Yowanane 3:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Yeye udi wamba malu akamoneye ne akunvueye; kakuena muntu udi witabusha malu akambeye.

MUKANDA WA MYIDI MUKULU

³² Udi wamba malu avuaye mumone kabidi mumvue. Kadi kakuena muntu nansha umue udi witaba bidiye wamba.

Yowanane 3:32 교차 참조

Yeshaya 50:2

Bualu kai, hanakulua, kakuakadi muntu bua kungakidila? Hanakukubikila, kakuakadi muntu bua kuitaba munyi? Tshianza tshianyi tshidi tshitamba buihi bua kukuhikula tshi, anyi? Tshiena ne bukole bua kukusungila, anyi? Tangila, ku kusamina kuanyi ndi ngumisha mai manene; ndi nvuisha misulu bu tshihela tshia lusenga; minyinyi yai idi inunka muhuya mubi bualu bua kakuena mai, idi ifua ne nyota.

Yeshaya 53:1

Wakuitabusha bualu butuakunvua nganyi? Diboko dia Yehowa diakubuluibua kudi nganyi?

Matayi 7:8

Bualu bua muntu yonso udi ulomba, neahete; udi ukeba, neamone; udi ukokola, nebamunzuluile.

Yowanane 1:11

Wakalua kudi bintu biandi, kadi bantu bandi mene kabakamuitabusha.

Yowanane 15:15

Tshiena nubikila kabidi bahika; bualu bua muhika kena mumanye budi mukelenge wandi wenza; kadi nakunubikila balunda; bualu bua nakunumanyisha malu onso anakunvua kudi Tatu wanyi.

Yowanane 18:37

Pilato wakamukonka ne, Ahu wewe mukelenge, anyi? Yesu wakamba ne, Bûdi Wamba mbulelela, ndi Mukelenge. Nakuledibua bua bualu ebu, nakuluila ha buloba bualu ebu, ne bua kuamba malu malelela. Muntu yonso wa bulelela udi unvua dî dianyi.

Yowanane 3:11

Bulelela, bulelela, ndi nkuambila ne, Tudi tuamba butudi bamanye, tudi tuambila bantu butuakumona; nuenu kanuena nuitabusha butuakunuambila.

Yowanane 3:26

Bakalua kudi Yone, bakamuambila ne, Labi, uwakadi nʼandi dishia dia Yadene, uwakambila bantu, udi ubatiza bantu, bantu bonso balualua kudiye.

Yowanane 3:33

Wakuitabusha malu akambeye wakuteka tshimanyishilu tshiandi tshilesha ne, Nzambi udi mulelela.

Yowanane 5:20

Bualu bua Tatu udi musue Muana, udi umulesha malu onso atshidiye wenza; yeye neamuleshe malu a kukema matambe â, bua nuenu kukema.

Yowanane 8:26

Ndi ne malu a bungi a kuamba bualu buenu ne a kunulumbuluisha; kadi wakuntuma udi mulelela; ndi ngambila ba ha buloba malu anakusua kudiye.