Yobe 9:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Binowa ne neige, binatokesha bianza bianyi ne binshindimba,

MUKANDA WA MYIDI MUKULU

³⁰ Nansha meme mowa mayi ne nsabanga wa munganga. mutokesha bianza bianyi ne wa binshidimba,

Yobe 9:30 교차 참조

Yobe 31:7

bikala dikasa dianyi disesuke mu nshila, bikala mutshima wanyi mulonde lukuka lua mesu anyi, bikala ditoba dilamate ha bianza bianyi;

Yobe 35:3

hawamba ne. Bualu ebu budi bukuatshisha kudi kunyi? Anyi hawamba ne, Ndi mpeta mushinga kai mutambe wa hanakuenza bualu bubi?

Yobe 9:31

wewe neungele mu mutubu wa bintampi kabidi, ne bivualu bianyi mene nebindengulule.

Misambu 26:6

Ndi ngowa bianza bianyi tshiyi ne tshilumbu; nunku, Yehowa, ndi nyunguluka tshioshelu tshiebe;

Misambu 51:9

Usokoke mpala webe ku malu mabi anyi, unjimishile mahambuka anyi onso.

Nsumuinu 28:13

Udi usokoka matomboka andi kena wikala ne diakalengele, kadi udi uwatonda, uwalekela, neafuidibue luse.

Yirmeya 2:22

Mukelenge Yehowa udi wamba ne, Biwowa ne buanga bua nsabanga, biwangata nsabanga wa bungi, bubi buebe butshidi bufunda ku mpala kuanyi.

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Rome 10:3

Bualu bua hakahangabo kumanya buakane bua Nzambi, ne hakadibo bakeba kujadika buakane buabo mene, kabakadikokesha ku buakane bua Nzambi.

1 Yone 1:8

Bituamba ne, Katuena ne mibi, tudi tudidinga, ne bushua kabuena munda muetu.