Zekâya 10:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nenkoleshe Bena Yuda, nempandishe ba mu tshiota tshia Yosefe, nembahingashe kabidi bualu bua ndi nʼabo luse, nebikale bu bavua kabayi bihatshibue kundi; bualu bua ndi Yehowa Nzambi wabo, nembunvuile.

MUKANDA WA MYIDI MUKULU

⁶ Nenkankamike tshisamba tshia Yuda, nensungidile bena Izrayele. Nembapingaje mu ditunga diabu tshiakabidi, nembaleje mundi mubanange. Nebikale tshiakabidi bu tshikondu tshimvua tshiyi muanji kubabenga. Ndi Maweja-Nangila Mvidi Mukulu wabu, nembapeshe bidibu bandomba.

Zekâya 10:6 교차 참조

Misambu 89:21

tshianza tshianyi netshimujadike, diboko dianyi kabidi nedimukoleshe.

Yeshaya 11:12

Yeye neabishile ba mu bisamba bia bantu dibendela, neasangisheku ba mu Isalele bakihatabo kudi bantu ba bende, neasangishe honso bamuangalashibue ba mu Yuda hohamue, ba ku matengu anai a buloba.

Yeshaya 14:1

Bualu bua Yehowa neafuile Yakoba luse, neasungule ba mu Bena Isalele bu bantu bandi kabidi, ne neabashikike mu buloba buabo bua diambedi. Bantu ba bende nebadisangishe nʼabo, nebadilamike kudi ba mu bana ba Yakoba.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Yeshaya 54:4

Nzambi webe udi wamba ne, Kutshinyi; bualu bua bundu kabuena bukukuata; kubuandakanyi, bualu bua kabena bakufuisha bundu. Bualu bua wewe neuhue bundu bua bunsongakashi buebe muoyo; kuena uvuluka kabidi tshihendu tshiakakuhendabo nʼatshi hawakadi mukashi wa mu lufuila.

Yeshaya 54:8

Mu tshiji tshitamba hukole nakasokoka mpala wanyi kûdi katuha kihi kadi mu dinanga dia tshiendelele nenkufuile luse.

Yirmeya 23:6

Mu matuku andi ba mu Yuda nebasungidibue, ne ba mu Isalele nebashikame holâ; ne edi ndina didibo bamubikila ne, Yehowa udi buakane buetu.

Yirmeya 3:18

Mu matuku au ba mu Bena Yuda nebende hohamue ne ba mu Bena Isalele; nebaluhuke hohamue mu buloba bua ku node, nebafike ku buloba bunakaha bankambua benu bu buhianyi buabo.

Yirmeya 30:18

Yehowa udi wamba ne, Nempingashe ba mu ntenta ya Yakoba, nenfuile ba mu nsubu yandi luse; nebase musoko eu ha mukuna wau, nebashimike nsubu wa mukelenge ha muaba wakadiye diambedi.

Yirmeya 30:20

Bana balelabo nebikale bu muakadibo mu matuku a diambedi, ne disangisha diabo nedijadikibue ku mpala kuanyi; nenkengeshe bantu bonso badi babakengesha.

Yirmeya 31:1

Yehowa udi wamba ne, Mu tshikondo atshi nengikale Nzambi wa meku onso a mu Isalele, ne bobo nebikale bantu banyi.

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Yirmeya 31:31

Yehowa udi wamba ne, Monai, mu matuku alualua, nempunge tshihungidi tshihia-tshihia ne Bena Isalele ne Bena Yuda.

Yezekiyele 36:11

Nenvudishe bantu ne bimuna bia bungi; nebivulangane, nebilele bana ba bungi; nenjadike ba bungi munkatshi muenu bu muakadi bualu buenu diambedi, nennuenzele bienzedi bimpe bihite bia mu matuku enu a ku tshibangidilu; nunku nenumanye ne, Meme ndi Yehowa.

Yezekiyele 36:37

Mukelenge Yehowa udi wamba ne, Nengitabushe kabidi bua Bena Isalele bandombe bua mbenzele muanda eu wa kubakumbashila bantu bua bikale ba bungi bu tshisumbu tshia mikoko,

Yezekiyele 37:16

Wewe, muana wa muntu, angata mutshi umue, ufundehu mei ne, Bualu bua Yuda ne bua Bena Isalele badi balamata kudiye. Angata mutshi mukuabo, ufundehu mei ne, Bualu bua Yosefe ne bonso ba mu tshisamba tshia Bena Isalele badi balamata kudiye.

Yezekiyele 39:25

Bua malu â Mukelenge Yehowa udi wamba ne, Mpindiu nengumushe Yakoba mu buhika bua kumuha diakalengele, nenfuile bonso ba mu tshisamba tshia Bena Isalele luse; ne nengikale ne lukunukunu lua dina dianyi dia tshijila.

Osheya 1:11

Nebasangishe Bena Yuda ne Bena Isalele hohamue, ne bobo bine nebadisunguile muntu umue bua kuikaleye ha mutu habo; nebumuke mu buloba ebu, bua dituku dia Yizelele nedikale dinene.

Osheya 1:7

Kadi nenfuile Bena Yuda luse; nembahandishe ku bukole bua Yehowa Nzambi wabo, tshiena mbahandisha ku buta, anyi ku muele wa nvita, anyi ku nvita anyi ku tubalu anyi kudi bena tubalu.

Osheya 14:9

Udi ne meji ajingulule malu â; udi ne lungenyi lua kuamanya, âmanye biandi; bualu bua nshila ya Yehowa idi milulame; bantu bakane badi bendamu, kadi bantu babi badi badishindamu.

Osheya 2:23

ne meme nemmumiamine mu buloba bua bualu buanyi; nenfuile luse kudi Wakadi-kayimufuidibue-luse; nengambile Badi-kabayi-bantu-banyi ne, Nudi Bantu-banyi; ne yeye neambe ne, Wewe udi Nzambi wanyi.

Obadya 1:18

Bena Yakoba nebikale kahia, ne Bena Yosefe nebikale ludimi lua kahia, ne Bena Esau nebikale bisonsa, ne bobo nebaboshe, nebabashidishe, kakuena muntu umuehele washala kudi Bena Esau, bualu bua Yehowa nguakuamba dî edi.

Mika 4:13

Bika biebe, ubashihule, wewe muana mukashi wa Siona, bualu bua nenvuishe lusengu luebe tshiamu, nenvuishe mikono yebe tshiamu tshia mitaku; ne wewe neuboteshe bantu ba bungi; neujidile luhetu luabo kudi Yehowa, ne biuma biabo kudi Mukelenge wa buloba buonso.

Mika 4:6

Yehowa udi wamba ne, Mu dituku adi nensangishe tua benda bazobele, nenkunguishe bantu bakuihatabo, ne bantu banakukengesha.

Mika 5:3

Nunku yeye neabafile mu bianza bia badi nʼabo lukuna tô ne ku tshikondo tshialela mukashi muana, ne hahingana difuka dia bana babo kudi Bena Isalele.

Mika 5:8

Difuka dia Yakoba nedikale munkatshi mua bisamba bia bantu, munkatshi mua bisamba bia bungi, bu nyama wa ntambue munkatshi mua nyama ya muitu, bu muana wa ntambue munkatshi mua bisumbu bia mikoko; yeye mene, biahiteye munkatshi muai, udi widiata, udi wisunsula, ne kakuena muntu wayihandisha.

Mika 7:16

Ba mu bisamba bia bantu nebamone malu â, nebakuatshike bundu nansha bobo bikale ne bukole bua bungi; nebateke bianza biabo ku mishiku, ne matshu abo neikale mahate.

Zekâya 1:16

Nunku Yehowa udi wamba ne, Nempingane ku Yelushalema ne luse; nebasemu nsubu wanyi kabidi. Yehowa wa misumba udi wamba ne, Nebolole muonshi bua kuidikisha nʼau Yelushalema.

Zekâya 10:12

Yehowa udi wamba ne, Nembakoleshe mu Yehowa, nebatumbile mu dina dianyi.

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Zekâya 8:11

Yehowa wa misumba udi wamba ne, Katataka tshiena bu munakadi mu matuku a diambedi kudi difuka dia bantu aba.

Zekâya 9:16

Yehowa Nzambi wabo nebahandishe mu dituku adi, nealame bantu bandi bu tshisumbu tshia mikoko; bualu bua nebikale bu mabue a mushinga mukole mu tshifulu tshia mukelenge, bakenka mu buloba buandi.