Yowanane 3:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bulelela, bulelela, ndi nkuambila ne, Tudi tuamba butudi bamanye, tudi tuambila bantu butuakumona; nuenu kanuena nuitabusha butuakunuambila.

MUKANDA WA MYIDI MUKULU

¹¹ Ndi nkuambila bulelela ne: Tudi tuakula bitudi bamanye. Tudi tuamba kabidi bituvua bamone. Kadi kanuena nuanyisha bitudi tunujadikila.

Yowanane 3:11 교차 참조

Yeshaya 50:2

Bualu kai, hanakulua, kakuakadi muntu bua kungakidila? Hanakukubikila, kakuakadi muntu bua kuitaba munyi? Tshianza tshianyi tshidi tshitamba buihi bua kukuhikula tshi, anyi? Tshiena ne bukole bua kukusungila, anyi? Tangila, ku kusamina kuanyi ndi ngumisha mai manene; ndi nvuisha misulu bu tshihela tshia lusenga; minyinyi yai idi inunka muhuya mubi bualu bua kakuena mai, idi ifua ne nyota.

Yeshaya 53:1

Wakuitabusha bualu butuakunvua nganyi? Diboko dia Yehowa diakubuluibua kudi nganyi?

Yeshaya 55:4

Monai, nakamusungula bu mumanyi wanyi kudi bantu, bu mukokeshi wabo ne kapitene ka bantu.

Yeshaya 65:2

Nakuolola bianza bianyi dinda tô ne dilolo kudi bantu badi bantombokela, badi benda mu nshila udi kayi muimpe, balonda malu adi bobo bine badihangidishila.

Matayi 11:27

Tatu wanyi wakafila bintu bionso mu bianza bianyi; kakuena muntu udi mumanye Muana, anu Tatu; kakuena muntu udi mumanye Tatu, anu Muana ne udi Muana musue kulesha Tatu.

Matayi 23:37

Wewe Yelushalema, Yelushalema, udi ushiha baprofete, udi ukuma bakukutuminabo mabue! Misangu ya bungi nakasua kusangisha bana bebe bu mudi nsolo usangisha bana bandi mu mahuahua andi, kadi nuenu nuakuhidia.

Luke 10:22

Tatu wanyi wakufila bintu bionso mu bianza bianyi; kakuena muntu udi mumanye Muana, anu Tatu; kakuena muntu udi mumanye Tatu, anu Muana ne udi Muana musue kulesha Tatu.

Yowanane 1:11

Wakalua kudi bintu biandi, kadi bantu bandi mene kabakamuitabusha.

Yowanane 1:18

Kakuena muntu wakuanza kutangila Nzambi; Muana umuehele mulela udi mu tshiadi tshia Tatu, yeye wakamuamba.

Yowanane 12:49

Tshiena ndiambila nkayanyi; Tatu wakantuma wakampa mukenshi wa malu anamba ne bu munâmba.

Yowanane 14:24

Udi kai munsue kena wenza mei anyi; dî dinudi nunvua kandianyi, ndia Tatu wakantuma.

Yowanane 3:12

Binuahidia kuitabusha malu a ha buloba anakunuambila, nudi bamanye mua kuitabusha binanuambila malu a mu diulu munyi?

Yowanane 3:13

Kakuena muntu wakubanda mu diulu anu yeye wakufuma mu diulu, Muana wa muntu mene, udi biandi mu diulu.

Yowanane 3:3

Yesu wakamuandamuna ne, Bulelela, bulelela, adi nkuambila ne, Bikala muntu kai muledibue tshiakabidi, kena mumanye mua kutangila bukelenge bua Nzambi.

Yowanane 3:5

Yesu wakamuandamuna ne, Bulelela, bulelela, ndi nkuambila ne, Bikala muntu kai muledibue kudi mai ne kudi Nyuma, yeye kena mumanye mua kubuela mu bukelenge bua Nzambi.

Yowanane 5:43

Nakulua mu dina dia Tatu wanyi, kanuena nungitabusha; biadiluila mukuabo mu diandi dina, nenumuitabushe.

Yowanane 7:16

Yesu wakabakudimuna dî ne, Diyisha dianyi kandianyi, ndia udi muntume.

Yowanane 8:14

Yesu wakabakudimuna ne, Binadiamba, dî dianyi didi dilelela; bualu bua ndi mumanye kunakufuma ne kunaya; kadi nuenu kanuena bamanye kunakufuma ne kunaya.

Yowanane 8:26

Ndi ne malu a bungi a kuamba bualu buenu ne a kunulumbuluisha; kadi wakuntuma udi mulelela; ndi ngambila ba ha buloba malu anakusua kudiye.

Yowanane 8:38

Meme ntu ngamba malu anakutangila kudi Tatu wanyi, nuenu kabidi nutu nuenza malu anuakunvua kudi tatu wenu.

Bienzedi 22:18

nakamumona ungambila ne, Umuka mu Yelushalema lubilu, bua kabena bitabusha dî diudi wamba bua bualu buanyi.

2 Korente 4:4

bakafofomishabo mesu a meshi a badi kabai bitabusha kudi nzambi wa tshikondo etshi, bua dinkenka dia lumu luimpe lua butumbi bua Kilisto, udi tshifuanyikishi tshia Nzambi, kaditemi kudibo.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

Didimanyisha 3:14

Fundila muanjelo wa ekelesia wa ku Laodikiya ne, Udi Amen, mumanyishi wa kueyemena ne mulelela, tshibangidilu tshia bufuki bua Nzambi ne,