Zekâya 13:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

MUKANDA WA MYIDI MUKULU

⁹ Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Zekâya 13:9 교차 참조

2 Samuele 7:24

Wewe wakadisunguila bantu bebe Bena Isalele bua kuikalabo bantu bebe tshiendelele; wewe Yehowa wakalua Nzambi waho.

Yobe 23:10

Kadi yeye udi mumanye nshila undi ngendela; ne hamaneye kunteta, nempatuke bu tshiamu tshia or.

Yobe 28:1

Bulelela, tshina tshidiku tshia bantu kumbula tshiamu tshia argent, ne ditanda didiku dia kufulamu tshiamu tshia or bua kutshilengesha.

Misambu 144:15

Disanka didi kudi bantu badi mu tshikadilu atshi! Disanka didi kudi bantu badi ne Yehowa, Nzambi wabo!

Misambu 43:4

Ka nenye ku tshioshelu tshia milambu tshia Nzambi, kudi Nzambi udi disanka dianyi dihite bunene. Nenkutumbishe ne lunkombe, Nzambi, Nzambi wanyi.

Misambu 50:15

Umbikile mu dituku dia makenga; nenkuhandishe, ne wewe neuntumbishe.

Misambu 91:15

Hambikileye, nengitabe kudiye; nengikale nʼandi habueleye mu dikenga, nemmuhandishe, nemmutumbishe.

Nsumuinu 17:3

Luesu ludiku lua kulengesha tshiamu tshia argent, tshikutu tshidiku tshia kulengeshila tshiamu tshia or; kadi Yehowa udi uteta mitshima.

Musambu wa Solomo 2:16

Wanyi munanga nguanyi, meme ndi wandi kabidi; yeye udi udishila mikoko yandi mu bilongo bia nsungubidi,

Yeshaya 43:2

Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Yeshaya 48:10

Mona, nakukulengesha, kadi tshiakukulengesha bu mudibo balengesha tshiamu tshia argent; nakukuteta mu tshikutu tshia makenga.

Yeshaya 58:9

Hashishe wewe neumubikile, ne Yehowa neitabe kudi; neumudidile, ne yeye neakuitabe ne, Ndiku. Biûmusha mutshi wa tshikokedi munkatshi muenu; biûmusha kufunkuna kua munu kua dihetu, ne kuamba kua mei mabi;

Yirmeya 24:5

Yehowa, Nzambi wa Isalele, udi wamba ne, Bu mundi ntangila mamuma â a nfigi mimpe, nunku nentangile bahika ba ku Yuda, banakûmusha ku muaba eu bua kubatuma ku buloba bua Bena Kasada, bua kubenzela bimpe.

Yirmeya 30:22

Nuenu nenuikale bantu banyi, ne meme nengikale Nzambi wenu.

Yirmeya 31:33

Yehowa udi wamba ne, Kadi etshi ntshihungidi tshindualua kuhunga ne Bena Isalele ku nyima kua matuku au: nenteke mikenji yanyi munda muabo, nenyifunde mu mitshima yabo; meme nengikale Nzambi wabo, ne bobo nebikale bantu banyi.

Yirmeya 32:38

Bobo nebikale bantu banyi, ne meme nengikale Nzambi wabo.

Yirmeya 9:6

Yehowa udi wamba ne, Wewe udi mushikame munkatshi mua mashimi; bualu bua mashimi abo badi babenga kummanya meme.

Yezekiyele 11:20

bua bobo balonde mikenji yanyi ne batumikile mei anyi ne babienze. Nunku nebikale bantu banyi ne meme nengikale Nzambi wabo.

Yezekiyele 14:11

bua ba mu tshisamba tshia Bena Isalele kabahambuki kundi kabidi, kabadinyangi kabidi ne malu mabi abo onso, kadi bua bobo bikale bantu banyi, ne meme ngikale Nzambi wabo.

Yezekiyele 20:38

Nengumushe badi bantombokela ne badi bangenzela bibi munkatshi muenu. Nembahatule mu buloba budibo bashikame, kadi kabena babuela mu buloba bua Isalele; nunku nenumanye ne, Meme ndi Yehowa.

Yezekiyele 36:28

Nenushikame mu buloba bunakaha batatu benu; nenuikale bantu banyi, meme nengikale Nzambi wenu.

Yezekiyele 37:27

Nenshikame hohamue nʼabo; nengikale Nzambi wabo, ne bobo nebikale bantu banyi.

Danyele 11:35

Bamue ba munkatshi mua badi ne meji nebahone bua kulengeshibua, bua kuvuishibua balengele ne bua kutokeshibua, tô ne hafika tshikondo tshia kunshikidilu. Bualu bua tshikondo tshiakasungulabo tshitshidi ku mpala.

Danyele 12:10

Ba bungi nebadilengeshe, nebaditokeshe, nebavuishibue balengele; kadi bantu babi nebananukile kuenza malu mabi; kakuena umue wa mu bantu babi wajingulula malu, kadi bantu badi ne meji nebâjinguile.

Yowele 2:32

Halua bualu ebu, muntu yonso watela dina dia Yehowa neasungidibue; bualu bua mu mukuna wa Siona ne mu Yelushalema nemuikale bakuabo bahanduke bu muakamba Yehowa; ne munkatshi mua bantu aba badi bashala nemuikale bakuabo badi Yehowa Ubikila.

Lewitiki 26:12

Meme nengendakane munkatshi muenu, nengikale Nzambi wenu, ne nuenu nenuikale bantu banyi.

Zekâya 10:6

Nenkoleshe Bena Yuda, nempandishe ba mu tshiota tshia Yosefe, nembahingashe kabidi bualu bua ndi nʼabo luse, nebikale bu bavua kabayi bihatshibue kundi; bualu bua ndi Yehowa Nzambi wabo, nembunvuile.

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

Zekâya 8:8

Nembahingashe bua kushikamabo munkatshi mua Yelushalema, nebikale bantu banyi, ne meme nengikale Nzambi wabo mu bushuwa ne mu buakane.

Bienzedi 2:21

Halua bualu ebu, watela dina dia Mukelenge neasungidibue.

Ebrewu 8:10

Bualu bua etshi ntshihungidi tshindualua kuhunga ne nsubu wa Isalele, Ku nyima kua matuku â, Mukelenge udi wamba, Nenteke mikenshi yanyi mu meshi abo, Nenyifunde kabidi ha mitshima yabo; Nengikale Nzambi wabo, Ne bobo nebikale bantu banyi.

Yakobe 1:12

Muntu udi utantamana mu mateyi udi ne disanka; bualu bua hakamanabo kumujadika, neangate tshifulu tshia butumbi tshia muoyo tshiakalaya Mukelenge badi bamunanga.

1 Petro 4:12

Bananga, kanukemi bua dikenga didi bu kahia munkatshi muenu diakaluila kunudi bu diteta, bu bualu buhia-buhia buakanukuata;

Didimanyisha 21:7

Udi uhita bukole neahiane bintu ebi; meme nengikale Nzambi wandi, ne yeye neikale muana wanyi.

Didimanyisha 8:10

Muanjelo muisatu wakela mpungi ne mu diulu muakahona mutoto munene mutema bu tshimunyi, wakahona ha tshituha tshisatu tshia misulu, ne ha mishimi ya mai;

Didimanyisha 8:11

ne dina dia mutoto didi Bululu, ne tshituha tshisatu tshia mai tshiakalua bululu; ne bantu ba bungi bakafua bualu bua mai, bualu bua akavuishibua bululu.

Didimanyisha 8:12

Muanjelo muinai wakela mpungi, ne tshituha tshisatu tshia diba tshiakakuambila, ne tshituha tshisatu tshia ngondo, ne tshituha tshisatu tshia mitoto; bua tshituha tshiabi tshisatu tshikale midima, ne bua munya wa dituku kautemi bu tshituha tshiadi tshisatu, ne butuku muomumue.

Didimanyisha 8:7

Wa kumudilu wakela mpungi, ne mabue a nvula ne kahia bisangisha ne mashi biakadiku, biakedibua ha buloba, ne tshituha tshisatu tshia buloba tshiakoshibua, ne tshituha tshisatu tshia mitshi tshiakoshibua, ne mashinde mabishi onso akoshibua.

Didimanyisha 8:8

Ne muanjelo muibidi wakela mpungi, ne kuakadi bu mukuna mimene mutemeshibue ne kahia wakedibua mu mai manene, ne tshituha tshisatu tshia mai manene tshiakalua mashi;

Didimanyisha 8:9

ne tshituha tshisatu tshia bifukibue biakadi mu mai manene, biakadi ne muoyo mene, biakafua; ne tshituha tshisatu tshia matu tshiakabutudibua.