Yowanane 4:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Kadi diba nedilue, didiku katataka mene, ditendelela batendeledi balelela Nzambi mu nyuma ne mu bulelela; Tatu udi ukeba bantu ba nunku bamutendelela.

MUKANDA WA MYIDI MUKULU

²³ Kadi tshikondu netshifike, ntshimane kufika mene, tshidi batendeledi balelela batendelela Tatu mu mueyelu ne mu bulelela. Bualu Tatu udi musue bantu badi bamutendelela mushindu ewu.

Yowanane 4:23 교차 참조

1 Kulondolola 29:17

Nzambi wanyi, ndi mumanye kabidi ne wewe udi uteta mitshima ya bantu, udi usanka mu butoke bua mutshima. Meme nakudifidila bintu ebi bionso mu butoke bua mutshima wanyi; nakumona bantu bebe bonso badi kunoko badifidila bintu biabo ne disanka.

Misambu 147:11

Kadi Yehowa udi usanka bua badi bamutshina, bua badi ne ditekemena diabo mu luse luandi lujalame.

Misambu 17:1

Yehowa, unvua bualu budi buakane; teleja matshu ebe ku kudila kuanyi; teleja matshu ebe ku kulomba kuanyi kudi kuhatuka ku mishiku idi kayiyi ne lubombo.

Misambu 32:2

Disanka didi kudi muntu udi Yehowa kayi ubadila dihambuka diandi dia ku buakane, ne udi kayi ne lubombo mu mutshima wandi!

Misambu 51:6

Mona, wewe udi musue bushuwa buikale munda mua muntu; udi ummanyisha mua kuikala ne meji munda muanyi.

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Musambu wa Solomo 2:14

Wewe, nyunyu wanyi wa nkutshi, udi usokoma mu mabue a mu mbuebue, mu miaba misokoka ya mu mbuwa; witabushe bua meme kumona mpala webe ne kunyua dî diebe; bualu bua dî diebe didi dimpe ne mpala webe udi mulengele.

Yeshaya 10:20

Mu dituku adi difuka dikese dia ba mu Isalele ne ba mu bana ba Yakoba badi bahanduka ku lufu, kabena beyemena muntu wakabakuma, kadi nebeyemene Yehowa, Wa Tshijila wa Isalele, mu bushuwa.

Yeshaya 29:13

Mukelenge wakamba ne, Bualu bua bantu aba badi basemena hehi nʼanyi ne badi bantumbisha ne mukana muabo ne mishiku yabo, kadi bakumusha mitshima yabo kundi ne idi kule, ne badi bantshina anu bualu bua mukenji wa bantu wakuyilabo mu mitu yabo;

Yeshaya 43:21

bantu banakudifukila bua bualu buanyi, bua bobo baleshe bonso butumbi buanyi.

Yeshaya 58:2

Kadi badi bakeba lungenyi kundi ku dituku ku dituku, badi ne disanka bua kumanyabo nshila yanyi, bu mudi bantu badi benza malu adi makane, ne badi kabayi balekela kulonda mikenji ya Nzambi wabo benza; badi bandomba mikenji idi mua kuyuisha buakane, badi basanka bua kusemena ha buihi ne Nzambi.

Yirmeya 3:10

Yehowa udi wamba ne, Malu â onso akamueneka, kadi muanʼabo mukashi Yuda, muena dikamakama, kakahingana kundi ne mutshima wandi mujima, kadi wakashala ne lubombo.

Yirmeya 4:2

Biwaditshiha ne, Bu mudi Yehowa ne muoyo, uditshihe nunku mu bushuwa, mu kulumbulula kuakane ne mu buakane; mu diba adi bisamba bia bantu nebivuishibue disanka kudiye, nebitumbile mudiye.

Yezekiyele 22:30

Nakakeba muntu munkatshi muabo wakamanya mua kuibaka lumbu kabidi, ne bua kuimaneye ku mpala kuanyi mu muaba wakashimbuka bua kukuatshisha ba mu buloba ebu, bua meme tshibubutudi; kadi tshiakasangana muntu.

Yowanane 1:17

Mose wakatuha mikenshi, kadi ngasa ne bulelela biakafuma kudi Yesu Kilisto.

Yowanane 12:23

Yesu wakabambila ne, Diba diakufika bua Muana wa muntu kutumbishibua.

Yowanane 16:2

Nebanuhatule mu nsunagoga; bulelela, diba nedilue diela munushihi meshi ne, Ndi ngenzela Nzambi mudimu.

Yowanane 16:32

Unvuai, diba nedilue, diakumana kufika mene mene, dianumuangalashabo, muntu kuandi, muntu kuandi; nenunshîe meme nkayanyi; kadi tshiena nkayanyi bualu bua Tatu udi neanyi.

Yowanane 4:21

Yesu wakamuambila ne, Mukashi, witabushe dî dianyi, diba nedilue dikala bantu kabai batendelela Tatu ku mukuna eu anyi mu Yelushalema.

Yowanane 5:25

Bulelela, bulelela, ndi nuambila ne, Diba nedilue, didiku katataka mene, diunvua bafue dî dia Muana wa Nzambi; badi bunvua nebikale ne muoyo.

Yowanane 5:28

Kanukemi bua bualu ebu; bualu bua diba nedilue diunvua bonso badi mu nkita dî diandi,

Rome 1:9

Bualu bua Nzambi, undi nkuatshila mudimu mu nyuma wanyi mu lumu luimpe lua Muana Wandi, udi mumanyi wanyi bu mundi tshî ndekela kunutela misangu yonso mu mitendelelu yanyi,

Rome 8:15

Bua kanuakuangata nyuma wa buhika tshiakabidi bua kutshina; kadi nuakuangata nyuma wa buhianyi bua bana utudi tubikila nʼandi Nzambi ne, Aba, Tatu.

Rome 8:26

Muomumue kabidi, Nyuma Muimpe kabidi udi ukuatshishangana nʼetu mu butekete buetu; bua katuena bamanye mua kulomba Nzambi bu mutudi nʼabu mbua kumulomba, kadi Nyuma muine udi utuakuila ne mikemu idi kayi mua kuambibua.

Ngalate 4:6

Ne bualu bua nudi bana, Nzambi wakatuma Nyuma wa Muana wandi mu mitshima yetu, wela di diandi ne, Aba, Tatu.

Efeze 6:18

nutendelele Nzambi misangu yonso ne kulomba kuonso ne disengelela dionso mu Nyuma Mumpe; nuikale batabale mu dinanukila dionso ne disengelela bua basanto bonso,

Filipe 3:3

Bualu bua tuetu tudi batengula badi batendelela ku Nyuma wa Nzambi ne badi batumbila mu Kilisto Yesu, ne badi kabai ne dieyemena dia malu a mubidi,

Yoshua 24:14

Nunku nutshine Yehowa, numukuatshile mudimu ne muoyo wonso udi kauyi ne lubombo, nûmushe nzambi yakakuatshila bankambua bena mudimu dishiya dia musulu wa Pelata ne mu Ejipitu; nukuatshile Yehowa mudimu.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

1 Samuele 12:24

Anjai kutshina Yehowa, numukuatshile mudimu mu bulelela ne mitshima yenu yonso; elanganai meji a malu manene akanuenzeleye.