku nansha; bualu bua yeye udi mufuki wa bintu bionso; Bena Isalele badi tshisamba tshia buhianyi buandi; Yehowa wa misumba ndina diandi.

Yirmeya 30:16

Nunku bantu bonso badi bakukengesha nebakengeshibue kabidi; bena lukuna bebe bonso, buonso buabo mene, nebaye mu buhika; badi banuhaula nebikale bintu bia bakuabo kuhaula; nenfile bonso badi banyenga bintu bienu bu tshintu tshidi bakuabo banyenga.

Yirmeya 51:19

Yehowa, Luseke lua Buhianyi bua Yakoba, kena bu bintu ebi, kadi yeye udi mufuki wa bintu bionso; Bena Isalele ntshisamba tshia buhianyi buandi, Yehowa wa misumba ndina diandi.

Zekâya 1:17

Amba kabidi ne, Yehowa wa misumba udi wamba ne, Misoko yanyi neyule tente kabidi ne diakalengele, ne Yehowa neasambe Siona kabidi, neajadike Yelushalema kabidi.

Zekâya 3:2

Yehowa wakambila Satana ne, Yehowa akubele wewe, Satana; eyo, Yehowa wakasungula Yelushalema akubele! Etshi kantshishelele tshiakahatulabo mu kahia, anyi?

Dielulula 32:10

Yeye wakasangakena nʼandi mu muaba wa hatuhu, mu tshihela muakadi luhehele nkayalu; yeye wakamunyunguluka, wakamulama bimpe, wakamuenzela bu kamonyi ka disu diandi.

Dielulula 32:9

Tshituha tshia buhianyi bua Yehowa mbantu bandi; Yakoba udi buhianyi buandi.