Yowanane 9:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Bamuledi bakamba nunku, bua bakadi batshina Bena Yuda; Bena Yuda bakadi bamane kusangisha dî ne, Wamujukula ne, Kilisto, nebamumushe mu nsunagoga.

MUKANDA WA MYIDI MUKULU

²² Bavua bandamuna nanku, bualu bavua batshina bamfumu ba bena Yuda. Bualu bamfumu bavua bamane kumyuangana bua kuipata mu nzubu wa kutendelela wa bena Yuda muntu yonsu wajadika ne: Yezu udi Meshiya.

Yowanane 9:22 교차 참조

Nsumuinu 29:25

Hatshina muntu bakuabo, bualu ebu budi buteyi kudiye, kadi udi weyemena Yehowa neahanduke.

Yeshaya 51:12

Meme, meme mene, nyeye udi unusumba; wewe nnganyi bua kutshina muntu ulualua kufua, ne muana wa muntu udi uvuishibua bu mashinde?

Yeshaya 51:7

Nungunvuile, nuenu badi bamanye buakane, badi ne diyisha dianyi dia mikenji mu mitshima yenu; kanutshinyi bihendu bia bantu, buowa kabunukuatshi bua matuka abo.

Yeshaya 57:11

Wakutshina nganyi ne nganyi wakunkuatshisha buowa, bua wewe udi ushima, ne kuakunvuluka, kuakuteka bualu buanyi mu mutshima webe? Tshiena muhuwe talalâ, tô ne musangu mule mene, ne bua muanda eu kuena untshina, anyi?

Luke 6:22

Hikala bantu nʼenu lukuna, hanumushabo munkatshi muabo, hanuhendabo, hahetulabo dina dienu ne, Ndibi, bua bualu bua Muana wa muntu, nenuikale ne disanka.

Yowanane 1:19

Edi ndî dia Yone hakatuma Bena Yuda ba mu Yelushalema bakuidi ba Nzambi ne Bena Lewi kudiye bua kumuebesha ne, Wewe nganyi?

Yowanane 16:2

Nebanuhatule mu nsunagoga; bulelela, diba nedilue diela munushihi meshi ne, Ndi ngenzela Nzambi mudimu.

Yowanane 19:38

Hakashika malu â, Yosefe wa ku Alimataya, wakadi muyidi wa Yesu mu musokoko bualu bua wakadi utshina Bena Yuda, wakalomba Pilato bua kuangata tshitalu tshia Yesu; Pilato wakitabusha. Nunku yeye wakalua, wakangata tshitalu tshiandi.

Yowanane 20:19

Dituku adi dia kumudilu dia lumingu, diba dimane kubuela, bayidi bakadi mu nsubu ne bibi binshila bualu bua bakatshina Bena Yuda, Yesu wakalua, wakimana munkatshi muabo, wakabambila ne, Ditalala dikale kunudi.

Yowanane 7:13

Kadi kakuakadi muntu wakamuamba ku mesu kua bantu, bua bakatshina Bena Yuda.

Yowanane 9:18

Bena Yuda kabakitabusha ne yeye wakadi mufofo ne wakutabala, anu hakabikilabo baledi ba wakatabala,

Yowanane 9:21

kadi katuena bamanye muakutabaleye katataka, katuena bamanye wakumutabasha mesu; numukonke; yeye nmuntu mukole; neadiambile.

Yowanane 9:34

Bakamukudimuna ne, Wakuledibua mu malu mabi bulelela, wewe udi utuyisha tuetu, anyi? Bakamuihata.

Yowanane 9:35

Yesu wakunvua ne, Bakumuihata. Hakamumoneye, wakamukonka ne, Udi witabusha Muana wa Nzambi, anyi?

Bienzedi 4:18

Bakababikila, bakabambila bikole ne, Kanuambidi bantu bualu mu dina dia Yesu, kanubayishi.

Bienzedi 5:13

Kakuakadi muntu wa bakadi bashale wakadi ne bukitu bua kudisangisha nʼabo; kadi bantu bakadi babatumbisha;

Bienzedi 5:40

Bakitabusha dî diandi; hakabikilabo bapostolo, bakabakuma, bakabakandika ne, Kanuambi bualu mu dina dia Yesu, bakabalekela.

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.