Yoshua 8:35 - Mukanda wa Nzambi Dihungila Dikulukulu ne Dihungila Dihia-dihia 2003

³⁵ Yoshua kakashiya dî dimue dia mei onso akamba Mose; yeye wakâbadila tshisumbu tshijima tshia Bena Isalele ne bakashi ne bana bakese ne benyi bakadi munkatshi muabo.

MUKANDA WA MYIDI MUKULU

³⁵ Yoshuwa kubadila bena Izrayele mikenji yonsu ya Moshe anu mushindu uvuaye muyifunde mu mukanda. Diba divuaye ubabadila, bena Izrayele bonsu bavuaku, kabidi ne bakaji, bana, ne benyi bavua munkatshi muabu, bavua amu bateleje.

Yoshua 8:35 교차 참조

Ezela 10:1

Hakadi Ezela utendelela, utondela bantu mibi, udila, udikuma hanshi ku mpala kua nsubu wa Nzambi, tshisumbu tshinene tshia Bena Isalele, ne balume ne bakashi ne bana, tshiakadisangisha kudiye; bantu bakadila bikole.

Nehemya 8:2

Ezela muakuidi wakalua ne mukanda wa mikenji ku mesu kua bantu bakadi badisangishaku ne balume ne bakashi ne bonso bakadi ne matshu a kunvua mu dituku dia kumudilu dia ngondo wa muanda mutekete.

Nehemya 8:3

Yeye wakaubala mu muaba mubaluluke wakadi ku mpala kua tshibi tshia ku luseke lua mai, ku dinda tô ne ku munda munya, ku mpala kua balume ne bakashi ne kua bonso bakadi ne matshu a kunvua; bantu bonso bakateleja matshu abo ku mei a mu mukanda wa mikenji.

Ekesode 12:38

Tshisumbu tshinene tshia bantu bakuabo tshiakaya nʼabo, ne mikoko ne ngombe ne bimuna bia bungi.

Yirmeya 26:2

Yehowa udi wamba ne, Imana biebe mu tshiendelu tshia mu nsubu wa Yehowa, wambile ba mu misoko yonso ya mu Yuda badi balua kutendelela mu nsubu wa Yehowa mei onso andi nkuambila; kukosolodi dî dimue nansha.

Yowele 2:16

sangishai bantu. Jidilai disangisha, sangishai bakulu ne bantu, sangishai bana ne bana batshidi bamua mabele. Mubaki wa mukashi ahatuke mu nsubu muandi, mukashi mubaka ahatuke mu ntenta wandi.

Zekâya 8:23

Yehowa wa misumba udi wamba dî edi ne, Mu matuku au bantu dikumi ba mu muaku ne mu muaku nebakuate ku luzemba lua tshivuali tshia Muena Yuda, bamuambila ne, Tudi basue kuya nʼebe, bualu bua tuakunvua ne Nzambi udi nʼebe.

Marke 10:14

Hakamona Yesu bualu ebu, wakadi ne tshishi, wakabambila ne, Nuitabushe bua bana bakese kulua kundi, kanubakandi; bualu bua bukelenge bua Nzambi mbua badi bu bana.

Bienzedi 20:27

Tshiakatshina bua kunuambila malu onso adi Nzambi musue.

Bienzedi 21:5

Hatuakashikisha kulalamu matuku, nakumuka, tuakaya ku luendu luetu; buonso buabo, ne bakashi ne bana, bakatushindikila tô ne hatuakahatuka mu musoko; hatuakatua binu kukala kua mai, nakatendelela Nzambi, tuakalayangana nʼabo.

Dielulula 29:10

Buonso buenu nudi nuimana ku mpala kua Yehowa, Nzambi wenu, lelu; ne ba ku mutu kuenu, bisamba bienu, bakulu benu, tuhita tuenu, ne balume bonso ba mu Isalele,

Dielulula 29:11

ne bana benu bakese ne bakashi benu, ne benyi badi munkatshi muenu, ne batatu ba nkunyi ne basunyi ba mai;

Dielulula 29:9

Nunku nuenu nutumikile mei a tshihungidi etshi, nuê-nze, bua nuenu nuikale ne dikasa dimpe mu malu onso anudi nuenza.

Dielulula 31:12

Nusangishe bantu bonso, ne balume ne bakashi ne bana bakese ne benyi badi munkatshi muenu, bua buonso buabo bumue, bayile lungenyi, batshine Yehowa, Nzambi wenu, batumikile mei onso a mikenji ei;

Dielulula 4:2

Kanusangishi mei ha mutu ha dî dinakanuambila, kanumushi mei ku dî adi; bua nuenu nutumikile mikenji ya Yehowa, Nzambi wenu, Nakanuambila.