Yoshua 3:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Wewe Wambile bakuidi badi batuala mushete wa tshihungidi tshia mei ne, Hanuafika kukala kua mai a Yadene, mumane balulame mu Yadene.

MUKANDA WA MYIDI MUKULU

⁸ Kadi wewe ambila batuangaji badi bambula mushete wa ndondu ne: padibu bafika ku muelelu wa Yardene, babuele mu mayi, bimane.

Yoshua 3:8 교차 참조

2 Bakalenga 2:6

Eliya wakamuambila ne, Ndi nkusengelela ne, Ushikame kunoko, bualu bua Yehowa wakuntuma ku Yadene. Yeye wakamuambila ne, Bu mudi Yehowa ne muoyo ne bu mudi mutshima webe ne muoyo, tshiena nkulekela. Bubidi buabo bakatshidi baya.

2 Kulondolola 29:15

Bobo bakasangisha bana babo, bakadijidila, bakabuela bua kulengesha nsubu wa Yehowa bu muakadi mukenji wa mukelenge ku mei a Yehowa.

2 Kulondolola 29:27

Hezikiya wakela mukenji bua kufilabo milambu ya kuosha ha tshioshelu. Hakabangabo kuosha milambu, bakabanga kutumbisha Yehowa ne misambu ne mpungi ne bintu bia kuimba nʼabi bia Davidi, mukelenge wa Isalele.

2 Kulondolola 29:30

Mukelenge Hezikiya ne bantu banene bakela mukenji kabidi bua Bena Lewi batumbishe Yehowa ne misambu ya mei a Davidi ne a Asafa, mumonyi wa malu. Bakimba misambu ne disanka, bakinama mitu yabo, bakatendelela.

2 Kulondolola 30:12

Tshianza tshia Yehowa tshiakadi kudi Bena Yuda bua kubavuisha mutshima umue, bua bobo batumikile mukenji wa mukelenge ne wa bantu bandi banene ku dî dia Yehowa.

Nehemya 13:22

Nakelela Bena Lewi mukenji bua kudilengeshabo ne bua bobo balame ku bibi, bajidile dituku dia lumingu. Nzambi wanyi, unvuluke bua bualu ebu kabidi, unfuile luse bu mudi bunene bua dinanga diebe.

Nehemya 13:28

Umue wa bana balume ba Yoyada, muana wa Eleyashiba muakuidi munene, wakadi muku wa Sanebalata, Muena Holona; nunku nakamuihata ku mesu kuanyi.

Ekesode 14:13

Mose wakambila bantu ne, Kanutshinyi, imanai, numone luhandu lua Yehowa lualueye kunuha lelu, bua Bena Ejipitu banuakumona lelu kanuena nubamona kabidi tshiendelele.

Muadi 3:26

Bidi bimpe bua muntu atekemene ne indile biandi luhandu lua Yehowa talalâ.

Yoshua 3:17

Bakuidi bakadi batuala mushete wa tshihungidi tshia mei a Yehowa bakimana balulame mu lusenga lume munkatshi mua Yadene; ne Bena Isalele bonso bakasabuka mu lusenga lume tô ne hakasabuka bantu bonso Yadene.

Yoshua 3:3

yakambila bantu ne, Hanuatangila mushete wa tshihungidi tshia mei a Yehowa, Nzambi wenu, ne bakuidi Bena Lewi bautuala, nenumuke ku muaba unudi, nenûlonde.

Yoshua 3:7

Yehowa wakambila Yoshua ne, Lelu nembange kukubandisha ku mesu kua Bena Isalele bonso, bua bobo bamanye ne, Nengikale nʼebe bu munakadi ne Mose.

Yoshua 3:9

Yoshua wakambila Bena Isalele ne, Luai kunu, nunvue mei a Yehowa, Nzambi wenu.

Yoshua 4:11

Hakasabuka bantu bonso, ku nyima bakuidi bakasabuka ne mushete wa Yehowa ku mesu kua bantu.