Yoshua 2:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi yeye wakamana kuya nʼabo ku musaka wa nsubu wandi, wakabasokoka muinshi mua mitshi ya lin yakadiye mulonge ha musaka.

MUKANDA WA MYIDI MUKULU

⁶ Kadi Rakabe uvua mumane kubandisha bantu abu mu nzubu wende wa kulu ku musaka. Uvua mubasokoke mu mitshi iwaye muteke kulu aku.

Yoshua 2:6 교차 참조

2 Samuele 11:2

Dilolo dikuabo hakabika Davidi ku bulalu buandi, yeye wakadi wendakana ku mutu kua nsubu wa mukelenge; hakadiye ku mutu kua nsubu, yeye wakatangila mukashi wowa mai; wakadi mukashi mulengele kumona.

2 Samuele 17:19

Mukashi mukuabo wakabuikila mushiku wa dina ne tshilulu, wakabadilahu blé wakatueye; bualu ebu kabuakamanyibua.

1 Bakalenga 18:13

Kabakambila mukelenge wanyi bu munakenza hakashiha Izebele baprofete ba Yehowa, bu munakasokoka lukama lua baprofete ba Yehowa, makumi atanu mu nyongolo makumi atanu mu nyongolo mukuabo, bu munakabadisha, bumunakabanuisha, anyi?

1 Bakalenga 18:4

bualu bua hakakeba Izebele kushiha baprofete ba Yehowa, Obadaya wakangata lukama lua baprofete, wakasokoka makumi atanu mu nyongolo makumi atanu mu nyongolo, wakabadisha bidia, wakabanuisha mai.

2 Bakalenga 11:2

Kadi Yehosheba, muana wa mukelenge Yolama, muanʼabo mukashi ne Ahazaya, wakangata Yoasha, muana wa balume wa Ahazaya, wakamuangata munkatshi mua bana ba mukelenge bakashihabo, wakamuteka ne mulami wandi mu nsubu wandi wa bulalu; bakamusokoka kudi Atalaya, yeye kakashihibua.

Ekesode 2:2

Mukashi wakimita difu, wakalela muana wa balume, hakamumoneye ne muana muimpe, wakamusokoka ngondo isatu.

Yirmeya 36:26

Mukelenge wakela mukenji kudi Yelamele, muana wa mukelenge, ne kudi Selaya, muana wa Azaliele, ne kudi Shelemiya, muana wa Abedele, bua kukuatabo Baluka mufundi ne Yelemiya muprofete, kadi Yehowa wakabasokoka.

Matayi 24:17

udi ha mutu ha nsubu katulukl bua kumusha bidi mu nsubu;

Dielulula 22:8

Hanuasa nsubu muhia-muhia, nenuenze kabidi lumbu tukese ku mutu kua nsubu, nunku muntu kahonyi hanshi, ne mashi andi kaikadi ku nsubu yenu.

Kolose 3:3

Bualu bua nuakafua, ne muoyo wenu udi musokoka ne Kilisto mu Nzambi.

Ebrewu 11:23

Bua ditabusha Mose, hakaledibueye, wakasokikibua kudi baledi bandi ngondo isatu, bualu bua bakamutangila muana mulengele ne kabakatshina mukenshi wa mukelenge.

Yakobe 2:25

Muomumue kabidi, Lahaba, mukashi wa masandi, kakabingishibua ku kuenza kuandi, bualu bua yeye wakangata bamisheshe, wakabatuma mu nshila mukuabo, anyi?

Yoshua 2:5

ne bakulua diba didibo binshila bibi bia musoko, hakuila butuku, bantu aba bakaluhuka; kadi meme tshiena mumanye kuakuyabo; nubalonde lubilu, nenubahete.

Yoshua 2:7

Balume bakabalonda mu nshila tô ne ku malobo a Yadene; bakaluhuka bantu, bakaya bua kubakeba, bakinshila tshibi.

Yoshua 2:8

Diambedi kabayi banze kulala tulu, yeye wakabanda kudibo ku musaka wa nsubu;

Yoshua 6:25

Kadi Yoshua wakasungila Lahaba, mukashi muena tshiendenda, ne bantu bonso ba mu nsubu wa tatu wandi ne bintu bionso biakadiye nʼabi; yeye wakashikama munkatshi mua Bena Isalele tô ne ku dituku edi, bualu bua yeye wakasokoka batentekedi bakatuma Yoshua bua kutentekela Yeleko.