Zekâya 12:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Edi ndî dia Yehowa bualu bua Bena Isalele. Edi ndî dia Yehowa udi ubalulula diulu, udi ujadika bishimikidi bia buloba, udi uteka nyuma wa buntu munda mua muntu, ne,

MUKANDA WA MYIDI MUKULU

¹ Maweja-Nangila mmutume mukenji udi utangila bena Izrayele. Maweja-Nangila uvua mubalule diulu, muteke buloba pa bitaku biabu, mupeshe muntu mueyelu ne muoyi, udi wamba ne:

Zekâya 12:1 교차 참조

Genese 1:8

Nzambi wa kuhita mulu ne, Diulu, dilolo ne dinda biakadi dituku dibidi.

Genese 2:7

Yehowa Nzambi wakafuka mulume ne dinfuenkenya dia buloba, wakela muhuya wa muoyo mu diulu diandi, ne mulume wakalua ne muoyo.

Yobe 26:7

Wakavungulula luseke lua nôde ha muaba mutuhu, wakafuka buloba kabuyi bukudika ku tshintu.

Yobe 37:18

wewe udi mumanye mua kubalulula nʼandi diulu didi dikole bu ludimuenu luakufulabo mu kahia, anyi?

Misambu 104:2

wewe udi uluata munya bu tshitalu; udi uvungulula bia mu diulu bu tshilulu tshikudika.

Misambu 134:3

Yehowa akuvudishile disanka difume ku Siona, yeye mene wakafuka diulu ne buloba.

Muambi 12:7

nunku mubidi newandamuke dinfuenkenya dia buloba kabidi ne muhuya wa muoyo neuhingane kudi Nzambi wakaufila.

Yeshaya 40:12

Eu nganyi wakidikisha mai onso munda mua tshianza tshiandi, wakuelekesha diulu ne ntanta wa tshianza tshiandi, wakusangisha dinfuenkenya dia buloba mu tshihiminu bua kulubala, wakuidikisha bujitu bua mikuna mile mu tshidikishilu, ne bujitu bua mikuna mihi mu tshiamu tshia kuidikisha nʼatshi bujitu?

Yeshaya 40:22

Nyeye udi mushikame ha mutu ha mukalu udi utuangasha buloba ne diulu ne ba ha buloba badi bu mpasu; udi uvungulula bia mu diulu bu tshilulu tshikudika, udi ubibalulula bu ntenta wa kushikamamu.

Yeshaya 42:5

Nzambi Yehowa wakafuka bia mu diulu ne wakabivungulula, wakafuka buloba ne bintu bionso bidi bifumamu, udi uha bantu badihu muhuya ne bantu badi bendahu nyuma.

Yeshaya 44:24

Yehowa, Muhikudi webe, wakakufuanyikisha munda mua mamu webe, udi wamba ne, Meme ndi Yehowa udi ufuka bintu bionso; udi ubalula bintu bia mu diulu nkayandi; udi ubalula buloba kabidi (wakadi nʼanyi nganyi?).

Yeshaya 45:12

Nakafuka buloha, nakafuka bantu badimu. Bianza bianyi nkayabi biakabaha diulu, ne nakelela bintu biadi bionso mukenji.

Yeshaya 45:18

Bua edi ndî didi Yehowa wakafuka diulu wamba, Nzambi mene wakafuka buloba ne wakabuenza, wakabujadika, kakabufuka bu tshintu tshia hatuhu, wakabufuka bua bantu bashikamehu; yeye mene udi wamba ne, Meme ndi Yehowa, ne kakuena mukuabo nansha.

Yeshaya 48:13

Bulelela, tshianza tshianyitshiakajadika bishimikidi bia buloba, tshianza tshianyi tshia bukole tshiakabalula diulu; hanabibikila, bidi bimana hohamue.

Yeshaya 51:13

Wewe nnganyi bua kuhila Yehowa Mufuki webe muoyo, wakabalula diulu ne wakajadika bishimikidi bia buloba; ne utu watshina dinda tô ne dilolo bualu bua tshiji tshikole tshia mukengeshi, haludikeye mukete bua kubutula nʼau? Tshiji tshikole tshia mukengeshi tshidi kudi kunyi?

Yeshaya 57:16

Bualu bua tshiena ntandangana nʼandi tshiendelele, tshiena ngikala ne tshiji matuku onso; bua nyuma wa muntu udi ufuma kundi, ne nakufuka muhuya wa muoyo.

Yirmeya 10:12

Nzambi nyeye wakafuka buloba ku bukole buandi, wakajadika bia ha buloba ku lungenyi luandi, wakavungula diulu ku meji andi.

Yirmeya 30:10

Nunku Yehowa udi wamba ne, Kutshinyi biebe, wewe Yakoba muntu wanyi; wewe Isalele, kuikadi ne buowa; bualu bua, mona, nenkusungile ku buloba budi kule, nensungile bana bebe mu buloba bua buhika buabo. Yakoba neahingane, neikale nolâ ne ditalala, ne kakuena muntu wamutshinyisha.

Yirmeya 30:16

Nunku bantu bonso badi bakukengesha nebakengeshibue kabidi; bena lukuna bebe bonso, buonso buabo mene, nebaye mu buhika; badi banuhaula nebikale bintu bia bakuabo kuhaula; nenfile bonso badi banyenga bintu bienu bu tshintu tshidi bakuabo banyenga.

Yirmeya 38:16

Nunku mukelenge Sedekiya wakaditshiha kudi Yelemiya mu musokoko, wamba ne, Bu mudi Yehowa ne muoyo, wakutufukila muoyo wetu, tshiena nkushiha, tshiena nkufila mu bianza bia bantu aba badi bakeba muoyo webe.

Yirmeya 50:34

Muhikudi wabo udi mukole; Yehowa wa misumba ndina diandi; yeye neabakuile tshilumbu tshiabo biakane, bua amanye mua kuvuishila buloba dikisha ne bua kutatshisheye ba mu Babulona.

Yirmeya 51:15

Nyeye wakafuka buloba ku bukole buandi, wakajadika bintu bionso bidimu ku meji andi, wakavungulula diulu ne lungenyi luandi.

Muadi 2:14

Bua bualu buebe baprofete bebe bakumona bikena kumona bidi bikudinga ne bia tshianana; kabakukusokoluela bubi buebe, bua kuandamuna buhika buebe bukudimuke diakalengele, kadi bua bualu buebe bakumona malu a kukudinga nʼau, ne malu adi akusesuisha mu nshila.

Yezekiyele 18:4

Tangilai, mioyo ya bantu bonso nyanyi; bu mudi muoyo wa tatu nguanyi, nunku muoyo wa muanʼandi wa balume nguanyi kabidi; muntu udi wenza bualu bubi, yeye muine neafue.

Yowele 3:19

Ejipitu neabutudibue, Edome nealue tshihela tshia hatuhu, bua malu makole akenzelabo Bena Yuda; bualu bua mu buloba buabo bakamatshisha mashi a bantu bakadi kabayi bahila mu tshilumbu.

Yowele 3:21

Nensombuele mashi abo andi tshiyi muanji kusombuela; bualu bua Yehowa udi mushikame mu Siona.

Zekâya 9:1

Dî dia Yehowa didi dihisha buloba bua Hadalaka, ne didi dishindamena Damaseke; bualu bua disu dia Yehowa didi dimona bantu bakuabo bu mudidi dimona bisamba bionso bia Bena Isalele;

Malaki 1:1

Dî dia tshijila dia Yehowa diakambileye Bena Isalele mukana mua Malaki.

Dibadika 16:22

Bobo bakadikuma hanshi, bakamba ne, Nzambi, Nzambi wa mioyo ya bantu, wewe newikale ne tshisumbu tshonso tshiji bua bubi bua mundi umue, anyi?

Ebrewu 12:9

Buala bukuabo kabidi, tuakadi ne batatu ba mibidi yetu bua kutukengesha, ne tuakabanemeka; nunku katuena mua kutamba kukokela Tatu wa nyuma yetu, kuikala ne muoyo, anyi?