Yoshua 17:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bana ba Yosefe bakamba ne, Buloba bua ku mikuna kabuena butukumbana; Bena Kanâna bonso badi bashikama mu tshibanda badi ne makalu a biamu, ne badi mu Bete-sheana ne misoko ei ne badi mu tshibanda tshia Yizelele.

MUKANDA WA MYIDI MUKULU

¹⁶ Ndelanganyi ya Yozefe kubenga, bamba ne: — Bushuwa, mikuna kayena mikumbane to. Kadi bena Kenaane badi basa mu mpata, nansha bena Bete-Sheyane, ne bena misoku idi nabu mutumba, nansha badi basomba mu tshibandabanda tshia Yizreyele, badi bonsu ne matempu a mvita a biamu.

Yoshua 17:16 교차 참조

1 Bakalenga 18:45

Anu tshituha tshihi diulu diakafika ne matutu, tshitelele tshiakatuta, nvula ya bungi yakaloka. Ahaba wakaya mu dikalu mu nshila wa ku Yizelele;

1 Bakalenga 18:46

tshianza tshia Yehowa tshiakadi kudi Eliya; wakasuika mukaba mu tshimona tshiandi, wakanyema ku mpala kua Ahaba tô ne ku tshibi tshia ku Yizelele.

1 Bakalenga 21:1

Ku nyima kua malu â Nabota, Muena Yizelele, wakadi ne budimi bua tumuma tukese mu Yizelele ba buihi ne nsubu wa Ahaba, mukelenge wa mu Samalea.

1 Bakalenga 21:23

Yehowa wakamba bualu bua Izebele ne, Mbua neyidie Izebele hehi ne lumbu lua Yizelele.

1 Bakalenga 4:12

Bana, muana wa Alihuda wa mu Tanaka ne mu Megido ne mu buloba buonso bua Bete-sheana budi ku luseke lua Saletana muinshi mua Yizelele ku Bete-sheana ne Abele-mehola tô ne ku Yokenama;

2 Bakalenga 9:10

Mbua mene neyidie mubidi wa Izebele mu Yizelele, kabena bamujika nansha. Yeye wakunzulula tshibi, wakaya lubilu.

2 Bakalenga 9:37

ne mubidi wa Izebele newikale bu tunvi ha mutu ha buloba bua Yizelele nunku kabena mua kuamba ne, Eu udi Izebele kabidi.

Yirmeya 49:2

Nunku Yehowa udi wamba ne, Monai, mu matuku alualua nengunvuishe bantu mbila ya bena nvita badi baluisha bena Laba wa bana ba Amona; musoko eu neulue tshikulu, neboshe misoko yau idi mu ntshiamba ne kahia. Yehowa udi wamba ne, Bena Isalele nebangate buhianyi bua bakadi bangata buhianyi buabo diambedi.

Yoshua 15:56

ne Yizelele ne Yokedama ne Zanoa,

Yoshua 17:11

Bena Manashe bakadi ne misoko ei munkatshi mua Bena Yisakâ ne Bena Ashê: Bete-sheana ne misoko yau, ne Yibelama ne misoko yau, ne Bena Dô ne misoko yabo, ne Bena Endô ne misoko yabo, ne Bena Tanaka ne misoko yabo, ne Bena Megido ne misoko yabo, ne mikuna isatu.

Yoshua 17:15

Yoshua wakabambila ne, Binuikala bantu ba bungi, yai bienu muitu nuditahile muaba mu buloba bua Bena Pelizi ne bua Bena Lefa; bualu bua buloba bua mikuna ya Bena Efelayima budi butamba bukese kunudi.

Yoshua 17:17

Yoshua wakambila ba mu nsubu wa Yosefe, Bena Efelayima ne Bena Manashe, ne, Nuenu nudi bantu ba bungi, nudi ne bukole bua bungi, kanuena anu ne tshituha tshimue:

Yoshua 17:18

kadi buloba bua ku mikuna nebuikale buenu; ditu didiku, kadi nenuditahe, ne muaba au newikale wenu; nudi mua kuihata Bena Kanâna nansha bobo ne makalu a biamu nansha bobo ne bukole.

Yoshua 19:18

Mukalu wabo wakadi ku Yizelele ne Kesulota ne Shunema,

Balombodi 1:19

Yehowa wakadi ne Bena Yuda, bakihata bakadi ku mikuna, kadi kabakamanya mua kuihata bakadi bashikama mu bibanda bualu bua bobo bakadi ne makalu a biamu.

Balombodi 4:13

Sisela wakasangisha makalu andi a biamu onso nkama tshitema, ne bantu bonso bakadi nʼandi, ku Haloshete wa munkatshi mua bisamba bia bende, tô ne ku musulu wa Kishona.

Balombodi 4:3

Bena Isalele bakadila kudi Yehowa, bualu bua yeye wakadi ne makalu a biamu nkama tshitema, yeye wakatamba kukengesha Bena Isalele bidimu makumi abidi.

Balombodi 6:33

Hashishe Bena Midiyana bonso ne Bena Amaleka ne bantu bonso ba ku esete bakadisangisha hamue; bakasabuka, bakasa tshitudilu mu tshibanda tshia Yizelele.

1 Samuele 29:1

Bena Peleshete bakasangisha bisumbu bia masalayi abo ku Afeke: Bena Isalele bakasa tshitudilu tshiabo hehi ne mushimi wa mai udi mu Yizelele.