Yowele 2:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yehowa wakakudimuna bantu bandi dî, wakabambila ne, Tangilai, nennutumine manvua ne nvinyo mihia-mihia ne manyi, nennukutshishebi; ne tshiena nnuvuisha bu tshintu tshia kuhendabo munkatshi mua bisamba bia bantu kabidi.

MUKANDA WA MYIDI MUKULU

¹⁹ Udi ubenzela bidibu bamulomba, ubalaya ne: “Nennutumine tshiakabidi ntete ya kuenza bukula, maluvu ne mafuta. Nenuhidie nukute! Tshiena nnufuisha kabidi bundu, munkatshi mua bisamba bia bende.

Yowele 2:19 교차 참조

Yirmeya 31:12

Nebalue ku mutu kua Siona, nebimbeku misambu, nebatambe kusanka bua buimpe bua Yehowa kudibo, bua manvua ne nvinyo mihia-mihia, bua manyi, ne bua bana ba munkatshi mua mikoko ne bimuna bikuabo. Mitshima yabo neyikale bu tshibundu tshidibo bamiamina mai; kabena banyingalala kabidi tô ne kashidi.

Yezekiyele 34:29

Nenyilongoluele buloba budi ne lumu lunene bualu bua kumenesha kuabu, kayena ishihibua kabidi ne nzala mu buloba abu, kayena ifiushibua bundu kabidi kudi ba mu bisamba bia bantu.

Yezekiyele 36:15

Mukelenge Yehowa udi wamba ne, Tshiena ngitabusha bua wewe kunvua kabidi mei a bihendu adi ba mu bisamba bia bantu bamba bua bualu buebe, ne kuena wikala ne bualu bua kuitabusha bihendu bia bantu ba bende kabidi, ne kuena ulenduisha ba mu tshisamba tshiebe kabidi.

Yezekiyele 36:29

Neanuhandishe ku malu enu onso a bukoya. Nembikile maminu enu bua kuluau, nengakumbashe, ne tshiena ntuma tshiole tshikuabo munkatshi muenu.

Yezekiyele 36:30

Nenkumbashe mamuma ku mitshi ne bia kudia mu madimi, bua kabanuhendi kabidi kudi ba munkatshi mua bisamba bia bantu bualu bua tshiole.

Yezekiyele 39:29

Tshiena mbasokoka mpala wanyi kabidi; bualu bua nakuhumuina Bena Isalele Nyuma wanyi. Mukelenge Yehowa udi wamba dî edi.

Osheya 2:15

Hashishe, nemmuhingashileku madimi andi a tumuma tua nvinyo, nemmuhe tshibanda tshia Akola bu tshibuelelu tshia ku ditekemena. Yeye neitabe kundi bu muakenzeye mu bunsongakashi buandi, bu mu dituku diakaluhukeye mu Ejipitu.

Osheya 2:21

Yehowa udi wamba ne, Mu dituku adi nengitabe, nenkudimune diulu dî ne diulu nedikudimune buloba dî;

Osheya 2:22

ne buloba nebukudimune manvua, nvinyo ne manyi dî, ne biobi neakudimune Yizelele dî,

Yowele 1:10

Madimi akubutudibua; buloba budi buasa muadi; bualu bua manvua akunyanguka, nvinyo mihia-mihia yakukama, ne manyi adi ahua.

Yowele 2:24

Bishihuidi nebiule tente ne blé, ne nyinyo mihia-mihia ne manyi nebihongoloke mu bikaminu.

Lewitiki 26:5

Tshikondo tshidibo bashehula bintu netshikale tô ne ku tshikondo tshidibo bahuola mamuma a mitshi, ne tshikondo tshidibo bahuola mamuma netshikale tô ne ku tshikondo tshidibo bakuna bintu, nenukute mafu tente ne bia kudia, nenushikame mu buloba buenu talala.

Zekâya 8:12

Nebakune maminu ne ditalala, nebahete diakalengele; muonshi wa tumuma neukuame tumuma tuau, buloba nebulue ne bintu bia kudia biabu, diulu nedilokeshe dibungi, nengenzeshe difuka edi dia bantu aba bua kuhianabo bintu ebi bionso.

Matayi 6:33

Kadi diambedi kebai bukelenge buandi ne buakane buandi, nunku nebanuhe bintu ebi bionso.

Dielulula 11:14

hashishe nentume nvula ha buloba buenu mu tshidimu tshia nvula, ne nvula ya mbedi ne nvula ya ku nyima; nenumanye mua kuhuola manvua enu ne kukama nvinyo mihia-mihia ne manyi enu.

Rute 1:6

Hashishe yeye wakabika ne ba mamuenʼandi bua kumukeye mu buloba bua Moaba, bualu bua yeye wakamana kunvua lumu mu buloba bua Moaba ne, Yehowa wakashala kuhingana kudi bantu bandi bua kubaheye bia kudia kabidi.