Yowanane 13:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Katataka ndi mbanga kunuambila bualu budi kabui buanze kulua, bua, haluabu, nuenu nuitabushe ne, Meme nyeye.

MUKANDA WA MYIDI MUKULU

¹⁹ Ndi udianjila kunuambila bualu ebu mpindiewu kabuyi buanji kuenzeka, bua penzekabu nuitabe ne: “Meme ndi mundi.”

Yowanane 13:19 교차 참조

Yeshaya 41:23

Nutuambile malu adi alua mu bidimu bitshidi ku mpala, bua tuetu tumanye ne nudi nzambi; bulelela, nuenze bualu budi buimpe anyi bualu budi bubi, bua tuetu tujoshangane, tutue bikemu ne tubumone nʼenu diatshimue.

Yeshaya 43:10

Yehowa udi wamba ne, Nuenu nudi bamanyi banyi, ne nudi muntu wanyi unakusungula, bua nummanye ne nuitabushe dî dianyi, ne nujingulule bu mundi yeye mene. Kakuakadi nzambi mukuabo mufukibue ku mpala kuanyi, kakuena kuikala mukuabo ku nyima kuanyi.

Yeshaya 48:5

nunku nakakuambila malu â kale, diambedi kâyi manji kulua nakakuleshau, bua wewe kuambi ne, Luhingu luanyi luakaenza, luhingu luanyi lunakusonga ne luhingu luanyi lunakutula yakela mukenji ne, Enjibue.

Malaki 3:1

Yehowa wa misumba udi wamba ne, Monai, ndi ntuma messager wanyi, yeye nealongolole nshila ku mpala kuanyi; Mukelenge unudi nukeba nealue lubilu mu ntempelo wandi, messager wa dihungila, unudi nʼandi disanka, monai mudiye ulua!

Matayi 11:3

bua kumukonka ne, Wewe nyeye ulualua, anyi tuindile mukuabo?

Matayi 24:25

Unvuai! nakunuambila diambedi.

Luke 21:13

Malu au nealue kunudi bu tshimanyishilu.

Yowanane 1:15

Yone wakambila bantu bualu buandi, wakela dî bikole ne, Kayeu unakuamba ne, Ulualua ku nyima kuanyi udi muntambe, bua yeye wakadiku ku mpala kuanyi.

Yowanane 14:29

Nakunuambila bualu ebu diambedi kabui buanze kulua bua nuenu nuitabushe, haluabu.

Yowanane 16:4

Nakunuambila malu â bua nuenu kuavuluka, halua diba diau ne, Nakumana kunuambilau. Tshiakanuambila malu â ku tshibangidilu, bualu bua nakadi nʼenu.

Yowanane 4:26

Yesu wakamuambila ne, Meme udi wakula nʼebe nyeye.

Yowanane 8:28

Yesu wakamba ne, Hanuabisha Muana wa muntu, nenumanye ne, Meme nyeye, ne tshitu ngadienzela bualu, kadi ntu ngamba anu malu akunyisha Tatu.

Yowanane 8:58

Yesu wakabambila ne, Bulelela, bulelela, ndi nuambila ne, Diambedi kabai banze kulela Abalahama, meme ndiku.