Yowanane 14:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bulelela, bulelela, ndi nuambila ne, Wangitabusha nenze biandi kabidi malu antshidi ngenza; nenze biandi malu adi mahite andi ngenza, bualu bua meme ndi nya kudi Tatu.

MUKANDA WA MYIDI MUKULU

¹² Ndi nnujadikila bulelela ne: muntu udi ungitaba neenze kabidi midimu indi ngenza. Neenze mikuabu mipite bunene, bualu ndi nya kudi Tatu.

Yowanane 14:12 교차 참조

Matayi 21:21

Yesu wakandamuna ne, Bulelela, ndi nuambila ne, Binuikala ne ditabusha, kanui ne mpata, nenuenze bu muakuenzelabo mutshi wa nfigi; ne bualu bukuabo kabidi, binuambila mukuna eu ne, Ubishibue, wedibue mu mai manene, bualu nebulue bu munuakuamba.

Marke 11:13

Hakamoneye mutshi wa nfigi kuakua muikale ne mabeshi, wakalua kudiu ne, Mpete mamuma; hakalueye, wakasangana mutshi mutuhu, anu mabeshi, bualu bua katshiakadi tshikondo tshia nfigi.

Marke 16:17

Bimanyinu ebi nebifile badi bitabushe: nebumushe bademon munda mua bantu mu dina dianyi; nebakule miaku mihia-mihia;

Yowanane 14:28

Nuakunyua dî dinakunuambila ne, Ndi nya, nempingane kunudi. Bu nuenu bansue, nuakadi, kusanka, bualu bua meme ndi nya kudi Tatu, bua Tatu udi muntambe meme.

Yowanane 16:7

Kadi ndi nuambila bulelela ne, Meme muye mbimpe bienu; bingikala tshî nya, Musambi kena ulua kunudi; kadi binaya, nenutumineye.

Yowanane 4:37

Dî edi ndilelela ne, Munga udi ukuna, munga udi unowa.

Yowanane 5:20

Bualu bua Tatu udi musue Muana, udi umulesha malu onso atshidiye wenza; yeye neamuleshe malu a kukema matambe â, bua nuenu kukema.

Yowanane 7:33

Yesu wakamba ne, Nengikale nʼenu tshituha tshihi, hashishe nenye kudi wakuntuma.

Yowanane 7:39

Yeye wakadi Wamba bua Nyuma wangatabo kudi bakumuitabusha; Nyuma kakadi muanze kulua, bua Yesu kakanza kutumbishibua.

Bienzedi 10:46

Bakabunvua bakula mu miaku mikuabo, batumbisha Nzambi. Petelo wakakonka ne,

Bienzedi 16:18

Wakadi wenza nunku matuku a bungi. Kadi hakatata Paulo bikole, wakatshinguluka, wakambila nyuma mubi ne, Ndi nkuambila mu dina dia Yesu Kilisto, umuke munda muandi. Ha diba adi mene wakaluhuka.

Bienzedi 19:12

nunku bakatuadila basame matuaya ne bitambala biakadiye nʼabi hamʼbidi, mabedi akumuka kudibo, ne nyuma mibi yakumuka munda muabo.

Bienzedi 2:33

Yeye, mumane kubandishibua ku tshianza tshia balume tshia Nzambi, mumane kuangata mulayi wa Nyuma Muimpe kudi Tatu, wakuitshikisha bualu ebu bunudi numona ne bunudi nunvua.

Bienzedi 2:41

Bakitabusha dî diandi bakabatijibua. Dituku adi kantu bu binunu bisatu bakadikungisha nʼabo.

Bienzedi 4:16

Netuenzele bantu aba tshinyi? Bulelela, bonso badi bashikama mu Yelushalema badi bamanye ne, Bantu aba bakuenza tshimanyinu tshidi tshimanyibua; katuena bamanye mua kutshivila.

Bienzedi 4:33

Bapostolo bakadi bamba ne bukole bua bungi bua dibika dia Mukelenge Yesu ku lufu, ngasa wa bungi wakadi nʼabo bonso.

Bienzedi 4:4

Kadi ba bungi bakunvua dî bakitabusha; bungi bua balume buakakumbana bu binunu bitanu.

Bienzedi 5:15

Bua bualu ebu bantu bakalua ne basame mu misesu ya musoko, bakabaladika ha malalu ne ha biata ne, Hahita Petelo, mundidimbi wandi ubuikile nasha mukuabo wabo.

Bienzedi 6:7

Di dia Nzambi diakadiundadiunda, bayidi bakadi bavulangana ba bungi mu Yelushalema; bakuidi ba bungi bakadi bitabusha lumu luimpe.

Bienzedi 8:7

Bualu bua nyuma ya bukoya yakadi munda mua bantu ba bungi, yakaluhuka yela mei ai bikole; ba bungi bakadi ne tuneke ne bakadi balema bakakoleshibua.

Bienzedi 9:34

Petelo wakamuambila ne, Ainea, Yesu Kilisto udi ukukolesha; bika, udilongoluele bulalu buebe. Yeye wakabika lubilu.

Bienzedi 9:40

Kadi Petelo wakabumusha buonso buabo, wakatua binu hanshi, wakatendelela Nzambi; wakatshinguluka kudi tshitalu, wakamba ne, Tabita, bika. Mukashi wakabulula mesu; hakamoneye Petelo, wakashikama.

Rome 15:19

mu bukole bua bimanyinu ne bua malu a kukema ne mu bukole bua Nyuma Muimpe. Nunku nakuvudisha kuamba kuanyi kua lumu luimpe lua Kilisto ku Yelushalema ne ku nseke idi miunyunguluke tô ne ku Iluliko.