Yobe 9:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bualu bua yeye udi mutshibula ne tshihehele, udi uvudisha mputa yanyi tshiyi ne bualu.

MUKANDA WA MYIDI MUKULU

¹⁷ Udi unzaza amu bua bualu bukese. Udi untapa amu kuntapa mputa, kayiyi bualu,

Yobe 9:17 교차 참조

Yobe 10:8

Bianza biebe biakanfuka ne biakangenza mundi emu, ne wewe udi musue kunshiha.

Yobe 16:12

Nakadi nshikama talalâ, kadi yeye wakuntshibula bituha bituha. Wakunkuata ku nshingu, wakunkanda bihesa. Wakungimanyika bu tshimanyinu tshiandi tshia kuasaku mikete.

Yobe 16:14

Udi untaha mputa mu miaba yonso, udi ulua kundi lubilu bu mudi umena bukitu.

Yobe 16:17

Kadi kakuena bienzedi bia tshimbambila ku bianza bianyi, kulomba kuanyi kakuena ne lubombo.

Yobe 2:13

Hashishe, bakashikama nʼandi mu buloba tô minya muanda mutekete ne mafuku muanda mutekete. Kakuena muntu mukuabo wakamuambila dî, bualu bua bakamona bu muakadi dikenga diandi dihita bukole.

Yobe 2:3

Yehowa wakakonka Satana ne, Wakumona muntu wanyi Yobo, anyi? Kakuena muntu mukuabo bu yeye ha buloba; bu mudiye muntu wa mutshima mutoke ne wa malu makane, udi utshina Nzambi ne udi wehuka ku malu mabi. Yeye utshidi unanukila kulamata ku buakane buandi, kadi wewe wakanshikila bualu buandi bua kumubutula kayi ne bualu,

Yobe 2:7

Nunku Satana wakaluhuka ku mpala kua Yehowa, wakasamisha Yobo ne biusha binene hamʼbidi bonso, munda mua makasa tô ne ku lubombo lua mutu wandi.

Yobe 27:2

Bu mudi Nzambi ne muoyo, wakunyenga kulumbulula kuakane kundi, ne bu mudi Wa Bukole Buonso, wakunyingalasha mutshima wanyi bikole;

Yobe 30:22

Wewe udi ungambula mu luhehele, udi ungendeshamu, udi unvingutula mu tshihuhu.

Yobe 33:10

Mona, yeye udi ukeba malu a kunkanda nʼau, udi umbala bu muena lukuna wandi.

Yobe 34:6

Ndi mubinge kadi badi bambala bu muena mashimi, kabena bamanye mua kûmisha mputa wanyi, kadi tshiakuenza bualu bubi.

Yobe 9:16

Bu meme mumubikile ne bu yeye muitabe kundi, tshiakadi kuitabusha ne, Yeye udi mua kunvua dî dianyi.

Misambu 25:3

Bulelela, nansha umue wa badi bakuindila neafuishibue bundu; nebafuishe badi benzela bantu malu a bunsonge hatuhu bundu.

Misambu 29:5

Di dia Yehowa didi ditshibula mitshi ya cèdre, e, Yehowa udi utshibula mitshi ya cèdre ya mu Lebanona bituha.

Misambu 42:7

Ndondo wa mai udi Ubikila ndondo mukuabo hunvueye tshiona tshia bibila biebe. Mavuala ebe ne mambuanka ebe onso akuhita ha mutu hanyi.

Misambu 83:15

wewe ubihate ne tshihuhu tshiebe, ubatshinyishe ne tshihehele tshiebe tshikole.

Yeshaya 28:17

Nenvuishe kulumbulula kuakane luidi, ne buakane tshiamu tshia plomb tshia kuteta nʼatshi tshimanu. Mabue a nvula neumushe tshinyemenu tshia mashimi, mai neahitshile ha mutu ha tshisokomenu.

Yirmeya 23:19

Tangilai, tshihuhu tshia Yehowa, tshiji tshiandi mene tshiakuhatuka, nvunde mukole mene! Netshitayikile ha mutu ha bantu babi.

Yezekiyele 13:13

Nunku Yehowa udi wamba ne, Mu tshiji tshianyi tshikole nembishe tshihuhu bua kulushimbula, mu tshiji tshianyi mene nvula munene nealoke bua kulukuma, ne mu tshifika munda mabue manene neahone bua kumbutula.

Matayi 12:20

Yeye kena utshibula disele didi diamba kukoseka, Kena ujima kalulu ka muinda kadi kafuima muinshi Tô ne hatumeye malu andi mimpe bua kuhita malu mabi.

Matayi 7:27

nvula yakaloka, misulu yakula, bihuhu biakalua, biakakuma ku nsubu, nsubu wakuhuka; kuhuka kuandi kuakadi kunene.

Yowanane 15:25

Nunku bakushikisha dî diakadi difunda mu mikenshi yabo ne, Bakadi nʼanyi lukuna tshianana.

Yowanane 9:3

Yesu wakabandamuna ne, Kabakuenza bualu bubi kudi muntu eu anyi kudi bamuledi; bualu ebu buakulua bua malu adi Nzambi wenza amueneke bualu bua muntu au.