Yowele 2:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Wewe buloba, kutshinyi nansha! Wikale ne disanka ne musangelu, bualu bua Yehowa wakuenza malu manene!

MUKANDA WA MYIDI MUKULU

²¹ Wewe buloba, kutshinyi kabidi, usanke, bualu Maweja-Nangila udi wenza malu manene.

Yowele 2:21 교차 참조

Genese 15:1

Hakashika malu a, dî dia Yehowa diakalua kudi Abalama mu tshilota ne, Abalama kutshinyi, meme ndi ngabu webe ne difutu diebe ditambe bunene.

Misambu 71:19

Nzambi, buakane buebe budi bufika tô ne kulu. Wewe wakuenza malu manene, Nzambi, udi bu wewe nganyi?

Misambu 98:8

Misulu ya mai itutakashe bianza; mikuna mihuekele imbe diatshimue bua disanka diai

Yeshaya 35:1

Tshihela ne buloba bûme nebikale ne disanka; tshihela tshia lusenga netshisanke; netshimeneshe bintu bu mudi tshilongo tshia nsungubidi tshienza,

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Yeshaya 44:23

Bia mu diulu, imbai bualu bua Yehowa wakuenza nunku; bidi mu ndondo wa buloba, elai mbila! Bandishai mei enu mu kuimba kua misambu, nuenu, mikuna, ditu, ne mitshi yonso idimu! Bualu bua Yehowa wakuhikula Yakoba, neaditumbishishe mu Isalele.

Yeshaya 54:4

Nzambi webe udi wamba ne, Kutshinyi; bualu bua bundu kabuena bukukuata; kubuandakanyi, bualu bua kabena bakufuisha bundu. Bualu bua wewe neuhue bundu bua bunsongakashi buebe muoyo; kuena uvuluka kabidi tshihendu tshiakakuhendabo nʼatshi hawakadi mukashi wa mu lufuila.

Yeshaya 55:12

Bualu bua nenduhuke ne disanka, nebanulombole ne ditalala; mikuna minene ne mikuna mikese neyibishe mei ai mu kuimba kua misambu ku mpala kuenu; mitshi yonso ya mu mpata neyitutakashe bianza.

Yirmeya 33:3

wamba ne, Umbikile, nengitabe kudi, nenkuleshe malu a kukema ne malu makole audi kuyi mumanye.

Osheya 2:21

Yehowa udi wamba ne, Mu dituku adi nengitabe, nenkudimune diulu dî ne diulu nedikudimune buloba dî;

Yowele 2:20

Nennûmushile bena luseke lua nôde, nembatume kule; nembihate bua kuyabo mu buloba bua munanga ne bua tshihela tshia lusenga; tshituha tshiabo tshia ku mpala tshibuele mu mai manene a ku luseke lua esete, tshituha tshiabo tshia ku nyima tshibuele mu mai manene a ku luseke lua wesete; muhuya wabo mubi ne mukuhu wabo nebibande mulu, bualu bua bakuenza malu manene.

Yowele 2:26

Nenudie bintu bikumbane, nenukute; nenutumbishe dina dia Yehowa Nzambi wenu, wakunuenzela malu a kukema; ne bantu banyi kabena bafuishibua bundu kabidi kashidi.

Zekâya 8:15

nunku, nakuhangidisha mu matuku â bua kuenzela Yelushalema ne Bena Yuda bimpe. Kanutshinyi.

Dielulula 4:32

Katataka nudikonke munda bua matuku adi ku nyima akadi ku mpala kuenu, katshia Nzambi wafuka bantu ha buloba, ne ku luseke lumue lua diulu tô ne ku luseke lukuabo ne, Bikalaku bualu bunene nunku, anyi bikalabo bunvue lumu lua bualu bua nunku.

1 Samuele 12:16

Nunku nuimane talalâ, nutangile bualu ebu bunene budi Yehowa wenza ku mesu kuenu.

1 Samuele 12:24

Anjai kutshina Yehowa, numukuatshile mudimu mu bulelela ne mitshima yenu yonso; elanganai meji a malu manene akanuenzeleye.