Yoshua 7:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Yoshua wakamba ne, Wewe wakatukengesha bualu kai? Yehowa neakukengeshe lelu. Bena Isalele bonso bakamukuma ne mabue yeye ne bintu biandi bionso kabidi, bakabiosha ne kahia.

MUKANDA WA MYIDI MUKULU

²⁵ Yoshuwa kuambila Akane ne: “Udi mutukebele diakabi. Nanku mpindiewu Maweja-Nangila neakupeteshe pebe diakabi.” Bena Izrayele kumuasa mabue, kumushipa. Kuasabu kabidi ne bena mu diku dia Akane bonsu mabue, kubashipa. Kuoshabu bintu biabu bionsu.

Yoshua 7:25 교차 참조

Genese 34:30

Yakoba wakambila Shimeona ne Lewi ne, Nuenu nuakuntatshisha, nuakunvuisha bu tshintu tshibi munkatshi mua bena buloba munkatshi mua Bena Kanana ne Bena Pelese, tuetu tudi bakehe ne bobo nebunguile kundi, nebanshihe, nebahaule nsubu wanyi ne meme nenjimishibue.

Genese 38:24

Hakahita ngondo isatu, bakambila Yuda ne, Tamâ ma muenʼebe wakandamuka bu mukashi wa masandi, ne yeye wakimita difu kabidi ku masandi. Yuda wakamba ne, Balue nʼandi kunoko, bamuoshe mu kalua.

1 Kulondolola 2:7

Bana ba balume ba Kâmi; Akâ, mutatshi wa Isalele, wakenza bualu bubi ne tshintu tshia tshijila.

Nsumuinu 1:19

Nshila ya bonso badi ne lukuka lua kunyenga bintu ku bukole idi nunku; ludi lujimisha mioyo ya badi nʼalu.

Nsumuinu 15:27

Muntu udi ne lukuka lua luhetu udi ukengesha ba mu nsubu muandi, kadi udi ukina mbueshilu neikale ne muoyo.

Lewitiki 20:14

Biabaka mulume mukashi ne mamuʼandi, bualu ebu budi bubi, nebaboshe mu kahia, busatu buabo, bualu bubi kabuikadi munkatshi muenu.

Lewitiki 20:2

Wambile Bena Isalele kabidi ne, Muntu yonso wa Bena Isalele anyi wa benyi ba munkatshi mua Bena Isalele udi ufila muana wandi kudi Moleke neashihibue bulelela, bena buloba nebamukume ne mabue.

Lewitiki 21:9

Bienda muana mukashi wa muakuidi masandi, yeye wakadinyanga wakasangisha tatuʼandi kabidi, nebamuoshe mu kahia.

Lewitiki 24:14

Uhatule muntu eu muena bihendu ku butshika bua tshitudilu, bantu bonso bakunvua mei andi batentekashe bianza biabo ha mutu handi ne bantu bonso bamukume ne mabue.

Ngalate 5:12

Nakadi kusua ne badi banutombuesha baditungule kabidi.

Dielulula 13:10

Neumukume ne mabue, neumushihe; bualu bua yeye wakakeba mua kunusesuisha mu nshila wa Yehowa, Nzambi wenu, wakanuhatula mu buloba bua Ejipitu ne mu nsubu wa lukanu.

Dielulula 13:11

Bena Isalele bonso nebunvue lumu elu, nebatshine, kabena benza bualu ebu bubi kabidi munkatshi muenu.

Dielulula 17:5

hashishe nenulue ne muntu wakenza bualu bubi ebu ku bibi bia musoko, nansha mulume nansha mukashi, nenubakume ne mabue, nenubashihe.

Dielulula 21:21

Balume bonso ba mu musoko wabo nebamukume ne mabue tô ne hafueye: nunku nenumushe malu mabi munkatshi muenu; ne Bena Isalele nebunvue, nebatshine.

2 Tesalonike 1:6

bikalahu buakane bua Nzambi kuhingisha makenga kudi badi banukengesha;

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;

Yoshua 6:18

Nuenu nuhidie tshintu tshia tshijila; kanuangatshi tshintu tshinuakajila; binuatshiangata, nenueleshe tshitudilu tshia Bena Isalele mulau, nenutshikengeshe.

Yoshua 7:15

Biasanganabo mundi ne tshintu tshia tshijila, nebamuoshe mu kahia, ne yeye ne bintu bionso bidiye nʼabi, bualu bua wakashiha tshihungidi tshia Yehowa, Wakenza bualu buhote mu Isalele.

1 Samuele 14:29

Hashishe Yonatana wakamba ne, Tatu wanyi wakutatshisha buloba. Ndi nnusengelela ne, Tangilai bu mudi mesu anyi matanduke bualu bua meme nakumbula buitshi ebu bukese.