Zekâya 1:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Amba kabidi ne, Yehowa wa misumba udi wamba ne, Misoko yanyi neyule tente kabidi ne diakalengele, ne Yehowa neasambe Siona kabidi, neajadike Yelushalema kabidi.

MUKANDA WA MYIDI MUKULU

¹⁷ Pashishe mutumibue wa Mvidi Mukulu kungambila ne: Ambila kabidi bantu mu dina dia Maweja-Nangila wa bukole buonsu ne: “Bimenga bianyi nebipete bubanji tshiakabidi. Nensungule Yerushalayime kabidi, nengambuluishe Siyone.”

Zekâya 1:17 교차 참조

2 Kulondolola 6:6

kadi katataka nakusungula Yelushalema bua dina dianyi dikalemu; nakusungula Davidi bua kuikaleye ku mutu kua bantu banyi, Bena Isalele.

Nehemya 11:20

Bena Isalele bakuabo bonso ne bakuidi ne Bena Lewi bakadi mu misoko yonso ya Yuda, muntu ne muntu mu buhianyi buandi.

Nehemya 11:3

Aba mbakelenge ba luseke bakashikama mu Yelushalema; kadi Bena Isalele ne bakuidi ne Bena Lewi ne Bena Netinima ne bana ba bena mudimu ba Solomo bakashikama mu misoko ya mu Yuda, muntu ne muntu mu buhianyi buandi.

Misambu 69:35

Bualu bua Nzambi neasungile Siona, nease misoko ya mu Yuda kabidi; bantu bandi nebashikamemu, nebikale nʼandi bu musoko wabo.

Yeshaya 14:1

Bualu bua Yehowa neafuile Yakoba luse, neasungule ba mu Bena Isalele bu bantu bandi kabidi, ne neabashikike mu buloba buabo bua diambedi. Bantu ba bende nebadisangishe nʼabo, nebadilamike kudi ba mu bana ba Yakoba.

Yeshaya 44:26

Ndi yeye udi ujadika dî dia muntu wandi, udi ushikisha mei a miloho yandi. Ndi yeye udi wamba bua Yelushalema ne, Bantu nebashikamemu; udi wamba bua misoko ya Yuda ne, Neyibakibue kabidi, nengase nsubu tshiakabidi mu miaba idi bikulu.

Yeshaya 49:13

Diulu, imbaku biebe; buloba, sankaku biebe; nuenu mikuna, bandishai mei enu mu kuimba kua misambu! Bualu bua Yehowa wakusamba bantu bandi, ne neafuile bantu bandi badi bakenga luse.

Yeshaya 51:12

Meme, meme mene, nyeye udi unusumba; wewe nnganyi bua kutshina muntu ulualua kufua, ne muana wa muntu udi uvuishibua bu mashinde?

Yeshaya 51:3

Bualu bua Yehowa wakusamba Siona, wakusamba miaba yau yonso yakadi bikulu, wakuvuisha tshihela tshiau bu budimi bua Edene ne tshihela tshiau tshia lusenga bu budimi bua Yehowa. Disanka ne disankidila nebikalemu, ne kusakidila ne dî dia kuimba kua misambu.

Yeshaya 52:9

Bandishai mei enu diatshimue mu kuimba kua misambu, nuenu miaba ya mu Yelushalema yakadi bikulu; bualu bua Yehowa wakusamba bantu bandi, wakuhikula Yelushalema.

Yeshaya 54:8

Mu tshiji tshitamba hukole nakasokoka mpala wanyi kûdi katuha kihi kadi mu dinanga dia tshiendelele nenkufuile luse.

Yeshaya 66:13

Bu mudi muntu udi mamuʼandi usamba, nennusambe muomumue; nenusambibue mu Yelushalema.

Yirmeya 31:13

Hashishe mishikankunde itshidi kamama neyisanke mu kuja kua maja, ne bansongalume ne bakulumpe nebasanke diatshimue; bualu bua nengandamune madilu abo alue disanka, nembasambe, nembahingashile disanka bua kanyinganyinga kakadibo nʼaku.

Yirmeya 33:13

Yehowa udi wamba ne, Mu misoko ya ku mikuna, mu misoko ya mu Tshibanda, mu misoko ya ku luseke lua Sude, mu buloba bua Benyamina, mu miaba idi hehi ne Yelushalema ne mu misoko ya mu Yuda, mikoko neyihitshile muinshi mua maboko a badi bayibala.

Yirmeya 33:9

Musoko eu newikale kundi bu dina dia disanka, bu dianyisha ne bu butumbi, munkatshi mua ba mu bisamba bionso bia ha buloba balualua kunvua lumu lua malu mimpe andi ngenzela; nebatshine ne nebazakale bua diakalengele ne ditalala binauhesha.

Yezekiyele 36:33

Mukelenge Yehowa udi wamba ne, Mu dituku dindi nnulengesha ku malu mabi enu onso, nenjadike bantu mu misoko yenu, nebibake kabidi miaba yakadi bikulu.

Amosa 9:14

Nengumushe bantu banyi Bena Isalele mu buhika bua kubaha diakalengele, nebibake kabidi misoko yakadi bikulu, nebashikamemu; nebakune tumuma tua nvinyo mu madimi, nebanue nvinyo yatu; nebadime madimi, nebadie mamuma aluamu.

Obadya 1:20

Bahika bakadi mu busalayi ebu bua Bena Isalele nebadiangatshile buloba buakadi nʼabu Bena Kanâna tô ne ku Salefata, ne ba mu Yelushalema bakadi mu buhika ku Sefalada nebadiangatshile misoko ya mu Sude.

Zekâya 1:14

Nunku muanjelo wakadi uyikila nʼanyi wakangambila ne, Amba ne, Yehowa wa misumba udi wamba ne, Ntshidi mukuatshike mukau mukole bua Yelushalema ne bua Siona tô ne mpindiu.

Zekâya 1:18

Nakabanduluka, nakatangila; ne monai, nsengu inai yakadiku!

Zekâya 2:12

Yehowa neangate Yuda bu buhianyi buandi mu buloba bua tshijila, neasungule Yelushalema kabidi.

Zekâya 2:4

wakamuambila ne, Ya lubilu, ambila nsongalume eu ne, Yelushalema neikale ne bantu muomumue ne misoko idi kayiyi ne ngumbu, bualu bua bisumbu bivule bia bantu ne bia bimuna nebikalemu.

Zekâya 3:2

Yehowa wakambila Satana ne, Yehowa akubele wewe, Satana; eyo, Yehowa wakasungula Yelushalema akubele! Etshi kantshishelele tshiakahatulabo mu kahia, anyi?

Efeze 1:4

bu muakatusunguleye munda muandi diambedi yeye kai muanze kufuka buloba, bua tuetu tuikale bantu ba tshijila badi kabai mua kubandibua ku mesu kuandi mu luse.