Yowanane 7:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bitabusha muntu kuenza bu mudi Nzambi musue, yeye neamanye diyisha edi, ne ndia Nzambi, anyi ndi ndiambila nkayanyi.

MUKANDA WA MYIDI MUKULU

¹⁷ Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

Yowanane 7:17 교차 참조

Misambu 119:10

Nenkukebe ne mutshima wanyi mujima; kuitabushi bua meme kusesuka ku mikenji yebe.

Misambu 25:12

Muntu kai udi utshina Yehowa? Yehowa neamumanyishe nshila udiye ne bua kusungula.

Misambu 25:14

Bulunda bujalame bua Yehowa budi kudi badi bamutshina, ne yeye udi ubamanyisha tshihungidi tshiandi.

Nsumuinu 28:5

Bantu babi kabena bajingulula kulumbulula kuakane, kadi badi bakeba lungenyi kudi Yehowa badi bakajingulula tshishiki.

Nsumuinu 3:32

Bualu bua Yehowa udi ukina muntu udi ne tshishiku, kadi bunyana buandi budi kudi badi ne mitshima miakane.

Yeshaya 35:8

Tshibebe tshikaleku, ne nshila, nebamubikile ne, Nshila wa Tshijila; badi kabayi balengeshibue ku bubi buabo kabena bamanye mua kuhitshilaku, kadi neikaleku bua bantu bandi; bena luendu, nansha bahote mene, kabena bendelamu.

Danyele 12:10

Ba bungi nebadilengeshe, nebaditokeshe, nebavuishibue balengele; kadi bantu babi nebananukile kuenza malu mabi; kakuena umue wa mu bantu babi wajingulula malu, kadi bantu badi ne meji nebâjinguile.

Osheya 6:3

Tumumanye bietu, tunanukile kukeba kumanya Yehowa. Kulua kuandi kudi kujadikibua bulelela bu mudi butuku butshia; nealue kutudi bu nvula mbedi, bu mudi nvula mishishe iloka ha buloba.

Mika 4:2

Ba mu bisamba bia bungi bia bantu nebalue, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; yeye neatuyishe bienzedi biandi, tuetu netuende mu nshila yandi; bualu bua diyisha nediluhuke mu Siona, ne dî dia Yehowa nedihatuke mu Yelushalema.

Malaki 4:2

Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi.

Matayi 6:22

Disu didi muinda wa mubidi; bikala disu diebe dimona tshintu bimpe, mubidi webe wonso neutoke ne munya.

Luke 8:15

Au a mu buloba buimpe adi bu bantu bakunvua dî mu mitshima mimpe ne ya kalolo, badi badilama bikole, badi bavudisha maminu bua dinanukila diabo.

Yowanane 3:21

Kadi muntu yonso utu wenza malu mimpe udi ulua mu munya bua bienzedi biandi bimueneke, bualu bua biakenjibua mu Nzambi.

Yowanane 8:43

Munyi kanuena numanya mundi ngamba? Bualu bua kanuena bamanye mua kunvua dî dianyi,

Yowanane 8:44

Nuenu nudi bana ba diabolo, tatu wenu, nudi basue kuenza bu mudi nkuka ya tatu wenu. Ku tshibangidilu yeye wakadi mushihianganyi, katu wimana mu bualu bulelela, bua yeye kena ne bualu bulelela munda muandi. Hambeye dî dia mashimi, udi wamba malu andi mene; bua yeye udi muena mashimi, ne udi tatu wau.

Yowanane 8:47

Wa Nzambi udi unvua mei a Nzambi; ebu mbualu bunudi kanui nûnvuila, bua kanuena ba Nzambi.

Bienzedi 17:11

Kadi bantu aba bakatamba ba mu Tesalonike buimpe, bua bakitabusha dî ne mitshima mimane kulongolola; bakadi badikebela mu Mukanda wa Nzambi ku dituku ku dituku ne, Malu â adi malelela, anyi?