Yoshua 2:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bobo bakambila Yoshua ne, Bulelela, Yehowa wakadia buloba buonso mu bianza bietu; ne bualu bukuabo kabidi, bena buloba bonso badi batekete-teketê ku mpala kuetu.

MUKANDA WA MYIDI MUKULU

²⁴ Kujadikilabu Yoshuwa ne: — Eyowa, Maweja-Nangila mmumane kutupa ditunga edi dijima. Bena ditunga mbamane kuteketa mu maboku. Kabena mua kutufuila nkanana to.

Yoshua 2:24 교차 참조

Ekesode 15:15

Bakelenge ba Edome bakukema, balume bakole ba Moaba badi bazakala, bantu bonso ba mu buloba bua Kanana bakujimina.

Ekesode 23:31

Nenteke mikalu yenu ku Dishiba Dikunze tô ne ku mai manene a Bena Peleshete, ne ku tshihela tô ne ku musulu wa Pelata, bualu bua meme nenfile bena buloba mu bianza bienu, nuenu nenubihate ku mpala kuenu.

Nsumuinu 25:13

Bu mudi mashika a neige mu tshikondo tshia kuhuola mbu mudi messager udi mua kueyemenyibua kudi bantu badi bamutuma. Bualu bua udi ukankamasha muoyo wa nfumu wandi.

Yoshua 1:8

Mukanda eu wa mikenji yanyi kaumuki mukana muebe; kadi welangane meji a mukanda eu munya ne butuku, udimuke mua kuenza malu onso adi mafundamu; hashishe neutute dikasa dimpe, newikale ne diakalengele.

Yoshua 2:23

Balume aba babidi bakahueka bafume ku mikuna, bakasabuka musulu, bakatua kudi Yoshua, muana wa Nuna; bakamuambila malu onso akabakuata.

Yoshua 5:1

Hakunvua bakelenge bonso ba Bena Amole bakadi dishiya dia Yadene dia ku wesete, ne bakelenge bonso ba Bena Kanâna bakadi bashikama kukala kua mai manene, lumu ne, Yehowa wakûmisha mai a Yadene ku mpala kua Bena Isalele tô ne hakasabukabo bonso, hashishe mitshima yabo yakahandika, kabakadi ne dikima kabidi bualu bua Bena Isalele.

Yoshua 6:2

Yehowa wakambila Yoshua ne, Mona, nakulala Yeleko ne mukelenge wa musoko ne bena nvita bonso ba dikima mu tshianza tshiebe.

Yoshua 8:1

Yehowa wakambila Yoshua ne, Kutshinyi, kukuatshila buowa, angata bena nvita bonso; bika biebe, ya ku Ai; tangila, nakamana kufila mukelenge wa Ai ne bantu bandi ne musoko wandi ne buloba buandi mu tshianza tshiebe;

Balombodi 1:2

Yehowa wakamba ne, Bena Yuda nebaye; monai, nakafila buloba mu bianza biabo.

Balombodi 18:10

Hanuabuelamu nenusangane bantu badi bashikama mu miaba mikole, ne buloba budi bunene; bualu bua Nzambi wakafila buloba budi kabuyi buhanga bintu mu bianza bienu.

Balombodi 7:9

Butuku abu mene Yehowa wakamuambila ne, Bika biebe, hueka ku tshitudilu tshiabo, bualu bua nakabifila mu bianza biebe.