Yoshua 8:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hanuanyenga musoko nenuwoshe ne kahia; nuenze bu mu dî dia Yehowa; monai, nakanuambila.

MUKANDA WA MYIDI MUKULU

⁸ Amu nuenu bamane kukuata tshimenga, nutshioshe bilondeshile diyi dia Maweja-Nangila. Nukumbaje menemene bindi nnuambila ebi.

Yoshua 8:8 교차 참조

2 Samuele 13:28

Abashaloma wakelela bantu bandi mukenji ne, Nutangile Amenona bimpe ne hasanka mutshima wandi mu kukuatshika kua maluvu. Hananuambila ne, Nutahe Amenona, bimpe nu mushihe, kanutshinyi; meme tshiakunuambila dî, anyi? Nukoleshe mitshima, nuikale ne dikima.

Dielulula 20:16

Kadi misoko ya bantu aba idi Yehowa, Nzambi wenu, unuhayi bua nuenu kuyihiana, kanusungidi tshintu tshimue tshidi tshieyela muhuya;

Yoshua 1:16

Bobo bakakudimuna Yoshua dî ne, Mei onso awakutuambila, netuênze; netuye kuonso kûdi ututuma.

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.

Yoshua 6:24

Bakosha musoko ne bintu bionso biakadimu ne kahia; anu tshiamu tshia argent ne tshia or, ne malonga a tshiamu tshia mitaku ne tshia tshiamu tshifike, bakahueka mu tshibutshilu tshia mu nsubu wa Yehowa.

Yoshua 8:13

Nunku yeye wakangata bantu bu binunu bitanu, wakabateka bua kudiabo bu balaminyi ku luseke lua nôde lua musoko; Yoshua wakaya mu tshibanda butuku abu.

Yoshua 8:2

ne wewe newenzele Ai ne mukelenge wa musoko bu muwakenzela Yeleko ne mukelenge wau; kadi bintu bia mu musoko ne bimuna, nubiangate bu bintu bienu; utume balaminyi ku nyima kua musoko.

Yoshua 8:22

Bakuabo bakadi mu musoko bakaluhuka kudibo munkatshi mua Bena Isalele, bakuabo ku luseke elu, bakuabo ku luseke elu; bakabashiha tô, kakuakadi umue wabo wakahanduka.

Yoshua 8:28

Nunku Yoshua wakosha Ai ne kahia, wakunguisha bionso biakadimu mushiki tshiendelele, wakahaudibua tô ne ku dituku edi.

Yoshua 8:7

Hashishe nuenu balaminyi nenubike, nenunyenge musoko; bualu bua Yehowa, Nzambi wenu, neaufile mu bianza bienu.

Yoshua 8:9

Yoshua wakabatuma, bakaya, bakalalaku bu balaminyi: bakashikama hankatshi ha Betele ne Ai, ku wesete kua Ai; kadi Yoshua wakalala munkatshi mua bantu butuku abu.

Balombodi 4:6

Yeye wakatuma mukenji, wakabikila Balaka, muana mulume wa Abinoama, ku Kedeshe-nafatale, wakamuambila ne, Yehowa, Nzambi wa Isalele, kakamba ne, Uye biebe ku luseke lua mukuna wa Tabô ne binunu dikumi bia bantu ba munkatshi mua Bena Nafatale ne Bena Zebulona, anyi?