Yoshua 24:33 - Mukanda wa Nzambi Dihungila Dikulukulu ne Dihungila Dihia-dihia 2003

³³ Eleazâ, muana mulume wa Alona, wakafua; bakamujika mu mukuna wa Pinehasa, muanʼandi mulume, wakamuhabo mu buloba bua Bena Efelayima.

MUKANDA WA MYIDI MUKULU

³³ Elazare, muana wa Arone, kufua kabidi. Kumujikabu pa mukuna uvuabu bapeshe muanende wa balume Pinase luseke lua mikuna ya Efrayime.

Yoshua 24:33 교차 참조

2 Samuele 20:21

Bualu kabuena nunku, kadi muntu wa ku mikuna ya Efelayima, dina diandi Sheba, muana wa Bikili, wakatombokela mukelenge Davidi mene; anji kumufila mu bianza bianyi, tuetu netumuke tushiya musoko. Mukashi wakambila Yoaba ne, Mona, nebele mutu wandi kûdi ku nyima ha lumbu.

1 Bakalenga 4:8

Au mmena atu: Bene-hû, wa ku mikuna va Efelayima;

2 Bakalenga 5:22

Yeye wakamuitaba ne, Malu mimpe. Mukelenge wanyi wakuntuma kûdi bua kukuambila ne, Anu katataka bansongalume babidi ba bana ba baprofete ba ku mikuna ya Efelayima bakafika kundi; ndi nkusengelela ne, Bimpe ubampele ntalanta wa argent ne bilulu bibidi bitambe buimpe.

Ezela 7:5

muana wa Abishua, muana wa Pinehasa, muana wa Eleazâ, muana wa Alona, muakuidi mutambe bakuabo;

Yobe 30:23

Bua ndi mumanye ne, Wewe neunfikishe ku lufu, ne ku nsubu wakusunguila Nzambi bonso badi ne muoyo.

Misambu 49:10

E, yeye neamone ne, Bena meji badi bafua; muhote ne muntu mujibale badi bafua muomumue ne badi bashila banga bantu biuma biabo.

Ekesode 6:23

Alona wakabaka Elisheba, muana wa bakashi wa Aminadaba, muanʼabo wa bakashi ne Nashona ne yeye wakamulelela Nadaba ne Abihu, Eleazâ ne Itamâ.

Ekesode 6:25

Eleazâ, muana wa balume wa Alona, wakabaka umue wa bana ba bakashi ba Putiele, yeye wakamulelela Pinehasa. Bantu aba badi ku mutu kua nsubu ya batatuʼabo, Bena Lewi, ku meku abo.

Zekâya 1:5

Batatu benu, bobo badi kudi kunyi? Baprofete, bobo badi bashala ne muoyo tshiendelele, anyi?

Dibadika 3:32

Eleazâ muana mulume wa Alona, muakuidi, neikale ku mutu kua bakelenge ba Bena Lewi, ne ku mutu kua bantu badi balama bintu bia mu nsubu wa tshitendelelu.

Bienzedi 13:36

Hakashikisha Davidi kuenza mu tshikondo tshiandi malu akasua Nzambi, wakafua, wakajikibua ne bankambua bandi, wakabola;

Ebrewu 7:24

kadi yeye, bualu bua udi ushala tshiendelele, udi ne buakuidi budi kabui bushintuluka.

Yoshua 14:1

Au mmahianyi akangata Bena Isalele mu buloba bua Kanâna, akababanyinabo kudi Eleazâ muakuidi, ne Yoshua, muana wa Nuna, ne kudi bakadi ku mutu kua meku a batatu a mu bisamba bia Bena Isalele;

Yoshua 22:13

Bena Isalele aba bakatuma Pinehasa, muana mulume wa Eleazâ muakuidi, kudi Bena Lubena ne Bena Gada ne tshituha tshia tshisamba tshia Bena Manashe,

Balombodi 17:8

Muntu eu wakumuka ku musoko wa Beteleheme-yuda, bua kusomba kuakasanganeye muaba, mu luendu luandi yeye wakalua ku mikuna ya Efelayima ku nsubu wa Mika;

Balombodi 18:13

Bakumukaku, bakayila ku mikuna ya Efelayima, bakalua ku nsubu wa Mika.

Balombodi 20:28

ne Pinehasa, muana wa Eleazâ, muana wa Alona, wakadi muimane ku mpala kua mushete mu matuku au), bamba ne, Netuye bua kuluangana ne bana betu Bena Benyamina kabidi, anyi nealekele? Yehowa wakabambila ne, Yai bienu, bualu bua nembafile mu bianza bienu makelela.

1 Samuele 1:1

Muntu wa mu Lamatayimasofima wa ku mikuna ya Efelayima wakadiku, dina diandi Elekana, muana wa Yelohama, muana wa Elihu, muana wa Tohu, muana wa Sufa, Muena Efelayima,

1 Samuele 9:4

Bakendakana ku mikuna ya Efelayima, bakahitshila ku buloba bua Shalisha, kadi kabakayimona; bakahitshila ku buloba bua Shâlima, kadi kayakadiku; bakahitshila ku buloba bua Benyamina, kadi kabakayimona.