Yowanane 15:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nuenu kanuakunsungula, nakunusungula, nakunujadika bua nuenu kuya kukuama mamuma ne bua mamuma enu ikale tshiendelele, bua tshintu tshionso tshinualomba Tatu mu dina dianyi yeye anuhetshi.

MUKANDA WA MYIDI MUKULU

¹⁶ Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Yowanane 15:16 교차 참조

Genese 18:18

Bualu bua yeye nealue tshisamba tshinene, ne bisamba bionso bia ha buloba nebisanke bua bualu buandi.

Misambu 145:4

Ba mu mulongo umue wa bantu nebatumbishile ba mu mulongo wabo mukuabo midimu yebe, nebabamanyishe bienzedi biebe binene.

Misambu 71:18

Nzambi, kundekedi nansha, tô ne ku bununu buanyi ne hangikala ne nvi; kundekedi tô ne bangambila ba mu tshikondo tshialua bua tshianza tshiebe tshikole, ne hangambila badi bandonda ku nyima bua bukole buebe.

Nsumuinu 11:30

Mamuma adi muntu muakane akuama adi mutshi wa muoyo, udi ubandisha mioyo ya bakuabo udi ne meji.

Yeshaya 27:6

Mu matuku adi kâyi manji kulua Yakoba nêle miji; Isalele neabaluluke, neasampile ntonga; nebûshe buloba buonso ne tumuma tua nvinyo.

Mika 5:7

Difuka dia Yakoba nedikale munkatshi mua bisamba bia bungi bu mume mufume kudi Yehowa, bu kumata kua nvula ha mashinde, bidi kabiyi bindila dî dia muntu, ne bidi kabiyi bindila mei a bana ba balume ba bantu.

Matayi 21:22

Binuitabusha, nenuangate bintu bionso binualomba mu kutendelela kuenu.

Matayi 7:7

Nulombe, nebanuhe; nukebe, nenumone; nukokole, nebanunzuluile.

Luke 6:13

Hakatshia butuku, wakabikila bayidi bandi; wakasungula biandi dikumi ne babidi, wakabidika ne, Bapostolo;

Yowanane 13:18

Tshiena nuamba buonso buenu; ndi mumanye banakusungula, kadi bualu ebu buakulua bua kushikisha dî diakafundabo ne, Utu wadia bidia bianyi wakuntua museba.

Yowanane 15:19

Bu nuenu bikale ba ha buloba, ba ha buloba bakadi kusua bantu babo; kadi bualu bua nuenu kanuena ba ha buloba, nakunusungulula mu ba ha buloba, nunku ba ha buloba badi nʼenu lukuna.

Yowanane 15:5

Meme ndi muonshi munene, nuenu nudi matamba; wikala munda muanyi, meme muikale munda muandi, yeye neakuame mamuma a bungi; binuikala kanui nʼanyi, kanuena bamanye mua kuenza bualu.

Yowanane 6:70

Yesu wakabakonka ne, Tshiakunusungula dikumi ne babidi, anyi? Kadi umue wenu udi wa diabolo.

Bienzedi 1:24

Bakatendelela Nzambi bambe ne, Wewe, Mukelenge, ngudi mumanye mitshima ya bantu bonso, utuleshe wa babidi aba umue uwakusungula,

Bienzedi 1:8

Kadi nuenu nenuangate bukole, hanuhuekela Nyuma Muimpe hamʼbidi henu; nenuikale bamanyi banyi mu Yelushalema ne mu Yudaya yonso ne Samalea ne kunfudilu kua buloba.

Bienzedi 10:41

kadi wakamumuenesha anu kudi bamanyi bakasungula Nzambi diambedi, batuetu aba, mbakadia nʼandi, mbakanua nʼandi hakabikeye ku lufu.

Bienzedi 22:14

Yeye wakamba ne, Nzambi wa bankambua betu wakakusungula bua wewe kumanya budiye musue, ne bua wewe kutangila Udi Muakane, ne bua wewe kunvua dî dia mukana muandi.

Bienzedi 9:15

Kadi Mukelenge wakamuambila ne, Ya biebe, bualu bua yeye udi bu luhanza lunakasungula bua kutuala dina dianyi ku mesu kua bisamba bia bende, ne kua banfumu, ne kua bana ba Isalele;

Rome 1:13

Bana betu, tshiena musue nuhange kumanya ne, Misangu ya bungi nakadisunguila bua kulua kunudi (ne nakuhumbishibua tô ne katataka), bua meme kuangata mamuma munkatshi muenu kabidi bu munakuângata munkatshi mua bisamba bikuabo bia bende.

Rome 1:5

Tuakuangata ngasa kudiye ne bupostolo, bua kuvudisha ditumikila dia ditabusha munkatshi mua bisamba bia bende bionso, bualu bua dina diandi.

Rome 15:4

Bua malu onso akafundabo diambedi akafundibua bua kutuyisha, bua tuetu tuikale ne ditekemena bua ditantamana dietu ne bua busambi bua mu Mukanda wa Nzambi.

Rome 9:21

Mufumbi kena ne bukokeshi bua dima bua kufumba ne dibulu diodiumue tshifuadi tshimue tshia mudimu wa butumbi ne tshinga tshia mudimu wa hatuhu, anyi?

1 Korente 10:11

Malu â akadi abakuata bu bifuanyikishi, akafundibua bua kutudimusha, kutudi mene kuakufika nshikidilu wa bikondo.

Ngalate 1:15

Kadi hakasua Nzambi nguakansungula munda mua baba wanyi ne nguakambikila ku ngasa wandi,

Efeze 2:10

Tuetu iudi mudimu wandi wakenzeye, tuakafukibua mu Kilisto Yesu bua tuetu tuenze midimu mimpe yakadianjila Nzambi kulongolola bua tuetu kuendamu.

Kolose 1:23

binuananukila mu ditabusha, bajadikibua ne bashindikibue bikole, ne kanui basesuishibue ku ditekemena dia lumu luimpe lunuakunvua, luakambibua munkatshi mua bifukibua bionso munshi mua diulu; lunakavuishibua, meme Paulo, muena mudimu walu.

Kolose 1:6

ludi lulua kunudi. Mbu mudilu mu buloba buonso kabidi lukuama mamuma ne ludiundadiunda bu mudilu luenza munda muenu kabidi, katshia ku dituku dinuakunvua ne dinuakamanya ngasa wa Nzambi mu bushua.

1 Timote 2:7

Bua bualu ebu nakatekibua muambi ne mupostolo (ndi ngamba dî dilelela, tshiena nshima nasha) muyishi wa ba bisamba bia bende mu ditabusha ne mu malu malelela.

2 Timote 1:11

luakantekabo musambi ne mupostolo ne muyishi bualu bualu.

2 Timote 2:2

Malu awakunvua kundi munkatshi mua bamanyi ba bungi, malu â wafile kudi bantu badi mua kueyemenyibua, balua kukumbana mua kuyisha bakuabo kabidi.

Tite 1:5

Bua bualu ebu nakakushîa mu Kulete, bua wewe kulongolola malu akadi mashale, ne bua wewe kusunguisha bakulu ku musoko ne ku musoko bu munakakuambila;

Ebrewu 11:4

Bua ditabusha Ebele wakafila kudi Nzambi mulambu muhite wa Kana buimpe, bua bualu buau yeye wakadi ne bualu buandi buambibua ne, Yeye wakadi muakane, Nzambi wamba bua kuha kuandi, ne bua bualu buaku yeye mufue utshidi wakula.

Yakobe 3:18

Mamuma a buakane adi akunyibua mu ditalala kudi bantu badi benzesha ditalala.

1 Petro 3:15

kadi nujidile Kilisto mu mitshima yenu bu Mukelenge; nuikale badilongolola misangu yonso, bua kukudimuna dî kudi muntu yonso udi unukonka bua muanda wa ditekemena didi munda muenu; kadi nuenze nunka ne kalolo ne dishina.

1 Petro 3:2

hatangilabo bienzedi bienu bilengele bidi ne ditshina.

1 Yone 4:10

Mu muanda eu mudi dinanga, kembua tuetu tuakunanga Nzambi, kadi bua yeye wakatunanga, wakatuma Muana wandi bu mulambu wa kubuikila nʼau mibi yetu.

1 Yone 4:19

Tuetu tudi ne dinanga, bualu bua yeye wakadianjila kutunanga.