Yowanane 9:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ wakamuambila ne, Ya wowe mu tshina tshia mai a kuowa dina diatshi Siloama (kukudimuna kua muaku ne, Mutumibue). Wakaya biandi, wakowa, wakahingana mutabale.

MUKANDA WA MYIDI MUKULU

⁷ Kumuambilaye ne: — Uye kuowa mayi ku mesu ku dijiba dia Silowa. (Dina adi Silowa didi diumvuija ne: “Mutumibue”.) Mpofu kuya ku dijiba, kuowa mayi ku mpala, kupingana umona.

Yowanane 9:7 교차 참조

Nehemya 3:15

Mushiku wa mbelu wa ku mpokolo wa mai bakalongolola kudi Shaluma, muana wa Kole-hosa, mukokeshi wa luseke lua Misepa; wakawasa, wakaubulula, wakateka bibi ne milonda ne biamu; wakalongolola lumbu lua ku dina dia mai a Shela hehi ne tshibunda tshia mukelenge tô ne ku tshibandilu tshidi tshihueka ku musoko wa Davidi.

Misambu 146:8

Yehowa udi utabasha mesu a bafofo; Yehowa udi ubisha bantu badi biname hanshi; Yehowa udi unanga bantu bakane.

Ekesode 4:11

Yehowa wakamukonka ne, Mufuki wa mukana mua bantu nganyi? Udi ufuka bena kamama ne bena mahaha ne bantu badi mua kumona ne bantu badi bafofo nganyi? Meme Yehowa, tshiena ngenza malu â, anyi?

Yeshaya 32:3

Mesu a bantu badi bamona kaena abuikidibua kabidi, ne matshu a bantu badi bunvua neateleje.

Yeshaya 35:5

Mu dituku adi mesu a mufofo matabale, matshu a badi ne mahaha neajikuke.

Yeshaya 42:7

bua kutabasha mesu a bafofo, bua kuhatula bena lukanu mu tshina tshia lukanu, ne bua kumusha badi bashikame mu midima mu nsubu wa lukanu.

Yeshaya 43:8

Nulue ne bantu badi bafofo kadi badi ne mesu, ne badi ne mahaha kadi badi ne matshu.

Yeshaya 8:6

Bualu bua bantu aba bakuhetula mai a mu Shiloa adi ahueka talalâ, ne badi basanka bua bualu budi bukuata Lesine ne muana wa Lemalaya,

Matayi 11:5

bafofo badi batabala, balema badi benda, bena nsudi badi balengeshibue, bena mahaha badi bunvua, bafue badi babishibua ku lufu, badi bambila bahele lumu luimpe lua Nzambi,

Luke 13:4

Ne bualu bukuabo, bantu aba dikumi ne muanda mukulu, bakuhukilabo kudi tshibunda tshia tushola mu Siloama, tshiakabashiha, nudi nuelangana meshi ne, Bobo bakadi batambe bonso ba mu Yelushalema bubi, anyi?

Luke 2:32

Munya wamueneka kudi bisamba bia bende Ne butumbi bua Isalele, bantu bebe.

Yowanane 10:36

bua yeye wakajidilabo kudi Nzambi ne wakatumeye ha buloba, munyi nudi nuamba ne, Udi uhenda Nzambi, bua nakuamba ne, Ndi Muana wa Nzambi?

Yowanane 11:37

Kadi bakuabo bakamba ne, Muntu eu wakatabasha mesu a wakadi mufofo, kakamanya mua kusungila muntu eu, kafu biandi, munyi?

Yowanane 9:11

Yeye wakabakudimuna ne, Muntu udibo babikila ne, Yesu, wakasohakanya buloba, wakabundaba ku mesu, wakangambila ne, Ya ku Siloama, wowe; nunku nakuya, nakuowa, nakutabala.

Yowanane 9:39

Yesu wakamba ne, Nakuluila ha buloba bua kulumbuluisha bantu, badi kabai bamona bamone, badi bamona balue bafofo.

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

Rome 8:3

Bualu bua malu akadi mikenshi kayi ne kukole bua kuenza bua yakadi mitekete bua mibidi ya bantu, Nzambi, hakatumeye Muana wandi mene ne mubidi mufuane wa malu mabi, ne bua bualu bua bubi, wakahisha bubi mu mubidi;

Ngalate 4:4

Kadi hakakumbana tshikondo, Nzambi wakatuma Muana wandi, muledibue kudi mukashi, muledibue munshi mua mikenshi,