Yowanane 2:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Kadi Yesu kakaditeka mu bianza biabo, bualu bua yeye wakamanya bantu bonso,

MUKANDA WA MYIDI MUKULU

²⁴ Kadi Yezu kasua mubatekemene nansha. Bualu usua mubamanye bonsu bikole.

Yowanane 2:24 교차 참조

1 Bakalenga 8:39

ubunvuile mu diulu kûdi ushikama, ubabuikidile mibi yabo, ubenzele bu mûdi mumanye malu adi mu mitshima yabo (bualu bua anu wewe nkayebe ngudi mumanye mitshima ya bantu bonso);

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

1 Kulondolola 29:17

Nzambi wanyi, ndi mumanye kabidi ne wewe udi uteta mitshima ya bantu, udi usanka mu butoke bua mutshima. Meme nakudifidila bintu ebi bionso mu butoke bua mutshima wanyi; nakumona bantu bebe bonso badi kunoko badifidila bintu biabo ne disanka.

Yirmeya 17:9

Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

Matayi 9:4

Yesu wakamanya meshi abo, wakamba ne, Nudi nuelangana meshi a bualu bubi munda muenu bua tshinyi?

Marke 2:8

Hakamanya Yesu munda muandi ne, Badi badikonka munda nunku, yeye wakabakonka ne, Nudi nudikonkela munda muenu nunku tshinyi?

Yowanane 1:42

Wakalua nʼandi kudi Yesu. Yesu wakamumona wakamuambila ne, Wewe udi Simona, muana wa Yona; nebakuidike dina ne, Kefa (kukudimuna kua muaku ne, Petelo).

Yowanane 16:30

Katataka tudi bamanye ne, Wewe udi mudimanyine malu onso, kuena ne bualu bua muntu kukukonka; bua bualu ebu tudi tuitabusha ne, Wewe wakafuma kudi Nzambi.

Yowanane 21:17

Wakamukonka tshiakasatu ne, Simona wa Yona, udi munsue, anyi? Mutshima wa Petelo wakanyingalala bua yeye wakamukonka tshiakasatu ne, Udi munsue, anyi? Wakamuambila ne, Mukelenge, wewe udi mumanye malu onso; udi mumanye ne, Ndi mukusue. Yesu wakamuambila ne, Udishe mikoko yanyi.

Yowanane 4:16

Yesu wakamuambila ne, Ya ubikile mulume webe, ulue biebe kunoko.

Yowanane 5:42

Kadi ndi munumanye ne, Kanuena ne luse lua Nzambi munda muenu.

Yowanane 6:15

Hakamanya Yesu ne, Badi bamba kunkuata ku bukole bua kumbuesha mu bukelenge, wakaya ku mukuna kabidi, yeye nkayandi.

Yowanane 6:64

Kadi bakuabo benu kabena bitabusha. Ku tshibangidilu Yesu wakadi mumanye bakadi kabai bitabushe, wakadi mumanye wamutungila tshitungu.

Bienzedi 1:24

Bakatendelela Nzambi bambe ne, Wewe, Mukelenge, ngudi mumanye mitshima ya bantu bonso, utuleshe wa babidi aba umue uwakusungula,

Bienzedi 15:8

Nzambi mumanyi wa mu mitshima, wakabavidila, wakabaha Nyuma Muimpe bu muakutuheye bietu:

Dielulula 31:21

Nunku halua matata ne makenga makole kudibo, musambu eu newikale bu mumanyi wa bualu, neudiambe kudibo; bana babo kabahu musambu eu muoyo, bualu bua meme ndi mumanye meji adibo nʼau mu mitshima yabo lelu diambedi tshiyi muanze kulua nʼabo mu buloba bunakabalaya.

Ebrewu 4:13

Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.

Didimanyisha 2:23

Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.

1 Samuele 16:7

Kadi Yehowa wakambila Samuele ne, Kutangidi mpala wandi, anyi bule buandi, bualu bua meme nakamuhidia; Yehowa kena utangila bu mudi bantu batangila, bualu bua bantu badi batangila anu mubidi, kadi Yehowa udi utangila mu mutshima.