Zekâya 13:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Mu dituku adi baprofete nebakuatshike bundu, muntu ne muntu bua tshikena kumona tshiandi, hambeye mei bu muprofete; kena udiluatshisha ne tshikutu tshia miosa bua kudinga nʼatshi bakuabo.

MUKANDA WA MYIDI MUKULU

⁴ Dituku adi, bambi nebumvue bundu, batshina kuamba malu mu dina dia Mvidi Mukulu, nansha kulonda malu adi Mvidi Mukulu ubaleja. Kabakudinga kabidi bantu, bavuala tshinkutu tshia bambi tshienza ne buoya.

Zekâya 13:4 교차 참조

2 Bakalenga 1:8

Bakamuambila ne, Wakadi ne tshikowelu tshia miosa ne mukaba wa tshiseba ku tshifuka tshiandi. Yeye wakamba ne, Yeye udi Eliya, Muena Tishebe.

Yeshaya 20:2

Mu tshikondo atshi Yehowa wakambila Yeshaya, muana wa Amoza, ne, Ya usulule bilulu bikayabala bidi mu tshimono tshiebe, umushe bisabata biebe ku makasa ebe. Yeye Wakenza nunku, wenda butaka ne kayi ne bisabata.

Yirmeya 2:26

Bu mudi muibi Ukuatshika bundu hamukuatabo, ba mu Bena Isalele nebakuatshike bundu nunku; bobo bine, bakelenge babo, baminyampala babo, bakuidi babo ne baprofete babo;

Yirmeya 6:15

Bakakuatshika bundu hakadibo benze malu mabi, anyi? Nansha, kabakakuatshika bundu, nansha kakese; bakûma mu mesu; nunku Yehowa udi wamba ne, Nebahone munkatshi mua badi bahona; mu tshikondo tshinabakengesha nehalenduke.

Yirmeya 8:9

Bena meji badi bafuishibue bundu, badi bakuatshika buowa ne badi bakuatshibua; monai, bakahetula dî dia Yehowa; meji kai adi munda muabo?

Matayi 3:4

Yone wakadi biandi ne tshikowelu tshiandi tshia mioso ya kamelu, wakadi kabidi ne mukaba wa tshiseba mu tshimono tshiandi; bia kudia biandi biakadi mikumbi ne buitshi.

Marke 1:6

Yone wakadi muluate tshilulu tshia mioso ya kamelu, wakadi ne mukaba wa tshiseba mu tshimono tshiandi, wakadi udia mikumbi ne buitshi.

Ebrewu 11:37

Bakakumibua mabue, bakakoshibua hankatshi ne nsele, bakateyibua, bakashihibua ne muele wa nvita, bakendakana baluate biseba bia mikoko ne biseba bia mbushi, bakengela bintu, bakengeshibua, benjibue bibi,

Didimanyisha 11:3

Nempe bamanyishi banyi babidi bukole, ne nebambe dî dia Nzambi matuku tshinunu ne nkama ibidi ne makumi asambombo, baluatshisha bilulu bia miosa.