Yowele 3:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Misumba ne misumba ya bantu idi mu tshibanda tshia tshilumbuluidi! Bualu bua dituku dia Yehowa didi ha buihi mu tshibanda tshia tshilumbuluidi.

Yowele 3:14 교차 참조

Misambu 37:13

Mukelenge udi umuseka, bualu bua udi umona ne, Dituku dia kumukengesha dilualua.

Yeshaya 13:4

Unvuai, tshiona tshia mbila mu mikuna tshidi bu tshia tshisumbu tshinene tshia bantu! Unvuai, mutoyi udiku wa tshintompantompa tshia makelenge a bisamba bia bantu badi badikunguisha hohamue! Yehowa wa misumba udi usangisha musumba wa bena nvita bua nvita yandi!

Yeshaya 22:1

Dî dia tshijila bualu bua tshibanda tshia tshikena kumona. Bualu kai buakunkuata mpindiu bua buonso buenu nuakubanda ha mitu ha nsubu?

Yowele 1:15

Aka! Bua difuku adi! Bua dituku dia Yehowa didi ha buihi, ne didi dilua bu kubutuka kufume kudi Nzambi wa Bukole Buonso.

Yowele 2:1

Elai mpungi mu Siona, elai mbila mu mukuna wanyi wa tshijila! Bena buloba ebu bonso bazakale; bualu bua dituku dia Yehowa didi diamba kulua, didi ha buihi!

Yowele 2:11

Yehowa udi wela dî dikole ku mpala kua masalayi andi; bualu bua tshisumbu tshiandi tshia masalayi tshidi tshinene, bualu bua muenji wa dî diandi udi ne bukole. Bualu bua dituku dia Yehowa didi dinene, didi dikuatshisha bantu buowa bukole; nganyi washindama ku mpala kuadi?

Yowele 3:12

Ba mu bisamba bia bantu babike, balue mu tshibanda tshia Yehoshafata; bua mu muaba au nenshikame bua kulumbuluisha bisamba bionso bia bantu bidi bitshinyunguluka.

Yowele 3:2

nensangishe ba mu bisamba bionso, nempueke nʼabo mu tshibanda tshia Yehoshafata; nembalumbuluishilema bua bantu banyi, buhianyi buanyi, Bena Isalele, bakamuangalashabo munkatshi mua bisamba bia bantu. Bakabanyangana buloba buanyi,

Sefanya 1:14

Dituku dinene dia Yehowa didi ha buihi; didi ha buihi ne didi didiendesha lukasa! Tshiona tshia dituku dia Yehowa tshidiku; muena bukitu neadile bikole mu diba adi.

Filipe 3:2

Nudimuke kudi mbua, nudimuke kudi benji babi ba mudimu, nudimuke kudi baditahi ba mubidi.

2 Petro 3:7

Kadi bua dî diodiumue diulu didiku katataka ne buloba kabidi biakabutshidibua bua kuhia ne kahia bilamibue tô ne ku dituku dia dilumbulula ne dia dibutuka dia bantu badi babenga Nzambi.