Yowanane 14:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Yesu wakamukonka ne, Filipo, nakadi nʼenu musangu bulo nunku, wewe kuena nummanye, anyi? Wakuntangila meme wakatangila Tatu; abu munyi mûdi wamba ne, Utuleshe Tatu?

MUKANDA WA MYIDI MUKULU

⁹ Yezu kumuandamuna ne: — Filipe, kudi matuku mulongulongu andi mushale nenu, kuena muanji kummanya anyi? Muntu mumane kummona, mmumane kumona Tatu. Muudi wamba ne: “Utuleje Tatu” mbishi?

Yowanane 14:9 교차 참조

Genese 26:9

Abimeleke Wakabikila Isaka, wakamuambila ne, Bulelela, yeye udi mukashi webe, bualu kai wewe wakuamba ne, Yeye udi muanʼetu wa bakashi? Isaka wakamuambila ne, Nakatshina ne, Nebanshihe bua bualu buandi.

Misambu 11:1

Ndi nyemena kudi Yehowa; munyi munudi nungambila ne, Unyeme bu nyunyu ku mukuna webe?

Yirmeya 2:23

Udi mua kuamba ne, Tshiena munyanguke, tshiakulonda Babala munyi? Mona nshila uwakuendela wa mu tshibanda, umanye malu awakuenza; bu nsongakashi wa kamelo ka lubilu kadi kanyunguluka mu nshila,

Marke 9:19

Yesu wakabandamuna ne, Nuenu ba tshikondo etshi tshia buhidia, nenshale nʼenu musangu bule munyi? Nentate nʼenu musangu bule munyi? Luai nʼandi kundi.

Luke 12:56

Nuenu bena lubombo, nudi bamanye mua kujingulula mpala wa buloba ne wa diulu, munyi kanuena bamanye mua kujingulula malu a tshikondo etshi?

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Yowanane 10:30

Meme ne Tatu tudi bamue.

Yowanane 12:45

Udi untangila meme udi utangila ne wakuntuma kabidi.

Yowanane 14:20

Mu ditutu adi nenumanye ne, Meme ndi munda mua Tatu wanyi, nuenu nudi munda muanyi, meme ndi munda muenu.

Yowanane 14:7

Bu nuenu banmanye meme, nuakadi kumanya Tatu wanyi kabidi; nudi bamumanye katataka ne tshiendelele, nuakumumona.

Yowanane 8:19

Bakamukonka ne, Tatu webe udi hanyi? Yesu wakandamuna ne, Kanuena banmanye, kanuena bamanye Tatu wanyi; bu nuenu banmanye meme, nuakadi kumanya Tatu wanyi kabidi.

1 Korente 15:12

Bianuambilabo bualu bua Kilisto ne, Yeye wakabishibua ku bafue, munyi mudi bakuabo ba munkatshi muenu bamba ne, Kakuena dibika dia bafue?

Filipe 2:6

Yeye wakadi muikale ne Bunzambi mene, kadi kakabala buobumue buandi ne Nzambi bu tshintu tshia kulaminyina bikole;

Kolose 1:15

Yeye udi tshifuanyikishi tshia Nzambi udi kai mua kumuenebua, muanʼa bute wa bifukibua bionso;

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.

1 Yone 5:20

Tudi bamanye ne, Muana wa Nzambi wakumana kulua wakutuha meshi bua tuetu tumumanye yeye udi wa bushua; ne tuetu tudi munda mua udi wa bushua, munda mua Muana wandi Yesu Kilisto mene. Eu udi Nzambi wa bushua, ne udi muoyo wa tshiendelele.