Yowanane 6:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hakamona bantu tshimanyinu etshi tshiakenzeye, bakamba ne, Bulelela, eu udi muprofete ulualua ha buloba.

MUKANDA WA MYIDI MUKULU

¹⁴ Bantu bamona tshishima tshivua Yezu muenze, kuambabu ne: — Bulelela, muntu ewu mMuambi uvua ne bua kulua pa buloba!

Yowanane 6:14 교차 참조

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

Matayi 11:3

bua kumukonka ne, Wewe nyeye ulualua, anyi tuindile mukuabo?

Matayi 21:11

Bantu ba mu bisumbu bakamba ne, Eu mmuprofete Yesu, wa ku Nazaleta wa Galela.

Luke 24:19

Yeye wakabakonka ne, Malu kai? Bakamuambila ne, Malu a Yesu, Muena Nazaleta, wakadi biandi muprofete mukole mu bienzedi ne mu mei ku mpala kua Nzambi ne kua bantu bonso;

Luke 7:16

Buowa buakabakuata buonso buabo; bakatumbisha Nzambi bamba ne, Muprofete munene wakumueneka munkatshi muetu, Nzambi wakulua kutangila bantu bandi.

Yowanane 1:21

Bakamukonka ne, Ahu udi nganyi? Wewe udi Eliya, anyi? Wakamba ne, Tshiena yeye. Bakamukonka kabidi ne, Wewe mmuprofete au, anyi? Wakamba ne, Nasha.

Yowanane 11:27

Yeye wakamuambila ne, Bulelela, Mukelenge, nakuitabusha ne, Wewe udi Kilisto, Muana wa Nzambi, nyeye ulualua ha buloba.

Yowanane 2:11

Bualu ebu buakenza Yesu mu Kana wa Galela buakadi bua kumudilu bua bimanyinu biandi, wakalesha bantu butumbi buandi; bayidi bandi bakamuitabusha.

Yowanane 4:19

Mukashi wakamuambila ne, Mukelenge, ndi njingulula ne, Wewe udi muprofete.

Yowanane 4:25

Mukashi wakamuambila ne, Ndi mumanye ne, Mashiya ulualua (udibo babikila ne, Kilisto); halueye, neatumanyishe malu onso.

Yowanane 4:42

bakambila mukashi ne, Tuakuitabusha katataka, kambualu bua dî diebe, tuakudiunvuila, tudi bamanye ne, Bulelela, eu udi Musungidi wa ba ha buloba.

Yowanane 6:2

Bantu ba bungi bakamulonda, bualu bua bakatangila bimanyinu biakenzeleye bena mabedi.

Yowanane 6:26

Yesu wakabandamuna ne, Bulelela, bulelela, udi nuambila ne, Kanuena nunkeba bua bimanyinu binuakutangila, nudi nunkebela bua nuakudia mitanda, nuakûkuta.

Yowanane 6:30

Bakamukonka ne, Udi wenza tshimanyinu kai bua tuetu tumone, tuitabushe dî diebe? Tshiudi wenza ntshinyi?

Yowanane 7:40

Bantu bakuabo, hakunvuabo mei â, bakamba ne, Bulelela, yeye udi muprofete au wa Nzambi.

Bienzedi 7:37

Yeye Mose eu mene wakambila bana ba Isalele ne, Nzambi neanubishile muprofete wa munkatshi mua bana benu, bu muakambisheye meme.