Yoshua 14:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Dina dia Hebelone diambedi diakadi Kîyata-âba; muntu eu Aba wakatamba balume bonso ba munkatshi mua Bena Anaka. Buloba buakashala talalâ, kakuyi nvita.

MUKANDA WA MYIDI MUKULU

¹⁵ Tshimenga tshia Ebrone bavua batshinyika kale ne: Arba. Arba uvua muntu wa kale wa bena Anake, uvuabu batue makumbu bikole. Pashishe bena Izrayele kuanji kuikisha, bualu bavua bapungile bikole bua mvita ivuabu baluangana.

Yoshua 14:15 교차 참조

Genese 23:2

Sala wakafua mu Kiyata-aba (eu udi Hebelone) mu buloba bua Kanana, Abalahama wakaya bua kuaula muadi wa Sala ne bua kumujinga.

Genese 35:27

Yakoba wakalua kudi Isaka tatu andi mu Mamale, musoko wa Kiyata-aba (eu udi Hebelona) Wakadi Abalahama ne Isaka bashikame.

Genese 37:14

Yeye wakamuambila ne Ya biebe, umone ne bana benu badi bakole ne bimuna bidi bimpe, anyi, walukila ungambile. Wakamutuma ku tshibanda tshia Hebelone, ne yeye wakalua ku Shekeme

1 Kulondolola 6:4

Eleazâ wakalela Pinehasa, Pinehasa wakalela Abishua,

Nehemya 11:25

Bena Yuda bakuabo bakashikama mu Kîyata-âba ne mu misoko yau ne madimi au, ne mu Dibona ne mu misoko yau, ne mu Yekabesele ne mu misoko yau,

Yoshua 11:23

Nunku Yoshua wakanyenga buloba buonso bu muakambila Yehowa Mose; Yoshua wakabuabanyina Bena Isalele bu buhianyi buabo, tshisamba luseke luatshi tshisamba luseke luatshi. Buloba buakashala talalâ, kakuyi nvita.

Yoshua 14:14

Nunku Hebelone wakalua buhianyi bua Kaleba, muana wa Yefune, Muena Kenizi, tô ne ku dituku edi; bualu bua yeye wakalonda Yehowa, Nzambi wa Isalele mene mene.

Yoshua 15:13

Yeye wakaha Kaleba, muana wa Yefune, tshituha tshiandi munkatshi mua Bena Yuda bu mu dî dia Yehowa kudi Yoshua, musoko wa Kîyata-âba, tatu wa Anaka (eu udi musoko wa Hebelone mene).

Yoshua 21:11

Bakabaha Kîyata-âba, Aba wakadi tatu wa Anaka (udi tshimenga tshia Hebelone) ku mikuna ya Yuda ne miaba ya ku matshika idi mitshinyunguluke.

Yoshua 21:12

Kadi bakaha Kaleba, muana wa Yefune, madimi adi ha buihi ne tshimenga ne misoko yatshi bu buhianyi buandi.

Balombodi 1:20

Bakaha Kaleba Hebelone, bu muakamba Mose; yeye wakihata bana balume ba Anaka basatu bakadimu.

Balombodi 3:11

Buloba buakadi talalâ bidimu makumi anai. Oteniele, muana wa Kenaza, wakafua.

Balombodi 3:30

Nunku Bena Moaba bakateketa dituku adi ku tshianza tshia Bena Isalele; buloba buakadi talalâ bidimu makumi muanda mukulu.

Balombodi 5:31

Yehowa, bantu bonso badi nʼebe lukuna bafue nunku; kadi bantu badi bakusue bikale bu diba habandadi ne bukole buadi buonso. Buloha buakadi talalâ bidimu makumi anai.

Balombodi 8:28

Nunku Bena Midiyana bakadi batambibue bukole kudi Bena Isalele, kabakabisha mitu yabo kabidi. Buloba buakadi talalâ bidimu makumi anai mu matuku onso a Gideona.

1 Samuele 30:31

ne bakadi mu Hebelone ne mu miaba yonso yakadi Davidi ne bantu bandi bashikamashikama.