Yowanane 1:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

MUKANDA WA MYIDI MUKULU

¹⁴ Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 1:14 교차 참조

Misambu 2:7

Nengambile bantu mukenji wandi; Yehowa wakungambila ne, Wewe udi muana wanyi; lelu eu nakuelela.

Misambu 45:2

Wewe udi uhita bana balume ba bantu bonso bulengele; badi bateka kalolo mukana muebe; nunku Nzambi wakukuvudishila disanka tshiendelele.

Misambu 85:9

Bulelela, luhandu luandi ludi ha buihi ne badi bamutshina, bua butumbi bushikame mu buloba buetu.

Yeshaya 40:5

Hashishe butumbi bua Yehowa nebubuluibue, ne bantu bonso nebabutangile diatshimue; bualu bua mukana mua Yehowa muakuamba nunku.

Yeshaya 53:2

Bualu bua yeye wakakola ku mpala kua Yehowa bu mutshi utshidi lutende, ne bu muji udi uhatuka mu buloba bûme. Kakadi ne tshifuanyikishi anyi bulengele bua tuetu kumutangila, anyi buimpe bua mpala bua tuetu kumunanga.

Yeshaya 7:14

Nunku Mukelenge muine neanuhe tshimanyinu. Monai! Mukashi utshidi kamama neimite difu, nealele muana wa balume, neamuidike dina ne, Imanuele.

Yezekiyele 37:27

Nenshikame hohamue nʼabo; nengikale Nzambi wabo, ne bobo nebikale bantu banyi.

Matayi 1:16

Yakoba wakalela Yosefe bayandi wa Malia muledi wa Yesu, udibo babikila ne, Kilisto.

Luke 2:11

lelu bakunulelela Musungidi mu musoko wa Davidi, yeye udi Kilisto Mukelenge.

Luke 2:7

Wakalela muanʼandi mulume, muanʼa bute, yeye wakamujingila tshilulu, wakamuladika mu tshidilu tshia nyama, bualu bua mu nsubu wa tshilala benyi kamuakadi muaba.

Luke 9:32

Mesu a Petelo ne a bakuabo bakadi nʼandi akadi maneme ne tulu; kadi hakatabalabo, bakatangila butumbi buandi, ne balume babidi bimane nʼandi.

Yowanane 1:1

Ku tshibangidilu Dî diakadiku, Dî diakadi ne Nzambi, Dî diakadi Nzambi.

Yowanane 11:40

Yesu wakamukonka ne, Tshiakukuambila ne, Biwitabusha, neumone butumbi bua Nzambi, anyi?

Yowanane 14:6

Yesu wakamuambila ne, Meme udi bianyi nshila ne bulelela ne muoyo; kakuena muntu udi ulua kudi Tatu, kai muanze kulua kundi diambedi.

Yowanane 14:9

Yesu wakamukonka ne, Filipo, nakadi nʼenu musangu bulo nunku, wewe kuena nummanye, anyi? Wakuntangila meme wakatangila Tatu; abu munyi mûdi wamba ne, Utuleshe Tatu?

Yowanane 17:22

Nakabaha butumbi buwakampa bua kuikalabo bamue bu mutudi bietu bamue;

Yowanane 17:24

Tatu, ndi musue bawakumpa bikale kundi bua kutangilabo butumbi buwakumpa, bualu bua wewe wakansua meme diambedi kabai banze kufuka buloba.

Yowanane 18:37

Pilato wakamukonka ne, Ahu wewe mukelenge, anyi? Yesu wakamba ne, Bûdi Wamba mbulelela, ndi Mukelenge. Nakuledibua bua bualu ebu, nakuluila ha buloba bualu ebu, ne bua kuamba malu malelela. Muntu yonso wa bulelela udi unvua dî dianyi.

Yowanane 2:11

Bualu ebu buakenza Yesu mu Kana wa Galela buakadi bua kumudilu bua bimanyinu biandi, wakalesha bantu butumbi buandi; bayidi bandi bakamuitabusha.

Yowanane 3:16

Bualu bua Nzambi wakatamba kusua ba ha buloba, yeye wakabaha Muanʼandi umuehele mulela bua muntu yonso wamuitabusha kafu biandi, kadi ikale ne muoyo wa tshiendelele.

Yowanane 3:18

Kabena balumbuluisha wamuitabusha, kadi bakumana kulumbuluisha wahidia kuitabusha, bualu bua kakitabusha dina dia Muana umuehele mulela wa Nzambi.

Yowanane 6:51

Ndi bianyi bidia bidi ne muoyo biakafuma mu diulu; biadia muntu bidia ebi, neikale ne muoyo tshiendelele; bulelela, bidia binafila ku muoyo wa ba ha buloba nmubidi wanyi.

Yowanane 8:32

nenumanye kabidi bualu bulelela, ne bualu bulelela nebunuhe budishikaminyi.

Bienzedi 13:33

ne Nzambi wakashikishila bana betu mulayi eu, hakabisheye Yesu ku lufu; bu muakafundabo mu musambu muibidi ne, Wewe udi Muana wanyi, nakukulela lelu.

Rome 8:3

Bualu bua malu akadi mikenshi kayi ne kukole bua kuenza bua yakadi mitekete bua mibidi ya bantu, Nzambi, hakatumeye Muana wandi mene ne mubidi mufuane wa malu mabi, ne bua bualu bua bubi, wakahisha bubi mu mubidi;

Rome 9:5

Bankambua betu mbabo, kudibo nkudi Kilisto mufume mu buntu buandi, udi biandi ku mutu kua bonso, Nzambi mene, mutumbishibue tshiendelele. Amen.

1 Korente 15:47

Muntu wa kumudilu udi mufukibue ne dinfuenkenya dia buloba; muntu muibidi udi muntu wa mu diulu.

2 Korente 12:9

Ne yeye wakangambila ne, Ngasa wanyi udi ukukumbana, bua bukole buanyi budi bukumbashibua tshishiki mu butekete buebe. Nunku ndi ne disanka ha kuditumbisha mu matekete anyi, bua bukole bua Kilisto buikale munda muanyi.

Ngalate 4:4

Kadi hakakumbana tshikondo, Nzambi wakatuma Muana wandi, muledibue kudi mukashi, muledibue munshi mua mikenshi,

Efeze 3:8

Kundi meme, udi mutambe basanto bonso kuhuekela, bakampa ngasa eu bua meme kuambila ba bisamba bia bende bua bubanshi bua Kilisto budibo kabai bamanye mua kubuidikisha;

Kolose 1:19

Bualu bua Tatu wakasanka bua tshiuwidi tshionso tshia Bunzambi tshikale munda muandi;

Kolose 2:3

Munda muandi mudi musokoka bibutshidibue bionso bia meshi ne bia lungenyi.

Kolose 2:9

Bualu bua munda mua Kilisto nkayandi mudi muikale tshiuwidi tshijima tshia Bunzambi mu tshikadilu tshia mubidi.

1 Timote 3:16

Ne kakuena mpata ya bunene bua bualu busokoka bua buimpe bua Nzambi: Nyeye wakamueneshibua mu mubidi wa muntu, Wakabingishibua mu nyuma, Wakamuenebua kudi banjelo, Wakambibua munkatshi mua bisamba bia bende, Wakitabushibua ha buloba, Wakangatshibua mulu ne butumbi.

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.

Ebrewu 1:5

Bualu bua Nzambi wakambila mukuabo kai wa banjelo bandi ne, Wewe udi Muana wanyi, Lelu eu nakukulela? Ne kabidi: Nengikale Tatu kudiye, Ne yeye neikale Muana kundi?

Ebrewu 10:5

Nunku, halueye ba buloba, Kilisto udi wamba ne, Kuakasua nyama mishiha ne bintu bifila, Kadi wakalongoluela mubidi,

Ebrewu 2:11

Bualu bua yeye udi ujidila ne bobo badi bajidibua kabidi, bonso badi ba Tatu umue: bua bualu ebu kena ufua bundu bua kubabikila ne, Bana betu,

Ebrewu 5:5

Nunku, Kilisto kabidi, kakaditumbisha bua kuvuishibua muakuidi munene, kadi wakamutumbisha nyeye wakamuambila ne, Wewe udi Muana wanyi, Nakukulela lelu eu;

1 Yone 4:14

Tuetu tuakutangila ne tudi tunumanyisha ne, Tatu wakutuma Muana wandi bua kuikaleye Musungidi wa ba ha buloba.

1 Yone 4:9

Mu muanda eu dinanga dia Nzambi diakamueneshibua bua bualu buetu, bualu bua Nzambi wakatuma Muana wandi umuehele ha buloba bua tuetu tuikale ne muoyo bua bualu buandi.

2 Yone 1:7

Bualu bua bena mashimi ba bungi bakamuangalaka ha buloba, kabai bajukula ne, Yesu Kilisto udi mulue mu mubidi. Eu udi muena mashimi ne mufuilakanyi ne Kilisto.

Didimanyisha 19:13

Udi muluatshisha tshivualu tshidi tshimiamina mashi; dinu diandi didi dibikidibua ne, Dî dia Nzambi.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.