Yowanane 11:40 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Yesu wakamukonka ne, Tshiakukuambila ne, Biwitabusha, neumone butumbi bua Nzambi, anyi?

MUKANDA WA MYIDI MUKULU

⁴⁰ Yezu kumuandamuna ne: — Tshivua mukuambile ne: wewe muitabe, neumone butumbi bua Mvidi Mukulu anyi?

Yowanane 11:40 교차 참조

2 Kulondolola 20:20

Bakabika hatshiatshia, bakaya ku tshihela tshia Tekoa; hakadibo baye, Yehoshafata wakimana, wakamba ne, Unvuai, Bena Yuda ne ba mu Yelushalema! Nueyemene Yehowa Nzambi wenu, bua nuenu nujadikibue; nuitabushe baprofete bandi, bua nuenu nuikale ne diakalengele.

Misambu 63:2

Nunku nakukutangila talalâ mu nsubu webe wa tshijila, bua kumona bukole buebe ne butumbi buebe.

Misambu 90:16

Mudimu webe umueneke kudi bantu bebe, butumbi buebe kudi bana babo baledibue.

Ekesode 16:7

ne dinda nenumone butumbi bua Yehowa, bualu bua Yehowa udi munvue munudi numujiana, tuetu tudi banganga bua nudi nutujiana?

Matayi 17:20

Yeye wakabambila ne, Bualu bua ditabusha dienu diakadi dikese. Bulelela, ndi nuambila ne, Binuikala ne ditabusha bunene bua lutete lua mutada, nenuambile mukuna eu ne, Umukaku, ya kuakua, neumuke; kakuena bualu budi mua kunukolela. [

Marke 9:23

Yesu wakamuambila ne, Binamanya mua kuenza bualu! Bitabusha muntu, malu onso adi mua kumuenzekela.

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Yowanane 11:4

Hakunvua Yesu dî edi, wakamba ne, Edi kadiena disama dia lufu, kadi didi bualu bua butumbi bua Nzambi ne bua Muana wa Nzambi kutumbishibueye.

Yowanane 12:41

Yeshaya wakamba malu â, bualu bua yeye wakatangila butumbi buandi; yeye wakamuamba nunku,

Yowanane 9:3

Yesu wakabandamuna ne, Kabakuenza bualu bubi kudi muntu eu anyi kudi bamuledi; bualu ebu buakulua bua malu adi Nzambi wenza amueneke bualu bua muntu au.

Rome 6:4

Ke tuakajikibua nʼandi ku dibatiza mu lufu, bualu bua bu mudi Kilisto mubishibue ku bafue bua butumbi bua Tatu, muomumue kabidi butudi nʼabu mbua kuenda mu muoyo muhia-muhia.

2 Korente 3:18

Kadi buonso buetu, katui ne tshilulu tshikudika ha mpala, tudi tutangila bu mu ludimuenu butumbi bua Mukelenge, tudi tuandamushibua mu tshifuanyikishi tshiotshimue ku butumbi ne ku butumbi; bu mudi kudi Mukelenge Nyuma.

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.