Yoshua 3:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bakuidi bakadi batuala mushete wa tshihungidi tshia mei a Yehowa bakimana balulame mu lusenga lume munkatshi mua Yadene; ne Bena Isalele bonso bakasabuka mu lusenga lume tô ne hakasabuka bantu bonso Yadene.

MUKANDA WA MYIDI MUKULU

¹⁷ Batuangaji bavua bambula mushete wa tshijila, kuimana balulame mu lusenga lume, munkatshi mua musulu wa Yardene, too ne mudi bonsu basabuka bafika dia muamua ku makasa kume.

Yoshua 3:17 교차 참조

2 Bakalenga 2:8

Eliya wakakohola tshikowelu tshiandi, wakatshivunga wakatula ha mai, ne mai akahanduluka eku ne eku; bubidi buabo bakasabuka ha buloba bûme.

Misambu 66:6

Wakandamuna mai manene bua kuluau buloba bûme; bantu bakahitshila mu musulu benda ku makasa. Tuakasankamu bua malu andi,

Ekesode 14:21

Mose wakolola tshianza tshiandi ha mai, ne Yehowa wakatuma luhehele lukole lua ku esete, wakahingasha mai butuku abu buonso, buloba bûme buakamueneka kuakadi mai, mai akahanduluka.

Ekesode 14:22

Bena Isalele bakaya mu bunene bua mai ha buloba bûme, mai akadi bu tshinunu kudibo ku tshianza tshia balume ne ku tshianza tshia bakashi.

Ekesode 14:29

Kadi Bena Isalele bakenda mu buloba bûme munkatshi mua mai, mai akadi bu tshimanu kudibo ku tshianza tshia balume ne ku tshianza tshia bakashi.

Yeshaya 25:8

Yeye wakumina lufu tshiendelele; ne Mukelenge Yehowa neakuhule binsonshi ku mesu kua bantu bonso; neumushe tshihendu tshidibo bahenda nʼatshi bantu bandi, utshiumusha ha buloba buonso; bualu bua Yehowa wakuamba dî edi.

Dibadika 33:51

Wambile Bena Isalele ne, Hanuasabuka Yadene mu buloba bua Kanâna,

Ebrewu 11:29

Bua ditabusha bakahita mu Mai Manene Makunze bu mudi ha buloba bume; hakateta Bena Ejipitu kuenza nunku, bakaminyibua mu mai.

Yoshua 4:1

Hakasabuka bantu bonso Yadene, Yehowa wakambila Yoshua ne,

Yoshua 4:10

Bakuidi bakadi batuala mushete bakimana munkatshi mua Yadene, tô ne hakashika malu onso akambila Yehowa Yoshua bua kuambileye bantu, malu onso akambila Mose Yoshua; ne bantu bakasabuka lubilu.

Yoshua 4:11

Hakasabuka bantu bonso, ku nyima bakuidi bakasabuka ne mushete wa Yehowa ku mesu kua bantu.

Yoshua 4:22

nenumanyishe bana benu ne, Bena Isalele bakasabuka Yadene eu ha lusenga lume.

Yoshua 4:3

ubambile ne, Nuangate mabue dikumi ne abidi munkatshi mua Yadene mu muaba wakadiata makasa a bakuidi, nuatuale, nuâele hanshi mu muaba unudi nulala butuku ebu.

Yoshua 5:1

Hakunvua bakelenge bonso ba Bena Amole bakadi dishiya dia Yadene dia ku wesete, ne bakelenge bonso ba Bena Kanâna bakadi bashikama kukala kua mai manene, lumu ne, Yehowa wakûmisha mai a Yadene ku mpala kua Bena Isalele tô ne hakasabukabo bonso, hashishe mitshima yabo yakahandika, kabakadi ne dikima kabidi bualu bua Bena Isalele.