Yowanane 13:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Diambedi disanka dia Kuhita kua Yehowa kadi dianze kulua, Yesu wakamanya ne, Diba dianyi dia kumuka ha buloba bua kuya kudi Tatu diakufika, yeye mumane kusua bandi mene bakadi ha buloba, wakabasua tô ne kunshikidilu.

MUKANDA WA MYIDI MUKULU

¹ Dituku dimue kumpala kua tshibilu tshia Dipita dia Maweja-Nangila, Yezu mumanye muvua diba dimane kufika dia kumuka panu bua kupingana kua Tatu, bu muvuaye munange bantu bende ba pa buloba matuku onsu, kubanangaye too ne ku ndekelu.

Yowanane 13:1 교차 참조

Nsumuinu 8:31

Nakadi nsanka mu buloba buandi budi ne bantu bashikamamu, ne disanka dianyi divule diakadi bua kusomba ne bukua bantu.

Yirmeya 31:3

Yehowa wakamueneka kundi kale, wamba ne, Nakukunanga ne dinanga dia tshiendelele, nunku nakunanukila kukulesha luse lujalame.

Matayi 26:45

Hashishe, yeye wakalua kudi bayidi, wakabambila ne, Nudi nulala nuikisha! Diba diakufika, Muana wa muntu udi mufila mu bianza bia bantu babi.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Luke 22:53

Hanakadi nʼenu mu ntempelo ku dituku ku dituku, kanuakandenga bianza; kadi edi diba ndienu, ne bukokeshi bua mîdima.

Luke 9:51

Hakamba matuku a kumubandishabo mulu kukumbana, yeye wakambula mpala wandi mutangisha ku Yelushalema bua kuyeye kuakua,

Yowanane 11:55

Disanka dia Kuhita kua Yehowa dia Bena Yuda diakadi ha buihi; ba bungi bakumuka mu nseke yabo, bakaya ku Yelushalema diambedi Kuhita kua Yehowa kakui buanze kufika, bua kudiuvuabo.

Yowanane 12:23

Yesu wakabambila ne, Diba diakufika bua Muana wa muntu kutumbishibua.

Yowanane 13:29

Bualu bua Yudasa wakadi ne tshibutshilu, bakuabo bakela meshi ne, Yesu wakamuambila ne, Usumbe bintu bitudi nʼabi bualu bua disanka, anyi ne, Uhe bahele tshintu.

Yowanane 13:3

hakamanya Yesu ne, Tatu wanyi wakufila bintu bionso mu bianza bianyi, nakufuma kudi Nzambi, nempingane kudi Nzambi;

Yowanane 13:34

Ndi nuelela mukenshi muhia-muhia ne, Nusuangane; nusuangane bu munakunusua.

Yowanane 14:28

Nuakunyua dî dinakunuambila ne, Ndi nya, nempingane kunudi. Bu nuenu bansue, nuakadi, kusanka, bualu bua meme ndi nya kudi Tatu, bua Tatu udi muntambe meme.

Yowanane 14:31

kadi bua ba ha buloba bamanye ne, Ndi musue Tatu, ne bu muakampa Tatu mukenshi, nunku mundi ngenza. Bikai, tuye.

Yowanane 16:28

Nakafuma kudi Tatu, nakulua ha buloba; ndi ngumuka ha buloba kabidi, nempingane kudi Tatu.

Yowanane 17:1

Hakamba Yesu malu â, wakatangila mulu, wakamba ne, Tatu, diba diakufika; utumbishe Muanʼebe, bua Muana akutumbishe;

Yowanane 17:16

Bobo kabena ba ha buloba, bu mundi meme tshi wa ha buloba.

Yowanane 17:26

nakubamanyisha dina diebe, nembamanyishedi kabidi, bua dinanga diwakunnanga nʼadi meme kuikaladi munda muabo, ne meme munda muabo.

Yowanane 17:5

Tatu, katataka untumbisha diatshimue nʼebe ne butumbi butuakadi nʼabu nʼebe diambedi buloba kabuihu.

Yowanane 18:4

Nunku Yesu wakamanya matu onso akadi alua kudiye, wakaya kudibo, wakabakonka ne, Nudi nukeba nganyi?

Yowanane 19:28

Hashishe Yesu wakamanya ne, Malu onso akushika; bualu bua kushikisha dî diakadi difunda mu Mukanda wa Nzambi, yeye wakamba biandi ne, Ndi ne nyota.

Yowanane 2:13

Disanka dia Kuhita kua Yehowa dia Bena Yuda diakadi ha buihi, Yesu wakabanda ku Yelushalema.

Yowanane 6:4

Kuhita kua Yehowa, disanka dia Bena Yuda, kuakadi ha buihi.

Yowanane 7:30

Bakakeba mua kumukuata; kadi muntu kakamulenga tshianza, bualu bua diba diandi kadiakadi dianze kulua.

Yowanane 7:6

Yesu wakabambila ne, Diba dianyi kadiena dianze kufika, kadi diba dienu didiku matuku onso.

Yowanane 8:20

Yeye wakamba mei â mu muaba wa tshibutshilu tshia mu ntempelo, hakadiye uyisha bantu mu ntempelo; muntu kakamukuata, bualu bua diba diandi kadiakadi dianze kulua.

Rome 8:37

Nasha; mu malu â onso tudi tutamba kuhita bualu bua bukole bua Yesu wakatunanga.

1 Korente 1:8

Yeye kabidi neanujadike tô ne kunshikidilu, bua kanuikadi ne tshia kunubandabo nʼatshi mu dituku dia Mukelenge wetu Yesu Kilisto.

Ebrewu 3:14

Bua tuetu tuakulua babanyanganyi ne Kilisto, bitualamata ku tshibangidilu tshia dieyemena dietu tô ne kunshikidilu;

Ebrewu 3:6

kadi Kilisto wakadi wa kueyemenyibua bu Muana ku mutu kua nsubu wa Nzambi; tuetu tudi nsubu wandi, bitualamata ku dikima dietu ne ku kutumbila kua ditekemena dietu bikole tô ne kunshikidilu.

Ebrewu 6:11

Tudi basue muntu ne muntu wa munkatshi muenu aleshe disuminyina diodiumue bua kuheta tshiuwidi tshia ditekemena tô ne kunshikidilu;

1 Petro 1:13

Nunku nuele bimono bia meshi enu mikaya, nuikale talala, nujadike ditekemena dienu tshishiki mu ngasa udibo balua nʼandi kunudi ku dibuluibua dia Yesu Kilisto.

1 Yone 4:19

Tuetu tudi ne dinanga, bualu bua yeye wakadianjila kutunanga.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;