Yowanane 3:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Yone kabidi wakadi ubatiza bantu mu Ainona hehi ne Salima, bualu bua mpokolo ya mai yakadiku ya bungi; bantu bakalua, bakabatijibua.

MUKANDA WA MYIDI MUKULU

²³ Yowanane kabidi uvua utua bantu mu mayi ku Ayinone, pepi ne Salime, bualu muaba awu uvua mayi a bungi. Bantu bavua baye kudiye, ke yeye kubatua mu mayi.

Yowanane 3:23 교차 참조

Genese 33:18

Yakoba wakalua ku musoko wa Shekeme, mu buloba bua Kanâ-na, talalâ, hakafumeye ku Padanaalama, wakashimika ntenta yandi ku mpala kua musoko.

Yirmeya 51:13

Wewe udi mushikame hetu ne misulu ya mai ya bungi, udi ne luhetu lua bungi, nshikidilu webe wakumana kufika, luhetu luwakuangata ku buihi ludi luamba kujimina.

Yezekiyele 19:10

Mamu webe wakadi bu muonshi, mufuanangane nʼebe, mukuna hehi ne mai. Wakakuama mamuma a bungi, wakadi ne matamba a bungi, bualu bua bungi bua mai.

Yezekiyele 43:2

Ekumona! Butumbi bua Nzambi wa Isalele buakadi bufuma ku luseke lua esete. Tshiona tshia dî diandi tshiakadi bu tshiona tshia mai a bungi; ne buloba buakadi bukenka ne butumbi buandi.

Luke 3:7

Yeye wakakonka bisumbu bia bantu biakalua kudiye bua yeye kubabatiza ne, Nuenu bana ba nyoka, wakunudimusha bua kunyema ku mulau ulualua kunudi nganyi?

Yowanane 3:22

Hakashika malu â, Yesu ne bayidi bandi bakalua mu luseke lua Yudaya; wakashalaku tshituha ubatiza bantu.

Yowanane 3:24

Kabakadi banze kuela Yone mu nsubu wa lukanu.

Didimanyisha 1:15

ne makasa andi akafuana tshiamu tshia mitaku tshibalakana, bu muditshi tshilengeshibua mu tshikutu; ne dî diandi diakadi bu tshiona tshia mai a bungi.

Didimanyisha 14:2

Nakunvua dî difuma mu diulu, bu dî dia mai a muenji a bungi ne bu dî dia mukungulu munene; ne dî dinakunvua diakadi bu dia bimbi ba nkombe bimba ne nkombe yabo;

Didimanyisha 19:6

Nakwmia dî bu dî dia tshisumbu tshinene tshia bantu, ne bu dî dia mai a bungi ne bu dî dia mikungulu mikole diamba ne, Aleluya, bualu bua Mukelenge Nzambi wetu, wa Bukole Buonso, udi ukokesha.

1 Samuele 9:4

Bakendakana ku mikuna ya Efelayima, bakahitshila ku buloba bua Shalisha, kadi kabakayimona; bakahitshila ku buloba bua Shâlima, kadi kayakadiku; bakahitshila ku buloba bua Benyamina, kadi kabakayimona.