Zekâya 2:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yehowa udi wamba ne, Imba misambu, sanka biebe, wewe muana mukashi wa mu Siona; bualu bua nendue, nenshikame munkatshi muenu.

MUKANDA WA MYIDI MUKULU

¹⁰ Maweja-Nangila udi unuambila ne: “Nuenu bonsu bamvua mutangalaje nseke yonsu ya buloba, nyemayi mpindiewu, numuke ku matunga a ku mutu kua ditunga!

Zekâya 2:10 교차 참조

Misambu 40:7

Hashishe, nakamba ne, Mona, ndi ndua; mu mukanda muvunga mudi mufunda bua bualu buanyi;

Misambu 68:18

Wewe wakubanda mulu, wakuyamu ukoka bantu bawakukuata mu nvita ku nyima kuebe; wakuangata maha munkatshi mua bantu; e, wakuângata kabidi munkatshi mua badi bakutombokela, bua Yehowa Nzambi ashikameku.

Ekesode 29:45

Meme nengikale munkatshi mua Bena Isalele, nengikale Nzambi wabo.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 35:10

Bantu badi Yehowa muhikule nebahingane, nebalue ku Siona bimba misambu; disanka dia tshiendelele nedikale ha mitu habo; nebahete disanka ne diakalengele; kanyinganyinga ne kuhumuna nebinyeme kule.

Yeshaya 37:22

edi ndi didi Yehowa muambe bua bualu buandi ne, Muana mukashi wa Siona utshidi kamama udi kulengulula, udi ukubuidia; muana mukashi wa Yelushalema udi ukuha mutu wandi ku nyima kuebe.

Yeshaya 42:10

Imbilai Yehowa musambu muhia-muhia, numutumbishe tô ne kunfudilu kua buloba! Nuenu badi benda ha mai manene, ne bintu bionso bidimu, maloba a ku muelelu wa mai manene ne bantu bonso badimu bimutumbishe.

Yeshaya 48:20

Hatukai mu Babulona, nunyeme Bena Kasada! Nuambe bualu ebu ne dî dia kuimba musambu, nuambe bualu ebu, nutume dî edi tô ne kunfudilu kua buloba! Nuambe bienu ne, Yehowa wakuhikula muntu wandi Yakoba.

Yeshaya 51:11

Ka bantu bakuhikudibue kudi Yehowa nebalukilemu, nebalue ku Siona bimba misambu, disanka dia tshiendelele nedikale ha mitu yabo; nebikale ne disankidila ne disanka; kanyinganyinga ne kuhumuna nebinyeme kule.

Yeshaya 52:11

Umukai, umukai, nuluhuke mu muaba wawa, kanulengi tshintu tshidi tshibiha! Nuluhuke munkatshi mua musoko au; nudilengeshe, nuenu badi batuala malonga a Yehowa.

Yeshaya 54:1

Imba biebe, wewe mukashi wa nkumba, wewe udi kuyi mulele; bandisha mei ebe mu kuimba kua misambu, wela dî dikole, wewe udi kuyi muikale ne didinyenga dia ha kulela! Bualu bua Yehowa udi wamba ne, Bana ba mukashi udi mushale hatuhu badi bahita bana ba mukashi mubaka bungi.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Yeshaya 66:14

Nenumone malu â, ne mitshima yenu neyisanke; mifuba yenu neyidiunde bimpe bu mashinde a lutende. Bukole hua tshianza tshia Yehowa nebumanyibue kudi bantu bandi, ne tshiji tshiandi netshikale kudi badi nʼandi lukuna.

Yirmeya 30:19

Dî dia kusakidila nedihatuke munda muai, ne dî dia bantu badi basanka. Nembavudishe ne kabena bikala bantu babalê; nembatumbishe, ne kabena bikala bantu bahuekele.

Yirmeya 31:12

Nebalue ku mutu kua Siona, nebimbeku misambu, nebatambe kusanka bua buimpe bua Yehowa kudibo, bua manvua ne nvinyo mihia-mihia, bua manyi, ne bua bana ba munkatshi mua mikoko ne bimuna bikuabo. Mitshima yabo neyikale bu tshibundu tshidibo bamiamina mai; kabena banyingalala kabidi tô ne kashidi.

Yirmeya 33:11

nebunvue kabidi dî dia kunaya ne dia disanka, dî dia mubaki wa mukashi ne dia mukashi mubaka, dî dia bantu badi bamba mei abo, haluabo ne milambu ya kusakidila nʼai Yehowa mu nsubu muandi ne, Sakidilai Yehowa wa misumba, bualu bua Yehowa udi muimpe, bua luse luandi ludi lujalame tshiendelele. Yehowa udi wamba ne, Bualu bua nenkudimune buhika bua mu buloba ebu bua kuhingasha diakalengele diakadibu nʼadi diambedi.

Yezekiyele 37:27

Nenshikame hohamue nʼabo; nengikale Nzambi wabo, ne bobo nebikale bantu banyi.

Yezekiyele 48:35

Nyungulukilu wa musoko mu nseke yau mai ikale coudées binunu dikumi ne muanda mukulu. Nebabikile dina dia musoko ku dituku adi tô ne tshiendelele ne, Yehowa udi aha.

Lewitiki 26:12

Meme nengendakane munkatshi muenu, nengikale Nzambi wenu, ne nuenu nenuikale bantu banyi.

Sefanya 3:17

Yehowa Nzambi webe udi munkatshi muenu, muena bukitu bukole udi ukusungila. Yeye neasanke bua bualu buebe ne disanka dinene, neakusangashe mu dinanga diandi, neasanke bua bualu buebe ne kuimba kua misambu.

Zekâya 1:16

Nunku Yehowa udi wamba ne, Nempingane ku Yelushalema ne luse; nebasemu nsubu wanyi kabidi. Yehowa wa misumba udi wamba ne, Nebolole muonshi bua kuidikisha nʼau Yelushalema.

Zekâya 14:5

Tshibanda tshia Hinoma netshikale tshijibikila tô ne ku Azele. E, nenunyeme bu munuakanyema ku mpala kua kutaka kua buloba mu matuku a Uziya, mukelenge wa Yuda. Yehowa Nzambi nealue, banjelo bandi ba tshijila nebalue nʼandi.

Zekâya 2:11

Bisamba bia bungi nebilamate Yehowa dituku adi, nebikale bantu banyi; ne meme nenshikame munkatshi muenu, ne wewe neumanye ne Yehowa wa misumba wakuntuma kûdi.

Zekâya 2:5

Bualu bua meme hanyi nengikale kudiye bu lumbu lua kahia lumunyunguluke, ne nengikale butumbi buandi munkatshi muabo. Yehowa udi wamba nunku.

Zekâya 8:3

Yehowa udi wamba ne, Nempingane ku Siona, nenshikame munkatshi mua Yelushalema; nebabikile Yelushalema ne, Musoko wa kungeyemena; nebabikile mukuna wa Yehowa wa misumba ne, Mukuna wa tshijila.

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Malaki 3:1

Yehowa wa misumba udi wamba ne, Monai, ndi ntuma messager wanyi, yeye nealongolole nshila ku mpala kuanyi; Mukelenge unudi nukeba nealue lubilu mu ntempelo wandi, messager wa dihungila, unudi nʼandi disanka, monai mudiye ulua!

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Yowanane 14:23

Yesu wakamukudimuna ne, Biansua muntu, nenze dî dianyi; Tatu wanyi neamusue, tuetu netulue kudiye, netuikale ngandi.

Dielulula 28:64

Yehowa neanumuangalashe munkatshi mua bantu bonso ku ditengu edi dia buloba tô ne ku ditengu dikuabo; nenukuatshileku nzambi mikuabo ya mitshi ne ya mabue mudimu, mudi kanuyi bamanye, ne bankambua benu kabakayimanya kabidi.

Filipe 4:4

Nusanke mu Mukelenge misangu yonso, nengambe tshiakabidi ne, Nusanke.

Didimanyisha 2:1

Fundila muanjelo wa ekelesia wa ku Efeso ne, Udi ukuata mitoto muanda mutekete mu tshianza tshiandi tshia balume, udi wenda munkatshi mua bitekelu bia minda muanda mutekete, udi wamba malu â ne,

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.