Yona 4:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa Nzambi wakamenesha mudiantondo, wakaulehesha tô ne ha mutu ha Yona, bua wikale dileshi ha mutu handi bua kumûmushila lutatu luandi. Nunku Yona wakatamba kusanka bua mudiantondo.

MUKANDA WA MYIDI MUKULU

⁶ Mvidi Mukulu Maweja-Nangila kumenesha mutshi uvua ubanda bikole, bua Yona amone mua kusomba mu dileji diawu, kupua muoyi ku kanyinganyinga kavuaye naku. Yona kusanka bikole bua mutshi awu.

Yona 4:6 교차 참조

Estere 5:9

Hashishe Hamana wakaluhuka ne disanka dia bungi mu mutshima wandi; kadi hakatangila Hamana Môdekai mushikame ku tshibi tshia mukelenge ne yeye kayi mubike, kayi mumushile muaba, wakasangana ne tshiji tshikole kudi Môdekai.

Yobe 7:2

Bu mudi muhika ujinga mundidimbi wa dihueka dia diba, bu mudi muena mudimu wa difutu windila difutu diandi,

Nsumuinu 23:5

Neutshike mesu ebe ku biuma, biobi bimane kujimina, anyi? Bua biuma bidi bidiasa mahuahua, bitua mulelu bu nyunyu bua kuya mulu.

Yeshaya 39:2

Hezikiya kabidi wakasanka bualu buabo, wakabalesha nsubu yakadi ne bintu biandi bia mushinga mukole, argent, or, bintu bia muhuya muimpe, manyi matambe buimpe, nsubu ya bielelu biandi bia nvita bionso, ne bintu bionso biakadi mu nsubu ya bibutshilu biandi. Kakuakadi tshintu mu nsubu muandi, anyi mu bukelenge buandi buonso, tshiakadi Hezikiya kayi ubalesha.

Amosa 6:13

Nuenu nudi nusankila mu tshintu tshia tshianana, nudi nuamba ne, Tuetu bine nkayetu katuena badiangatshile bukole ku makanda etu, anyi?

Yona 1:17

Yehowa wakalongolola munyinyi munene wa mu mai bua kuminau Yona; ne Yona wakadi munda mua munyinyi wa mu mai minya isatu ne mafuku asatu.

Yona 4:5

Hashishe, Yona wakahatuka mu musoko, wakashikama mu muaba wakadi mutangilangane ne musoko ku luseke lua esete ne wakadibakilaku tshitandatanda, wakadi mushikame muinshi mua dileshi diatshi bua kumoneye ne malu kai akuata musoko.

Yona 4:7

Kadi hakatshiabu, Nzambi wakatuma tshishi tshiakadia mudiantondo, wakafubidila.

Luke 10:20

Kadi kanusanki bua nyuma mibi idi itumikila dî dienu, kadi nusanke bua mena enu adi mafunda mu diulu.

1 Korente 7:30

ne bantu badi badila bikale bu badi kabai badila; ne badi basanka bikale bu badi kabai basanka; ne badi basumba bintu bikale bu badi kabai ne bintu;